نێرین

چارەسەر ل هەولێرێ یە

سەردار هێتوتی

دەمەکە ب ناڤێ هەرێما کوردستانێ وەفدا قوباد تالەبانی ل بەغدایە، ئەو ل ژڤانا چارەکرنا پرسێن دارای و گەلەک پرسگرێکێن دیتر یێن د ناڤبەرا هەر دوو حکومەتانن، وان هەمی مەرجێن عیراقێ لسەر خۆ قەبیل کرینە ب تنێ دا بشێن پاریێ نانێ خەلکی وەک ئەو ب موچە بناڤ دکەن ب دەست بینن، لێ وان ژ بیر کریە کو چارەسەر ل بەغدا نینە ژ بۆ دابینکرنا داهاتێ ژیانێ. حکومەتا هەرێمێ خۆ ژ گێلیێ ددەت یان د هەبوونا خۆ دا هندە یا نەزانە و ژ بیر کریە کو تاکە چارەسەر ئێکگرتن و تفاقا نافخۆیە و پشتی ڤێ بریارێ هەمی پرسێن دیتر ب ئاسانی دێ ڕێز بن و دێ چارەبن. هەولێر و سلێمانی دەمەکە ژ ئێک د سلن و پشتا خۆ دایە ئێک، دگەل ئێکگرتنا وان هەر دوو ناڤەندێن گرنک و ب بریارەکا ژیرانە دشێن داهاتێ نافخۆ کومڤەکەن چ داهاتێ نەفتی بیت یان یێ نەیێ نەفتی و ب وی داهاتی دشێن موچە و بودجێ کوردستانێ پێ دابین کەن. ئەو خۆ شکاندن و مللەت شکاندنا ئەو ل بەغدا دکەن ئەگەر بشێن رێ ژ دزیێن خۆ بگرن دێ زێدە بلند بن و دووبارە دێ هەولێر بیتە ناڤەندا بریارا عیراقا عەزیم. سێ گومرکێن مەزن و دوو فروکەخانە و زێدەتری 500 هزار بەرمیلێن ڕۆژانە و داهاتێ لیترێ نافخۆ هند زێدەیە کو دشێن ڤی گەلی ب سەربلندی برێڤە ببەن. مافیایێن وەڵاتی هەر تشت گەهاندیە دیماهیێ لەورا ئەڤڕۆ ژ برسا مرنێ دا خەلک یێ داخازا ڤەگەرا موچێ خۆ دکەت بۆ سەر حکومەتا عیراقێ و ئەڤ گەلە ب دەستێن ڤان مافیایان بێ رۆمەت بوویە.

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close