د. شەعبان مزوری
بەریا ٣٥ سالا و تا دوهی من باوەری هەبو کو ماتماتیک تەنها زانستە کو دو کەس نەشێن لسەر ڤێک نەکەن، چونکە ئەوا من خواندی و بهیستی تا دوهی لدویف باوەریا من هەمی زانستا پشت راست کربو برەنگەکی کو ماتماتیک پیڤەرێ هەرێ زانستیە ژبو پشراتکرنا زانستێن دی، لێ هەمی پێچەوانە دەرکەفت. هندەک پەرلەمەنتارێن باشورێ کوردستان هەمی زانست بدرەو دەرخستن و بنەما بو زانستەک نوی دانان .
بباوەریا من ئەگەر زۆر درەنگ نەکەفتبا دڤیابا خەلاتا نوبلێ لماتماتیکێ سالا ٢٠٢٠دابان پەرلەمەنتارا پارتی دیموکراتی کوردستان ل پەرلەمانێ هەرێما کوردستانا عیراقێ کو یەکەمین کەسە لسەر جیهانێ دو ژمارە ١٢ لناڤبەرا ١٠ و ٢٠ دا پەیداکری، لێ ئەم بێ ئومێد نابین کو سالا بێت مە نوبل مسوگەر کر، چونکە ئەڤێ بەرێزێ بچەند سێکوندا دانانەک دنژی لماتماتیکێ نو کر، ئەوژی تا نوکە ئەگەر کەس دی نە لێ من بخوە وەسا دوزانی کو ژمارا ١٧ پشتی ژمارا ١٥ و ١٦ تێت، پاشی دەرکەفت نەخێر ژمارا ١٥ و ١٦ پشتی ژمارا ١٧ تێت.
لێ دیسان بو من کێشەک چێبو ئەوژی بپەیداکرنا دو ژمارە ١٢ کویژان ژمارە دڤێت لناڤبەرا ١٠ و ٢٠ نەهێلین؟ ئایا هەردو ژمارا ١٢ هەمان هێزا پیڤانێ هەیە؟ پرسا دن پەیداکرنا جهێ تازەیێ هندەک ژمارا چەند کاریگەری دێ هەبیت لسەر هێزا پیڤەریا وان؟ ئەڤە براستی دەرگەهە بو زانستەک تازە و دێ لسەرتاسەرێ جیهانێ بسەدان ملیونا دەرفەتێن کارێن تازە پەیداکەتن، هەما بێژە ئەڤێ داهێنانێ جیهان سەروبن کر.
جارەکێ پەرلەمانتەکێ دی سێ ژمارە کومدکرن و پشتی چەندین هەولدانا ئەنجاما وی نە وەک وێ ئەنجاما ئەم هین بوین تا وێ رۆژێ، پاشان جامێری نەچار ما کو ئەنجامێ وەک مە بێژیت. لێ تازە من زانی کو ئەو جامێر یێ دوروست، چونکە ئەو سەرەتا زانستا ماتماتیکا سەردەمانە بو. تشتێ ئەز پێتێشم منژی ڤیدیویا وی جامێری چەند جارەکێ بەلاڤ کر و براستی بمەبەستا نیشاندانا وی وەک کەسەک نە زان، لێ لڤێرە نە تاوانا کەسێن وەک من بو، تاوان یا وی جامێری بو، ئەگەر گوتبا ئەنجام ئەڤەیە وە دڤێت و نەڤێت! وەک بو نمونە پەدەکێ بەریا هەلبژارتنا گوت دێ ٤٥ کورسیکا بەین و وەسا دەرکەفت، مەلا بەختیار گوتی یەنەکە یەک کورسیکژی بینیت دێ هەر مینیت دەستهەلاتدار ل زۆنا خوە، ما لوەلاتەکی خەلکەک بڤی ئاستی پێشبین و کویربین هەیە.
ئەم بەرەف کویڤە دچین برێبەریا ڤان زانا؟ ئەڤە و هەڤسێوەیێن ڤان تا کەنگی دێ مە بو خوە کەنە لێبوک؟ ئەڤە دەر ئەنجاما کالفامیا مەیە یانژی شارەزایا وانە؟ بەس نە بێژن خوەدێ هوسا لئەنیا مە نڤیسیە، چونکی خوەدێ نە زەبور، نە تەورات، نە ئنجیل و نە قورئان نە نڤیسیە، دێ بوچی ل ئەنیا مە نڤیسیت؟
بکورتی و بکوردی مالا برێبەر بیت رێنجبەرو روینە و بخو، مالا بێ رێبەر بیت چەندی رێنجبەر بکەت تێر ناخوت!
