شه‌عبان مزوری
كاره‌ساتا شنگالێ ل ٤ ته‌باخا ٢٠١٤ دەرزەک کویر خستە ناڤ بەرا ئێزدیێن شەنگال و میرێ ئێزدیا لگەل بابێ شێخ، ژبەرکو لگور دیتنا پرانیا شنگالیا هەلویستێ ڤان هەردو کەسێن فەرمی وەک نوینەرێن دونایایێ و ئولا ئێزدیا نە ل ئاستێ پێتڤی و چاڤەرێکری بو، پتر ئەڤ کەسە وەک لەیزتک د دەستێ پەدەکێ دا تەماشە کرن.
وه‌ك ئه‌م هه‌می دوزانین ڤێ سالێ ئێزدیان دو سیمبولێن خوه‌یێن ئولی ژ ده‌ست دان، یه‌كه‌مین میر ته‌حسین به‌گ و دویه‌مین بابێ شێخ. بمرنا ڤان دو كه‌سا جڤاتا ئێزدی چه‌ندا په‌رت و به‌لاڤ بو بمن پرت و به‌لاڤتر لێهات. بمرنا ته‌حسین به‌گێ ناڤ كرنا میره‌ك تازه بو ئێزدیان ژبو ببه چه‌تره‌ك بكاره ئێزدیان لژێر سیبه‌را خوه كومكه‌ت بو بابه‌ته‌ك روژه‌ڤێ، پرانیا جڤاكا ئێزدی نیشادا كو دخوازم چالاكانه به‌شداری ڤێ بنڤكرنێ بن و كارتێكه‌ر بن.بمن جڤاكا ئێزدی وه‌ك هه‌ر جڤاته‌ك دن زۆر گۆرانكاریێن بسه‌ردا هه‌تین، تایبه‌تی ڤان ٢٠ سالێن دوماهیێ و پتر ڤان شه‌ش سالێن پشتی كاره‌ساتا شنگالێ، به‌شه‌ك به‌رچاڤ بدونیایێ كه‌فتن و ئه‌ڤێ مشێختی هشیاریه‌ك به‌رچاڤانه لناڤ واندا چێكر. دیتنا ئێزدیان بو پوستێ میری نه‌ما وه‌ك سه‌رده‌ما بوری كو ته‌نها بێژن میری ( به‌لێ ئه‌زبه‌نی) به‌لكو ئاشكرا دخوازن میر بئه‌ركێ خوه رابه هه‌مبه‌ر ئێزدیان.
ئه‌ز دخوازن لڤێره گرێدای میری گومانه‌ك خوه ئاشكرا كه‌م لسه‌ر میرێ ئێزدیا، ڤێ گومانێ ئه‌ز بڤێ پرسێ ده‌ستپێدكه‌م: گه‌لو هیچ سه‌رده‌مه‌كی پوسته‌ك هه‌بویه بناڤا میرێ ئێزدیێ جیهانێ؟ لگور دویف چونێن من هه‌ین و لۆژیكا چوگرافیا ئێزدیا كه‌سه‌ك نه‌بویه هیچ سه‌رده‌مه‌كێ میرێ ئێزدیێن جیهانێ بیت و بمن ئه‌ڤ ناڤه ته‌نها ل ته‌حسین به‌گ هاتیه كرن و لدویف بوچونا من میرێن باغه‌درێ ته‌نیا میرێ ئێزدیێن رۆژهه‌لاتێ دیجله بو و هیچ ده‌مه‌كێ ده‌ستهه‌لاتداری لسه‌ر ئێزدیێن شنگالێ نه‌بو به‌لكو ته‌نیا ئێزدیێن شنگالێ بچاڤه‌ك رێزێ ته‌ماشه‌ی مالا میرێن باعه‌درێ دكر و وه‌ك زاروك من زۆر جاران بهیست بو ده‌ما دگوتن میرێ شێخان.یانژی به‌شه‌كی دگوت میرێ وه‌لات شێخ، لێ وه‌ك من ئاماژه پێ كری سه‌رده‌ما ته‌حسین به‌گێ و تایبه‌تی ڤان چل سالێن دوماهیكێ زۆر خه‌لكی وه‌ك میرێ ئێزدیێن جیهانێ ته‌ماشێ دكرو بمن دیسان ئه‌ڤ پرسه پتر گرێدای سیاسه‌تا عیراقێ و هه‌رێمێ بو ژبو كونترۆلكرنا ئێزدیان برێكا میری.
