نێرین

من گومان یا د پیروزا ئالای دا هەی

ـــــــــــــــــــــــــــــــــــــــــــــــــــــــ کرمانج هاریکی

ئەز کەسەکم هەردەم من سەرێ رێز و نەوازش بو سمبول و دروشمێن نەتەوەیی یێن کوردستانی یێ چەماندی. هەردەم ب درێژایا ژیانا خو ب شاهدەیا دوست و نەحەزا من سەنگەرێ خەباتێ و کوردایەتیێ چول نەکریە. تاکو داوی هەناسە ژی دێ د خزمەتا دوزا گەلێ خو دابم. ل گور جهـ و کاودان ل گور بەیافێ تێتا د شێم بزاڤێ بکەم دێ ل سەر هێلا تێکوشینێ ب باوەری یێ یێ درێژە پێدەر بم. لڤێرە نە ئەز بو هندێ خەباێ دکەم دا من فەزلەکێ زێدە ل یەر خەلکی هەبیت . لێ ئەز ب ئەرکەکێ مروڤی یێ مروڤبونا خو دبینم. ب ڤی رەنگی جیهان پارچەکا مروڤایەتیێ یا ل هەڤ دانەبریە ل دەڤ من. هەر دەمێ کوردستان ئازاد و بو خودان سیستەمەک دان پێ دانایی یا ناڤ نەتەوەیی ئەز بەرهەڤم سەنگەرێ خەباتا خو بگوهرم. لێ هەر تشتەکێ ئەز ب گومان لێ د نێرم حەتا هەبونا خو و هەبونا خودێ و هەبونا راستیێ و هەبونا یەکسانیا مافان و هەبونا زولم و ستەمێ ب چاڤێ گومانێ ئەز د خوینم. ل دەڤ من دەما مروڤ گومان نەما وی وەختی د وی تشتێ مروڤی گومان ل سەر نە یێ مریە. ئەو تشت یان تیما یان میتود ب خو ژی د مروڤی دا تەجمید بیت و دگەهیتە حالەتێ مرنێ. لەو کو ئەز هەردەم دان ب مرنێ دانانم ل دەڤ من د هەر حالەتێ مروڤ دکەڤیتێ یێ زیندیە. لەورا هەر میتود و ئالاڤەک و متایەک ب گومان د مروڤی دا زیندی دمینیت.ئالا یێ پیروزە بەلام هەکە د جهێ خودا نەبیتە خەنجەرا پێ هەلدرندنا زکێ گەل و هەژارا. مەلا مستەفا یێ پیروزە هەکە نە مولکێ پارتی بیت. مام جەلال یێ پیڕوزە هەکە نە مولکێ یەکێتی بیت. هەر دەما سمبولەک بو مولکێ دەستەیەکێ یان حیزبەکێ بێ گومان پیروزیا خو ل دەڤ یێ دی ل دەست دەت. مروڤ یێ ل ئاخێ ب گومانە. مروڤ یێ ل خەلکێ ل سەر ئاخێ ژی ب گومانە. مروڤ یێ ل سیستەما سیاسی یا ب رێڤەبرنێ ژی بگومانە. لەورا گومان د هەمی بەیاڤەکێ دا ژیانە. دەربارەی بونا ئالایەکێ ژی نە ئالای فەرمی یێ کوردستانێ یە بەلکی ئالایێ ل سەر بڕیار پێ دایێ باشورێ کوردیتانێ یە. د چوارچێوێ بەیاڤێ باشورێ کوردستانێ دا یێ پیروزە. و ئالایێ وی خەلکیە یێ هەست ب ئازادیێ د بن سیها وی ئالای دا دکەت. ل رویێ دیروکی ڤە ژی نە ئالایێ کومارا کوردستانا روژهەلات ژی بو. گورین یێ ب سەرداهاتی. یا بێ لومەیە ئەگەر کوردێن پارچێن دی ب ئالایێ خو نەزانن. رێز بو هەبون وەکی سوزەکا نەتەوەیی کارەکێ پوزەتیڤە. لێ ب هیچ رەنگەکێ ئەم نکارین ل سەر خەلکێ پارچێن دی زسەپینین. د ناڤەروکا خودا ئالا رامانێ ل مروڤایەتیا ملەتەکێ خودان ئالا ناکەت. رامانێ ل پارچەبون و کەرب و کینێ و دل رەشیێ د ناڤبەرا گەلان دکەت. ئەم دبینین د بن ئالایێ ئەلمانێت نازی ڤە پتر ۲٦ ملیون مروڤ بونە قوربانی . نوکەژی ئەو ئالا ل دەڤ دەستەیەکا مروڤا یێ پیروزە. د بن سیبەرا ئالایێ سورێ خودان چەکوچ و داسێ سوڤیەتا کەڤن ستالین پتر ل سیهـ ملیون مروڤ کوشتن. نوکەژی خەلك یێ هەی شانازیێ پێ دکەت. ئالایێ ئیرانا ئاخوندی و تورکیا ئەتاتورکی ژی ل دەڤ رەکەزپەرستێت وان یێ پیروزە. ئالایەك ل دەڤ من یێ پیروزە کو رێژا نوت ل سەدێ ب خوشی د بن سیبەرا وی ئالای ب یەکسانیا ئەرک و مافا بژین. تشتێ ل ڤێرە پیروز و جهێ هندێ کو مروڤ ب خەمخوری رێزێ لێ بگریت مروڤە. مروڤ ب تنێ شایستەی هندێیە بگەهیتە پلا پیروزیێ. مروڤ وەکی کولەکتیف و گەلەری. مروڤ دڤێ خو و هەمی پیروزیا خو د مروڤبونا خو دا ببینیت. مروڤ خوداوەندەکە نوێنەراتیا خوتایەکێ گشتگیرێ جیهانی د هندرویێ جیهانا خو دا دکەت. ئالا پەرویەکێ مریێ یێ رەنگاورەنگە. مروڤی د بەیافێ دیدا خو یێ پاوانخوازی دا پیروزیا دایە وی پارچە پەروی. قابلی سوتن و دریان و لاڤچونا رەنگایە. قابلی گورینێ و دەستکاریێ یە. لێ مروڤ و ژیانا مروڤێ پێویستە د چاڤا مروڤاندا ب وەکهەڤی یا پیروز بیت.

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close