نێرین

٢٠٢٠ چ بو و ٢٠٢١ دێ چ بیت؟

پەیبەڕێ پەنابەڕ

دیاڕە دنیڤ سەدێ بوڕی دا ل عیڕاقێ ب گشتی تشتەک نەبویە ب ناڤێ پێشکەفتنێ و ئەولەهیێ و سیاسەتەکا ئێگڕتی و سەڕکەفتی کو ل سەڕ بنیاتەک تەندڕوسە و پێشکەفتنەک و ڕێکخستی ل گوڕ ستانداڕتێن جهانی و سانتڕالیزمی گەشێ بکەت کو ڕەنگڤەدانەک سیاسی و ئابوڕی و شاڕستانی و زانستی و تەکنوڵوژی د هەڕواڕەکێ دا پەیداکەت ، ساڵ هەمان ساڵن و عیڕاق ژی هەڕ ئەو عیڕاقا گاڤل و پەڕتەوازە و بێ یاسا و ڕێسایێن دوڵەتی یە وەکی دبێژن ساڵ ب ساڵ خوزی ب پاڕ، من نەڤێت دویڕ بچین و بچمە قوڵاهیا هەمی ساڵ و قوناغێن سیاسی لێ دخوازم تەنها ل دەستپێکاساڵا 2020 ئاماژە ب هندەک خاڵا بدەم کو ئەو خاڵ هەڕ ساڵ خو دکن سپڕایز ب شێوەو هوکاڕێن چودا . د پیاڤێ ئەولەهیێ دا .. بو نمونە ل سێی ئێک ب ڕویدانا پێشوازی ل خوە کڕ وەک هەڕ ساڵەکێ و ئەو بو زنجیڕەکا گوڕانکاڕیا ڕویدانا ب دیف خو دا ئینا ژوانا کوشتنا فەڕماندێ فەیلەقا قدس یا حەرس سەوڕی یا ئیڕانێ قاسم سلێمان وفەڕمانداڕێ ملیشیایێن حشدا شعبی ابو مهدی المهندس بون . بدیڤ ڕا ب هەشت ڕۆژا ئیڕانێ دوو باڕەگایێت ئەمڕیکا توپ باڕانکڕن ئەوژی بنگەهی عین الاسد و بنگەهک ل هەڤلێڕێ . و دیسان چەندەک پێنەچو ئەمڕیکا و ملیشیایێن ئێڕانێ بنگەهێن ئێک دوو توپ باڕان کڕن بتایبەت ل باشوڕ وباشوڕێ ڕۆژ ئاڤا . پاشان ملیشیایێن حەشدا شەعبی هێڕش کڕە سەڕ سەفاڕەتا ئەمڕیکا و ئاگڕ تێبەڕدا. و پشتی ڤی مەزنتڕین خوپیشاندان ل ناڤەڕاست وباشوڕی عیڕاقێ سەڕهڵدان و تێدا 500کەس هاتن کوشتن و 27000 کەس ژی برینداڕ بون و ب سەدان باڕەگاو ناڤەندین حکومی و حزبی هاتن شەوتاندن . پاشان باندیێن تیڕوڕێ و اغتیاڵاتا دەست پێکڕ و چەندین کەسایەتێن دیاڕیێن سیاسی و نڤیسکاڕ مەڵا هاتن تیڕوڕ کڕن . دیسان هەمان خوپیشاندان ڵ هەڕێمێ چێبون و بدەهان باڕەگا هاتن سوتن و کوشتن و گڕتن و بڕینداڕ بون ل پەیخو ئینان ، دیسان ل باکوڕێ عیڕاقێ توڕکیا بەڕدەوامە تو ئەڤڕۆژی و بهزاڕان ئاپەڕاسیونێن زەمینی و ئەسمانی ل ناڤ خاکا عیڕاقێ ئەنجامدان و چەندین هاوڵاتێ تێدا شەهید بوون و گوند هاتن چوڵکڕن و ب هزاڕا هیگتاڕێن داڕستانێن کوڕدستانێ هاتن سوتن . ژڵایێ سیاسی ڤە .. ڤان ڕۆیدانا سەڕوکێ حکومەتێ عادل عبداڵمهدی نجاڕ کڕ دەست ژکاڕ بکێشیت و پشتی چەندین مڵمڵانا کوتلێن سیاسی کازمێ بەڕ بژێڕ کڕ و دیسان کازمی ژی نەچاڕ بو بڕیاڕا ئەنجامدانا هەڵبژاڕتنێت پێشوەخت دا ، و ڵایەکێ دی ڕێکەفتنێن دبڵوماسی یێن هەڕێمی و نافخویێ دیسان بێ ئەنجام مان . ژڵایێ ئابوڕی ڤە .. عیڕاق توشی هەڕفتنەکا نەچاڤەڕێ کڕی بو ژبەڕ کو 90%پشتا خو ب فڕوتنا نەفتێ گڕێدابو بڤێ نکاڕی ڕوی ب ڕوی قەیڕانا ببیت بتایبەت پشتی پەتا یا کڕونایێ ، ژبەڕڤێ ئاستێ هەژاڕیێ بەرز بو بو 31,7 دیسان بێکاڕی ژ هەڕ ڕویەکێ ڤە سەڕهلدا و ل ئاستێ نیڤ دەوڵەتی ژی عیڕاق توشی قەڕێن مەزن بو ئەوژی 66 ملیاڕ دوڵاڕ بون کوژمێ قەڕێن دومدڕێژ کو شەش دەوڵەتن یێن کاتی ژی هەڕ وەسا نێزیک 46 ملیاڕ دوڵاڕانە و دیسان قەڕێن ناخویێ ژی 40 تڕلیون دیناڕن ، 6ملیاڕ قەڕێن غازا ئیڕانێ ب ڤی ئاوایی نەیا ئاسانە کو عیڕاق بشێت د ساڵانویدا ستڕاتیژیەکا سەڕکەفتی و دل خوشکەڕ پێشکێشی خەڵکێ خو بکەت و دیسان نەچێگڕبونا بهایێ پتڕوڵێ و دوڵاڕی و زێڕی ژی گڕفتەکا دی ل پێش بەڕێ چڤاکی چێکڕ . ژبەڕ ڤێ ئەزمونا مە تاقیکڕی دگەڵ قوناغێن حکومڕانیا عیڕاقێ بومە دیاڕ دبیت کو ساڵا نوی ژی دێ گڕفت هەبن و دبیت دوخەکێ زۆڕ سەخت ڕوی ل سیاسەت و ئەمنیەت و ئابوڕێ عیڕاقێ بکەت . و تاکە ڕێکە ئەوە عیڕاق گڕنگیێ ب ڤان خاڵا بدەت . * لەشکەڕەکێ نشتمانی ل سەڕ ئەساسێ تجنیدا اجباڕی پێک بینیت و ڤا ملیشیا هەمیا گێسکەکێ بدەتێ . ٭ عیڕاق گڕنگیێ بدەتە کەڕتێن پیشەسازی و گشتوکاڵی وگەشتو گوزاڕی . ئەگەڕ نە قەیڕانێن چودا چودا دێ د هەڕ مڵەکێ دا سەڕ هلدەن و ئێدی مەحاڵە ئیڕادەک هەبیت کونتڕوڵا گەندەلیێ و پەڕتەوازیێ و دەستێن دەڕەکێژ عیڕاقێ بداوی بینیت .

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close