شەعبان مزوری
پشتی ١٥ سالا وەک سیاسەتمەدارا ژمارەکا یەکا ئەلمانی دەست ژ کار کێشا و بریاردا بچیت مال بو دەمەکیژی مژویلی ژیانا خوەیا خێزانی ببیت. هەلبەت بو وەلاتێن رۆژئاڤا ئەڤە کارەک ئاساییە و بهیچ رەنگەکی نەجهێ سەرسومانێ یە وەک جورەک ژ خەلکێ مە دخوازن نیشان بدەن. مێرکێل ژدایبویێن ناڤەراستا سالێن پێنجیێن سەدا بوریە لباژارێ هامبورگ، دەما هەرا ستویرا ئابورێ ئەلمانی. خانمەک وەک تێ زانین هەر ژ ژیێ گەنج دا چالاک بویە دناڤا سیاسەتێ دا، سالا ٢٠٠٠-٢٠١٨ سەروکا پارتیا یەکگرتیا دیموکراتیا کریستیانا بویە.
بمن چەپلە لێدانا خەلکێ ئەلمانیا بو مێرکێلێ، بو ماوێ شەش خولەکا، نیشانا وێ چەندێ یە کو کارتێکرنا پەروەردا ملکەچیا هێتلەری هێژان د هێشمەندیا تاکێ ئەلمان دا دەنگ ڤەددەت. لێگەر ل رێبەرەک چەلەنگ و ژێهاتی، بشێت وەلاتێ تە ببەتە وەلاتێن رێزا هەرا پێش لجیهانێ نە خەمە بچ شێوەبیت، بەلکو گرنگە ژ یەکەما بی، درنگە خوەدان هێز بی، گەلێن دن ملکەچی بریارا خوە بکەی و دەما بریارا دستینن گرەنگە تە ژبیر نەکەن.
مێرکێل وەک تاتشەر ژ رێبەرێن ژنێن بو من ئەوەنه خوەدان کەرێکتێر بوینە، نە کێمتر ژ روسا لوکسومبورگ لسەدا نوزدێ. ئەڤ هەردو خانمە وەک رێبەرێن دو ئابوریێن هەرێ مەزن لجیهانێ، سەریکەفتنانە رێبەریا وەلاتێ خوە کرن. لدەمێن هەرێن تەنگ بێ دودلی و پر بخوە باوەری بریارا خوە داینە، لێ دەما شاشبوینە ژی بێ هیچ تەڤن و بکورتی دانپێدان بشاشیێن خوە کرینە.
هەلبەت ئەم ڤەگەرین لسەر مێرکێل لدەما رێبەریا وێ بو ئەلمانیا و بتایبەتی پشتی هاتی سەردەستهەلاتێ سالا ٢٠٠٥ بکێم یان زۆر هێدی هێدی رولێ دەولەتا تورک و رێڤەبەراتیا ئاکەپێ باشتر زەلال دبو د دروسبونا گروپپێن توندرەوێن سوننی. ئەڤ یەکە ئێدی بو هەمی کەسەکی وەک گومان نەما، تەروریستێن هەمی جیهانێ خاکا تورکی و بهەفکاری لگەل دەولەتا تورک کربو ترانسیت ژبو دەرباسبونا چەکدارێن دائیش بو ئیراق و سوریێ، لێ دیسان موککمترین و گرنگترین پالپشت بو تورکیا وەلاتێ ئەلمانیا بو ژ ناڤا هەمی وەلاتێن یەکێتیا ئەوروپا و ئەڤە بمن درێژە پێدانا سیاسەتا هەڤالینیا تورک و ئەلمانیا یە ئەڤە پتر ژ ٢٠٠ سالە.
هەرچەندە بابەتێ من تەنها ئەو کورد بون یێن کو دخوازتن د پەیاما خوەدا بێژن جیوازیا مێرکێل لگەل سەروکێن مە ئەوە ئەگەر رۆژەکێ بو خەلکێ هەلکەڤیت دێ وەک سەددام بپێلاڤا کەڤن وێنیێن وی و ئەگەر ئەو بخوە بدەست خەلک بکەڤیت دێ خازوقێ قەززافی بوی ئامادەبیت. ئەڤە تێگەهشتنا منە بو بەشەک ژ کوردێن مەیێن چەپەل ل ئەلمانیا بتایبەت و ل ئەوروپا بگشتی، ئەو چەپەلێن پرانیا وان هەتا روژا ئەڤرو نەکارینە پاریێ نانێ خوە پەیداکەن، سەردەما بارانا دولارا لباشورێ وەلات هەر دەمەکی لپشت دەرگەهێ بەرپرسەکی یانژی لدیوانخانا وی بون ژبو لجهەک دامەزرینیت بێی کو کارکەت، لژێر هەر ناڤەکێ بیت خانەنشینەکێ ژێرا دابین کەت، پارچە زەڤیەکێ، شەباشەکێ، شرینیەک هەما پاریەک ژ ڤی تالانی بەربکەڤیت؟ ئەڤرو دبێژن مێڕکێل چەوابو، پرس لڤێرە تو چەند ژمێرکێل فێر بوی، وەلاتێ خوە ئاڤاکەی نە شەلینی، تو چەند فێر بوی بێکار و رەنج وەلات ئاڤا نابن، تو چەند فێربوی کو نەکە و بخو لوەلاتێ مێرکێل بو
- بیرکولانە
- کێم ئەندامێن زکماکینە یانژی ژ ئەگەرا رویدانەک بویە
- کەسێن ژبەر هندەک ئەگەران دەرفەتا کاری بو دوروست نە بوی.
بکورتی و بکوردی زور گرنگە ئەڤرو ئەم بزانین کو بەشەک مەزن ژڤان کەسێن خوە بکورد پەروەر، دادپەروەر، نیشتیمان پەروەر، تا دەما ڤێ دەستهەلاتا هەرمی پارە هەین ئەڤە پارەوەر بون
