نێرین

ڕەخنەگرتن چییە و کی دشێت ب بیتە ڕەخنەگر؟

کوڤان عەبدولکەریم

چەند سەرەنج و گرفت لسەر شێوازێ ڕەخنەگرتنێ؟ باوەرا من ڕەخنەگرت ئەرکەکێ پیرۆزە هەمی کەس نەشێن ئەڤی ناسناڤی پارێزن و ب ناڤێ خوە ڤە گرێدەن، کەسێ دبیتە ڕەخنەگر و چاڵاکڤان گرنگە هندەک ڕێسا و خەسلەتێن جێواز ژ خەلکێ ئاسایی پەیرەو بکەت دا ب بیتە پرا داخوازکرنا مافێن هاوڵاتی و ڕەخنەگر لسەر شێوازێ حکومرانیا دەستهەڵاتێ و خەلک وی مافی ب دەتێ و ب چاڤێ کەسەکێ ڕاستگو و دلسۆز لێ بنێرن، حەتا بشێت سەرکێشیا داخوازی و مافێن هاوڵاتییا بکەت و ب بیتە چالاکڤانەکێ دیار دگورەپانا ئەڤێ یاریێ دا ! پشتی ئەڤان خالا پەیرەو دکەت بەلکو باوەریا جڤاکی بۆ خوە ڕابکێشیت و ئەندامێن جڤاکی ئاشنا بکەت کو وەڵات ئەو ناسناڤە یێکو مرۆڤ پێ دهێتە نیاسین و تێرا ژیار و ژیانا وان سەڕوەت وسامان تێدا یێ هەیی کو هەوجەیی دەربەدەریێ و دزی و ڕەفتارێن خرابکاریێ نەبن، گرنگە ئەڤ ڕەخنەگرە خودانێ حەزکرنەکا مەن تر بیت ژ هاوڵاتیێ نوڕمال بۆ چەسپاندنا سەروەریا گەل و نەتەوا خوە و وەفادارەکێ خوڕاگر بیت بۆ ئەرک و کارێ خوە، رەخنەگرێ ڕاستەقینە یێ بەرهەڤە خوە گۆری پیرۆزیێن وەڵاتێ خوە بکەت بێیکو بکەتە منەت لسەر هاوڵاتی و مللەتی، کەسێ دبیتە ڕەخنەگر چالاکڤانەکێ وێرەک و ب هلویستە و ب ئۆمێد و باوەری کار دکەت دا بشێت ستەمکاریا رێڤەبەر و کاربدەستێن وەڵاتی دناخێ تاکێن جڤاکی دا ب چەسپینیت کو ئەڤ حکومرانە کەسێن زالم و ستەمکارن، بۆ نمۆنە شەیدایێت خێلا بارزان تێبگەهینن کو ئەڤ مالباتە هندەک مرۆڤێن ستەمکار و کورد کوژن ؟ گرنگە ڕەخنەگرێ کورد ب ئێک دەست و ئامراز و باوەری و جانفیدایی و کۆلنەدان کاری لسەر پێگەهێ جڤاکی بکەن دا پڕسیارا مافێن خوە ژ ڤێ دەستهەڵاتا فاشل و ستەمکار ب خوازن و خوە ژ دەردەسەریێ ڕزگار بکەن .

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close