كوردستانینووچه‌

حەیدەر شەشو : ئەم دانپێدانێ ب بابەشێخێ‌ نوو ناكەین

ئەڤرۆ ڕۆژا چوارشەمبی و دمەراسیمەكێدا كو ل پەرستگەها لالش هاتنەگێڕان، عەلی شێخ ئلیاس وەكوو بابەشێخێ‌ نوو یێ‌ ئێزدیان بفەرمی هاتە دانان . زێدەباری میر حازم بەگ و جڤاتا روحانی، هژمارەكا شێخ و كەساتیێن ئێزدیان بەرهەڤی رێورەسمێن دانانا بابەشێخێ نوو بوون.
ژلایەكێ‌ دیڤە و ل شنگال نەڕازیبوون لسەر دانانا شێخ عەلی ئلیاس وەكوو بابەشێخێ‌ نوو دبەردەوامن، حەیدەر شەشو فەماندێ هێزێن بەرخودانا شنگالێ‌ ڕاگەهاند، زێدەتر ژ 80% ژ خەلكێ‌ ئێزدی ل عیراقێ‌ و جیهانێ‌ دنەڕازینە لسەر شێوازێ دانانا بابەشێخی، و ئەگەر ئەڤ پڕۆسە نەهێتە هەڵوەشاندن، دێ جڤاتەكا سەربخۆ ل شنگال هێتە دورستكرن و ئێدی دانپێدانێ نە ب میر حازم بەگ و نە بابەشێخ عەلی ئلیاس دهێتەكرن.
حەیدەر شەشو گوت: مەراسیمێن دانانا شێخ عەلی ئلیاس ل لالش لژێر چاڤدێریەكا ئەمنی یا توند هاتنە بڕێڤەبرن و دووپاتكر كو خەلكێ‌ ئێزدی قەبوول ناكەت لایەنەكێ سیاسی دەستوەردانێ دكاروبارێن ئولیێن ئێزدیاندا بكەت، لەوڕا بهیچ شێوەیەكی خەلكێ‌ شنگال نە دانپێدانێ ب میر حازم بەگ و نە بابەشێخێ‌ نوو دكەت و پێگیریێ‌ ژی ب ڕێنما و راسپاردێن وان ناكەت.

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close