هه‌ر چه‌وا بیت وه‌ك لسه‌ری هاتی ئه‌گه‌ر میر بو هه‌می ئێزدیێن جیهانێ بیت نابیت ئه‌ڤ میره بێی تایبه‌تی كارتێكرنا شنگالیا بێته بناڤكرن، له‌وما بناڤكرنا كورێ ته‌حسین به‌گێ وه‌ك میر كارڤه‌دانێن دژوار ژلایێ گه‌له‌ك ئێزدیان ڤه بدویف خوه‌دا ئینان، تایبه‌تی ئێزدیێن ده‌رڤه‌ی وه‌لات و شنگالێ و تا رۆژا ئه‌ڤرو پرانیا ئێزدیان حازم وه‌ك میر ناسناكه‌ن و بو ئه‌گه‌را په‌رچه كرنا جڤاكا ئێزدیان. لڤێره ئاشكرا تبلێن تاوانێ بو پارتی دیموكراتی كوردستان و سه‌روكێ وێ مه‌سعود بارزانی تێن درێژكرن تا وی رادده‌ی كو گه‌له‌ك دبێژن حازم میرێ پارتیه.وی ده‌می لدویف پێزانیننێن من زۆربه‌یا خه‌لكی دخواست ئیسمه‌ت ته‌حسین به‌گ ببیته یانژی لگۆر داخوازا به‌شه‌ك ژ ره‌وشه‌نبیرێن ئه‌زدیا مه‌یا خاتون خانما ازم ته‌حسین به‌گ ببه میر. سه‌ربورا ئه‌زدیا لگه‌ل میراتیا خانما ژ ده‌یكا ته‌حسین به‌گێ ده‌ستپێدكه‌ت، چونكه ده‌ماسه‌عید به‌گ مری كورێ وی ته‌هسین به‌گ سنێله بو له‌وما مه‌یان خاتون برولێ میراتیێ رابو. جڤاكا ئێزدی هێژان ژڤێ كێشێ ده‌رنه‌كه‌فتی، كه‌فته ئالوزیا هه‌لبژارتنا بابێ شێخ؟
لگور زانین من بابێ شێخ دڤێت ژ مالێ شێخ شه‌مسا بیت. ئه‌ڤ بابێ شێخێ به‌ری ده‌مه‌كی مری كو ناڤێ وی خه‌تو ب، برایێ حوسێن بابه شێخ بو كو په‌ده‌كێ لگه‌ل دوكتور خالد و عه‌لی عه‌سكه‌ری كوشتین ل شه‌رێ هه‌كاری. ده‌ما حه‌جی ئیسمایل بابێ خوه‌توی سالا ١٩٧٧مری هوكمه‌تا سه‌ددام نه هێلا برایێ وی ببیته بابه شێخێ ئێزدیان ژبه‌ر هه‌لویستێن وانێن نه‌ته‌وه‌یێ و بابێ ڤی بابه شێخێ١٤ ڤێ هه‌یڤێ هاتیه بناڤكرن وه‌ك بابێ شێخ لدهوك، سه‌ددام كره بابێ شێخ و ئه‌ڤ مروڤه ژ كه‌سێن نێزیكێن ده‌ستهه‌لاتا سه‌ددام دهاته ناسكرن لدویف نێرینا به‌شه‌ك ئێزدیا. لڤێره دڤێت ئاماژه ب وێ یه‌كێ بكه‌م كو مالا حه‌جی ئیسمائیل بابێ خه‌توی بماله‌ك كوردپه‌روه‌ر تێن ناسكرن و كه‌سان هه‌بون ژڤێ بنه‌مالێ ئه‌ندام بون دناڤ رێكخراوا هیوا دا.
لدویف پەیوەندیێن من بهندەک کەسێن ئێزدی کرین دبێژن برەنگەک گشتی بو پرانیا خەلکێ هیچ خەم نەبو شێخ عەلی یانژی کورێ شێخ خەتوی ببا بابێ شێخ، لێ شێوێ ناڤکرنا وی و هەروەسا پەراوێزخستنا زۆر کەسان کە لدیروکێ ئامادەبونا خوە هەبویە لناڤ ڤان پرسا وا کر کو خەلکەک زۆر لدژ دەرکەڤیت و ئەڤ دو بەرەکیا لسەر ناڤکرنا میری دوروست بوی کویرتر و بەرفرەتر لێبێت، هەروەسا چارەسەری ئالوزتر لێبێت. هەر پشتی ڤێ بریارا بناڤکرنا بابێ شێخ شێرزاد فاروق به‌گ ده‌ست ژ كار كێشا وه‌ك جێگرێ میری بو كار و بارێت كومه‌لایه‌تی، ژبه‌ر كو كه‌سێ پیته پێنه‌دكر.
بکوردی و بکورتی لڤێرە بمن پێویستە بریارێن بڤی رەنگی نەیێن چەسپاندن لسەر خەلکێ تایبەتی دەما ئەم دبینین جڤاتا مە پر پارچە بویە.
ستۆکهۆل
پ
