كوردستانینووچه‌

داخویانوی یا “ڕێ یا سێ یێ”

رێ یا سێ یێ چییە؟!هەر ل دەستپێکا کو مرۆڤا زانین مرۆڤ مرۆڤن مرۆڤەک کەتییە سەر “ڕێ یا سێ یێ”.بۆچی “ڕێ یا سێ یێ ژبەرکو دهەر جڤاکەکا نە ئازاد دا دناڤبەرا جڤاکا سڤیل و دەستهەلاتێ دا وھزرێن کەڤن ونوی دا ناکۆکی دەرکەتن ، دەما درێژی بڤێ ململانێ دھێتە دان ئەڤ ناکۆکییە دبنە ئەگەرێ دەست ژ خوە بەردان و تێکچوونێ ، لەوما ئێدی دگەهیت وێ دەڤەرا ئەزئەزیێ و بەرهنگارییا تولڤەکرنێ، دڤی دەمی دا هەموو تشت ژ جھێن خوە دچن و کەس وەکی خوە نامینت نە مالبات نە هۆز نە ئول و ئەتنیک ، نەژی ڕێکخراو وحزبێن سیاسی. ئێدی دبیتە دورا شەڕەکێ چینایەتی و هەر کەسەک بڕیارا خوە ددەت کو ئەزم و نە کەسێ دی تر، ل ڤی دەمی ڕەخنە و ڕەخنەگری لاواز دبن و ئەو وەلات دکەڤتە سەرکەراتا مڕنێ .هەر ل ڤی دەمی چەند کەسێن “خوەدان تایبەتمەندی و ژیرمەند وەکو “چاکمێر ” و فەیلەسوف و پێغەمبەرا دەردکەڤن هولێ وەکە بیردوز و ئاڤاکەرێن جڤاکێ کاردکەن کو دوو ھزرێن ھەڤدژ تێبگەهینن و بدادوەرانە ل ڕێ یا سێ یێ یاکو ئەم چارەسەری یا مایندە دبینین و پەیدا بکەین، بۆ نموونە “رەش هەیە و سپی ژی ھەیە بەلێ دناڤبەرا رەش و سپی دا ڕەنگەکێ دی ژی هەیە کو بکوردی دبێژنێ: “بەلەک، و هەتا تو دگەهیە داویێ کو بزاراڤێ سیاسی “دەموکرات ژی هەیە و سوسیالیست ژی و “سوسیال دەموکرات ژی یا هەیی.هەڤالێن هێژا هەڤوەلاتی یێن ب ڕومەت تشتێ ئەڤە ۳۰ سالە هوین دبینن یێ ڕوھن و ئاشکرایە وپێتڤی ناکەت ئەم بدرێژی داخویانیەک بڤی ڕەنگی دا دوبارەبکەین . ژبەرکو ئەڤ ۳۰ ساڵێن سەخت و خاپینەر و ئەڤ قەیران و ئێش و ئازارە یێت بووینە بەشەک ژ ژیانا مە یا ڕۆژانە . ژبەر وێ چەندێ قەد هەوجەیی بدرێژی بەحسکرنێ ناکەت. لەوما ئەم دبێژین “ڕێ یا سێ یێ، چونکە ئەم ئەڤ هەڤالێن مە ڕێ یا سێ یێ هەلبژارتی د باوەرا مە دا ل کوردستانێ بگشتی و ل باشور ب تایبەتی گەلێ مە یێ ژێردەستکرن وبێھێزکرن و حەتا گەهشتی کارێ ژناڤبرنا “جڤاک، سیاسەت، وھەڕفاندنا ئابوری و چاند و هونەرێ ژی بەردەوامە، بەلێ ئەم ھۆسا باوەر دکەین کو دڤێت چین وتوێژێن گەلێ مە بکۆم و هەریەک ژی ل جهێ خوە هشیار ببیت و دزمانێ هەڤ بگەھن و ب کۆدەنگی بێژن: “ئەرێ یان نەخێر”.رەۆشا وەڵاتێ مە یا ئالوز بویی و دهێتە پێشبینی کرن کو هێش ئالوز تر لێ بهێت ومەترسیا ھەلوەشاندنا ئەڤی جڤاکی وھەرێمێ دھێتە کرن لەوما مە و چەند کەسێن دلسوزێن گەل و وەلاتی هەستێن مە یێن مرۆڤی و نەتەوی ئازرین، لەوما مە خواست ڕێ یا چارەسەریێ بۆ گەلێ خوە ببینن، وەک ئەرک وبەرپرسایەتیەک بەرامبەری گەل و وەڵاتی وپێتڤیاتیا ڕۆژەڤێ . هەولدان و ئەڤ کومە ئافراندن. ئەم وەکی دامەزرێنەر و ئەندامێن و ئەڤێ کومێ، مە نە ژیانا کولەتی و نە ژی دەستهەلاتداری یا هەیی نە پەژراند لەوما مە خو لسەر “ڕێ یا سێ یێ” دیت و دێ بەردەوامییێ دەینە ئەڤی کاروانیژبەر ڤێ یەکێ نـە مە ژیانا کولەتی بەژراند و نـە ژی یا دەستهەلاتا هەیی و ئەم بووینە ڕێڤینگێن ڕێ یا ڕاستیێ و ڕاستی ل کیڤەیە ئەم دێ ل وێرێ بین و دێ تا دووماهیێ لێگەرێن ڕاستیێ بین.ئازادی ، دەستھەڵاتداریا ڕاستەقینە یا گەل، دیموکراسی و دادپەروەری ، وەڵات یێ ھەمیا و تاکێن جڤاکی دناڤەندێ دایە ، ئاشتی و وەک ھەڤی ئارمانجێن مەنە .ژبەر پیرۆزی یا ڤێ ڕۆژێ مە دڕوژا جیھانی یا مافێن مرۆڤاندا یا نەتەوەیێن ئێکگرتی ٢٠٢٠.١٢.١٠ دامەزراندنا ڕێ یا سێ ڕاگەھاند دەستەیا دامەزرێنەرا ڕێ یا سێ یێ10.12.2020RÊYA SÊYÊ

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close