نێرین

ئەز فەرهادم زمان حالێ کوڕێ شەهیدەکێ سەنگەری،

دەمێ ھێرشێن داعش بۆ سەر ھەرێما کوردستانێ دەستپێکرین، بابێ من ب پلا (ڕائید) دەست بکار بۆ مە پێکڤە قەستا دەڤەرێن شەری کر، بۆ ئەڕکێ پاراستنا گەل و نیشتیمانی ل سەنگەرێن شەری ئەم جێگیر بۆین، ئەز بوم و بابێ من و دوو برایێن من و پتر ژ دەھ پسمامێن من دگەل مە بۆن .. پشتی بورینا (٤٨) ڕۆژان دشەرەکێ دژوار دا و ماندیبونەکا ئێک جاڕ زۆڕ ئەز ڤەگەریام ماڵ وەک بھێن ڤەدان؟ پشتی دوو ڕۆژێن بێھنڤەدانێ من بھیست کو شەرەکێ دژوار دناڤبەرا تیرۆڕستێن داعش و ھێزین پێشمەرگەهی دا یێ ڕۆیدایی من بریار دا بلەز ڤەگەرهم سەر ئەرکێ خوە وەک پارێزڤانێ وەڵاتی مل ب ملێ بابو برا و پسمامێن خوە شەری دژی تیرۆڕستێن داعش بکەم بۆ پاڕاستنا ئاخ و نیشتیمان و گەڵێ خوە ، دەمێ ئەز ڤەگەریایم سەنگەرێن شەری ل دەڤەرا شنگالێ و من تەماشە کری باژێرەکێ وێران و شەرەکێ دژوارە، ب ھەمی هێز و شیانا من خوە گەھاندە بەڕۆکێن شەری و ناڤ ھەڤالێن خوە، مخابن ھەڤالەکێ بابێ من ئەز ڤەدەرکرم و نەھێلا ئەز ب چ مە پێشڤە و پاشی ئەز ژ پێشمەرگەهی دویر کرم د ژۆرەکا گرتی ڤە بتنێ و گوت کورێ من بابێ تە یێ هاتیە شەھیدکرن ب جاڤێن پڕی گری و دلەکێ سۆتی ڕاست چووم و من قەستا جەنازێ بابێ خوە کر و من سۆز دا چەکێ وی ھەلبگرم و توڵا بابێ خوە ب وی چەکی ڤەکەم ئەو چەکێ بابێ من شەر پێ دکر. پشتێ گەھشتی مە سەر جەنازێ بابێ خوە بێی کو بابێ خوە ھەمبێز بکەم من ھەوار کر کاچەکێ بابێ من لکیڤەیە؟ تشتێ سەیر ل وێرێ من دیت حەیف چەکێ بابێ من ژ لایێ چەند پێشمەرگەهێن هەڤالێن وی ڤە هاتبوو دزین و کەسێ نەگوت کا کیڤە چوویە و کێ دزیە ! ئەو چەکێ بابێ من یێ تایبەت بۆ نەکو وەزارەتا پێشمەرگەهی دابویێ بەلکو ب پارێن بەریکا خوە کری بوو پشتی ڤی دیمەنی من سۆزا مێرا دا کو ئێدی ئەز چەکی بۆ ڤی خاک و وەڵاتی نەهەلگرم و من پێشمەڕگاتی ل خوە حەڕامکر و من بریار دا کارەکی بۆ خێزانا خوە بکەم. پشتی شەھیدبونا بابێ من مە پارچەکا عەردی هەبوو من بریار دا وێ پارچا عەردی ئاڤا بکەم دا دەیکا خوە و خویشک و برایێن خوە ژ کرێچییێ ڕزگار بکەم و وی عەردی بکەمە خانی، ژ بەرکو ژ ئەڤرۆ وێڤە ئەز بۆمە مەزنێ مالێ دڤێت چاڤێ خوە بدمە دەیکا خوە خویشک برایێن خوە ب مەرەما ئاڤاکر ناخانی ئەز چۆمە باژێڕڤانیێ و من داخازا دەستوریێ ژ باژێرڤانیێ کر داکو رێکێ ب بدەنە من ئەز خانیێ خوە ئاڤا بکەم، بەلێ ب مخابنی ڤە رێک ب من نەھاتە دان ئەز وێ پارچا ئەردی ئاڤا بکەم دا دەیکا خوە خویشک و برایێن خوە ژ کرێچیێ ڕزگار بکەم. لڤێرێ ئەز داخازێ ژ پێشمەرگەهێن خودان شەرەف دکەم خوە بۆ چ حزبا نەدەنە کوشتن ژ بەرکو خێزانێن هەوە دێ میننە بێ خودان و دێ بنە خازخازۆک؟؟

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close