نێرین

پرۆژێ د بێژنێ چاكسازی، چ راستی بۆ هەنە؟!

سادق سالح
چاكسازی: ئەوا من د ڤێت بێژم ب كۆرت و كورمانجی، ئەڤ چەند خالەنە و هندە بینە و ببە پێنەڤێت و سەرێ خۆ پێڤە نە ئێشینن و پێویست ب هندە شرۆڤە و لێكۆڵینا ناكەتن:
1ل دەستپێكێ دڤێت ئەم بزانین كو هەمی حكومەتێن رۆژهەلاتا ناڤین یان ژی جیهانا سێیێ وحكومەتا كوردستانێ ژی، د ناڤ دا لسەر سیستەمەكێ گەندەڵیا مالی و ئیداری هاتینە ئاڤا كرن و گەلەك بیرمەندێن د ڤی بورای دا، د وێ باوەرێ دانە كو ئەڤ سیستەمە ب زانا بوون یێ هاتییە دامەزراندن و رۆژهەلاتا ناڤین بێی ڤی سیستمی ناهێتە ب رێڤەبرن، هەمی ئەو بابەتێن دی مینا دیموكراسی و وەك هەڤی و ئازادیا بیروهزرا و …. شكلینە و چ واتە بۆ نینە.
2پرۆژێ چاكسازیێ ئەوێ حكومەتا كوردستانێ، كو هندە سالە د هینن و د بەن چ راستی بۆ نینن و ژ بلی نمایشەكا كومێدی، تشتەكێ دی نینە و چ لێ شین نابیت و زارڤەكرنا حكومەتێن دەوروبەرن.
3ئەو پرۆژێ د بێژنێ چاكسازی و نەهێلانا گەندەڵیێ د خزمەتا چ لایەنەكی دا نینە، چ بەشدار بوویێن دەستهەلاتێ و چ ئەوێن ل دەرڤەی دەستهەلاتێ و چوو جارا هەڤدەنگیەك د ناڤبەرا وان دا چێنابیت، بۆ ئەنجام دانا چاكسازیێ د بەرژەوەندیا گشتی دا، بەرۆڤاژی هەڤدەنگیەكا تام یا هەی كو چاكسازی نەهێتە ئەنجام دان، خرابكاری و بن دیوار و سەر دیوار بەردەوامی پێ بێتە دان.
4ئەوێن هەرجار بازارا چاكسازیێ گەرم دكەن و ل سەر ئێك موزایدا سیاسی دكەن، مینا یاریا شەبەكێیە (تایرە) ئێك بلند دكەت و ئێك ژی كەبسا لێ دەت، ئەو بخۆ ئەگەرێن ڤان گەندەڵی و قەیرانانە و گەندەڵكاری ل دەست پێكێ وان یا ئافراندی و یا بیە نەریت و دیاردە، هەر لایەنێ بەحسێ چاكسازیێ گەرم بكەت، لایەنێ دی دێ بەرپێكا دەتە بەر.
5پێویستە بەری ئەم دەستخۆشیێ ل هەر كەسەكی بكەین، كو دێ چاكسازیێ ئەنجام دەت و دلخۆشیا خۆ دیار كەین و خەونا ب پێشەرۆژەكا گەش ببینین و لیتكا پەڵاڤێین، ڤێ پرسیارێ ژ خۆ بكەین، ئەو كینە و كی بوونە ئەگەر و فاكتەرێن ڤان هەمی گەندەڵ كاری و قەیرانا؟ هەرێ هەوە د دیرۆكا مرۆڤایەتیێ دا دیتیە و بهیستی یە و خواندی یە كو چاكسازی ب وان كەسان بێتە كرن، كو ب خۆ سەرچاڤەیێن ڤان هەمی قەیران و گەندڵیانە یان ژی ب وان كەسان، كو د ناڤەندا گەندەڵی و قەیرانادا مەزن بووینە؟ ئایا ئەو كەسێن د بێژن دێ چاكسایا كەین و گەندەڵكارا ناهێلین، وان بخۆ تاما قەیرانێن مالی و بێ ئاڤی و كارەبایی دیتیە؟ ئەو كەسێن بەحسێ چاكسایا ئێداری دكەن، بخۆ توشی هەلویستەكێ ئیداری بینە و ب رۆژا و ب هەیڤا و هندەك جارا ژی ب سالا ل دویڤ كارەكێ ئیداری هاتن و چوون كرینە؟ ئەوێن بەحسێ نەخۆشیا ژیانا هاولاتیان دكەن وان بخۆ نەخۆشیێن ژیانێ دیتینە؟ زارۆكێن وان بێ شیر، خوارن، جل و بەرگ، پێلاڤ و كەرەستەیێن قۆتابخانێ ماینە؟ هەرێ براستی زارۆكێن وان د زانن چوونا كارەبێ و نە هاتنا ئاڤێ چی یە یان ژی ب درۆستی واتەیا مۆچەی دزانن؟ هەرێ كەسێ سەرێ وی نە ئێشابیت، دێ هەست ب سەر ئێشانا تە كەتن؟ ئەگەر ئەڤ هندە ل كوردستانێ بێتە ئەنجام دان، دێ ناڤێ گەندەڵكارێن كوردان د چیتە كتێبا گینس دا، هەرچەند چ عەقل و مەنتق ڤێ چەندێ قەبیل ناكەن .
6ئەم یێت دبێژین ئەڤە هرچە و ئەو یێت دبێژن ئەڤە دەوسە، ل رۆژهەلاتا ناڤین یان ژی بێژین ل جیهانا سێیێ حكومەت و حوكمداری ئێك مودێلە و د بێژنێ حكومەتێن ئەبەدی و ل سەر قەیران و گەندەڵ و گەندەڵكاریێ د هێنە ئاڤاكرن و كۆرسیكا دەستهەلاداریێ ب خۆڤە بزمار ددەن و ڤێ كۆرسیكێ بەس د شەهنێ خۆ و ماڵباتا خۆ دا بینن، د وێ باوەرێ دانە خۆدێ ئەوێت دەشتنیشان كرین و كەس وەكی وان نزانیت حوكمداریا وەلاتی بكەت. ئەوا دبێژنێ هەلبژارتن و سەندوقا دەنگدانێ و دیمۆكراسی و وەك هەڤی و ماڤێ مرۆڤا و ئازادیا بیرو هزران و دەربڕینا ئازاد، ئەڤە هەمی گۆت و بێژێن د ناڤ جڤین و كۆنفرانسا و سەر شاشێت تیڤێ و بەرپەرێن رۆژناما و سۆشیالمێدیایێ نە، ل دەرڤەی ڤێ چەندێ چ واتە بۆ نینە یێ سنوورا ب بەزینیت و دلێ میری بێشینیت دێ رادەستی یاسا و دادگەهێن میری هێنەكرن.
ڤان هەمی پرسا پێویستە ژ خۆ بكەین و خۆش باوەر نەبین، ئەوا دهێتە گۆتن و نەمایش كرن و موزایدە پێدهێتە كرن و خەلكی پێ چەواشە دكەن، ژ بلی شانۆیەكا كۆمێدی چ ناڤێن دی بۆ نینە؟
7پێویستە ئەم ڤێ راستیێ بزانین و قەبیل بكەین، كو ل رۆژهەلاتا ناڤین و كوردستانا مە ژی تێدا چاكسازی و رێفۆرم و گۆهورین ب مەش و كۆم بوون و دیاركرنا نەرازیبوونا و دەركرنا بەیاننامە و داخوازناما ناهێنە كرن و سەربۆرێن دیرۆكی دیدەڤانێن ڤێ راستیێ نە. هەر ژ بەر ڤێ ئەگەرێ خەلك نەچار د بن سەرهەلدانێن سەرانسەری بكەن و درووشمێن روخاندنا حكومەتێ بەرز بكەن و تەر و هشكان پێكڤە ب سووژن و قۆربانیێن مەزن ب دەن، لێ گەلەك و گەلەك جاران ژی ئەنجامێن ڤان سەرهەلدانا نەوەك داخواز و چاڤەرێیا خەلكی بوونە و نە بەس رەوش نەهاتیەگۆهورین بەلكی ژی خرابتر یا لێ هاتی و نموونە د ڤی واری دا ل رۆژهەلاتا ناڤین زەعفن و گەلەك ژ مەژی دیدەڤانێن ڤان بویەرا بووینە.

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close