نێرین

لایەنگریا سیاسی دنافبەرا کوێلایەتیێ دا.


بژار وەحید
یا ئاشکرایە چ وەلات ناھێنە برێفەبرن ئەگەر رێکخستنەک نەبیت دوی وەلاتیدا کو ژ چەند کەسەکان پێک ھاتبن و شارەزایێن جودا جودا بن د ھەمی بیافان دا وێ رێکخستنێ دبێژنێ (حزب) پارت یان لایەن ئەف کومە یان بیژین حزب دھێتە دروستکرن بو خزمەتکرنا وەلاتی د ھەمی بیافاندا داکو ئانکو بتنی (وەسیلەکە) رێکەکە وەلات بھێتە برێفەبرن و بھێتە پاراستن ژلایێ ئەمنی یان سیاسی یان ئابوری و….ھتد،
………..
ئەف لایەنێن سیاسی خودان پشتەفانن ھەر لایەنەک لسەر پەیرەو پروگرامەکێ برێفە دچیت لدەمێ دروسکرنا لایەنی داکو چ کەس لدیف حەزا خو چ کاران نەکەت چونکی پاشان دێھێتە ھژمارتن وەک خاین ژبەرکو پەیرەوێ حزبێ لادا و بیاخوکر،
……..
لدەمێ گەھشتنا دەسھەلاتێ کومەکا پشتەفانان شێویەکێ نەرەوا دھێنە گوھرین ژ پشتەفانان بو کوێلایەتیێ ئانکو ژبەرکو لایەنێ وی یێ سیاسی گەھشتە دەسھەلاتێ ئێدی وەک بەرێ رەفتاران ناکەت بو نمونە ئەگەر بەری نوکە گوتبا دفێت لایەنێ سیاسی خزمەتێ بکەت بو ھەمی تەخ و چینان پشتی بویە کوێل دێ بیژیت (بلا ئەو خزمەتاتە بکەت یێ تە دەنەگ دایێ)
ئەف پەیفە ب ھیچ شێوەیەکێ ناچیە د چارچوفێ سیاسەتێ دا بەلکی ئەفە دبیتە کوێلایەتی نزانیت وەلات یان دەسھەلات ملکێ ھەمی کەسانە ھەتا ئەو کەسێ دەنگ ژی نەدابیتە لایەنێ گەھشتنا دەسھەلاتێ،
…………..
لایەنگری کارەکێ دروستە و سیاسەت لسەر ئەساسێ ھەفرکیێ ھاتیە دانان نەک دوژمنکاریێ بەلێ پا لدەمێ لایەنەکێ سیاسی دگەھیتە دەسھەلاتێ و دبیتە خودان پلە و پوست و ئیمتیازات ئێکسەر پەیفا کوێل دێ ژدەفێ لایەنگرێن وان دەرکەفن و دێ بێژن ھەرکەسێ نە دگەل مە ئەو خاین و خروشە و کوێلە بەروفاژی ئەو پشتەفانێن لایەنەکێ دی یێ سیاسی کو نەگەھشتیە دەسھەلاتێ دێ بێژیتە لایەنگرێن وان ھین کوێل و خوفروش و خیانەتکارن،
…………
کی کوێلە و کی لایەنگرە.
ئەگەر لایەنێ من یێ سیاسی گەھشتە دەسھەلاتێ و بونە خودان و پلە و پوست و داھاتێ مللەتەکێ کەفتە ددەستی دا و ئەو داھات بو سەروکێ لایەنێ منێ سیاسی و کورێن وی چو و بوان بھێتە مەزاختن و سەرفکرن بو ھەر ھەلکەفتەکێ چو ژدەرفەی وەلاتی و بخو خوشیان ببەت و ددەمەکێ دا مللەت یێ برسیە و داھاتێ وان ب دروستی ناھێتە دان دھێتە دزین و تالانکرن یان موچەیێ وان نەدایێ و گیروکر ب شێوەیەکی نەرەوا یان ئێش و نەخوشی زوربون کارەب ھاتە برین ئاف نە ھاتە بەردان قوتابی نە ھاتنە دامەزراندن و کەرتێ تایبەت ھاتە قورخکرن ژلایێ چەند بەرپرسەکێن حزبا من فە و بێکاری دروست بو ژ ئەگەرێ حزبامن وەلات بو خودان ژێرخانەکائابوریا نەباش و گەنج ژ وەلاتی دەرکەفتن و رەفین لسەر فان ھەمیان را و ئەز پشتراستم دەستێ حزبا من دگەل فان ھەمی کێشا ھەیە و ھێشتا ئەز پشتەفان بم وی دەمی ئەز (کوێلە)مە و نە پشتەفانم.
………………………..
ب ھەمان کێشە و ئالوزیێن لسەری من دیارکرین کو حزبا من ئەگەر خەلک ھەژارببیت بەلێ پا من پشتەفانی لێ نەکر و من رەخنە لێ گرت و من ئیدانا ب رێفەبرنا سیسەتەمێ وەلاتی کر وی دەمی ئەز پشتەفانم نە (کوێلە)مە ژبەرکو ئەز دژی لایەنێ خویێ سیاسی راوستیام و من نەھێلا سەبەب حزبا من مللەتەک وێران ببیت و ئەز بتنێ مفاداربم.

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close