د. شەعبان مزوری
زۆر جاران مە گوهلێ بویە دبێژن فلان کەس وەک بابێ، دایکێ، مامێ، خالێ……. خوەیە، یانژی دێ بێژین بفلان کەسی یان بێڤان کەسیڤە چویە، ژ هەمیێ کومباختر دەما کومەک مروڤا قەدەرا خوە بشانازیڤە ڤەدگەرینن بو کەسەکی و وی کەسی وەک کەسەک بێ بەڤل نیشان ددەن لهەر وار و سەردەمی. لێ کەسەک ژمە ژ خوە پرسیە گەلۆ کو ئەڤە بخوە بەربەستا هەرا مەزنە دپێشڤەچونا جڤاکێدا.
ئەم زاروکێ خوە لسەر وێ یەکێ پەروەردە دکەین کو نابیت ژ بابێ خوە ژیرتر بیت، هەروەسا یێ بتەمەنتر هەردەم ژ یێ گەنجتر ژیرترە. زۆر باب بتایبەتی و دبیت دایک ژی هەبن زۆر بشانازیڤە دبێژن کورێ من بمنڤە چویە، هەما بێژە پارچەکە ژمن، وەک من یێ ژیرە، ئەڤە و گەلەک رستێن دی ژ ڤان جورە گوتنا کو هەمی مەرم ژێ ئەوە گەهشتنا پلا ژیڕ بونا بابێ واتە بەرزترین پلەیا هەشمەندیا زاروکی یە وەک بەرهەمێ بابێ و دایکێ.
بمن ئەڤ تێگەها شاشا تێکەلکرنا رێزگرتن ، ملکەچ بون ویاخیبون زاروکا ژ مالێ بو ئەنجاما پاشڤەمانێ جڤاکێ برەنگەک گشتی. لجڤاکێن مە ئەم زۆر کار لسەر رێزگرتنا کەسێ بتەمەنتر دکین، پێویستیا گوهداری کرنا وان، گەنگەشە نە کرن لگەل کەسێ ژ خوە بتەمەنتر، ئەڤەیە بخوە بنئاشێ هەمی مەژیێ ڤەگوهاستنێ ئانکو کۆپی کرن، هەلبەت جوانترین تێروانین کومەلاتی و دەرونناسی یانژی هەر بەرهەمەکێ پیشەسازی کوپیکرن زۆر ئاسانە لێ سەرئەنجام پشتی چەند سالان ئەگەر لرێزێن هەرێن پێشین بی وەک گەل یان وەلات دێ ڤەگەری بو رێزێن هەری پاش. هەلبەت پلا پاشکەتنێ دێ گرێدای درێژیا ماوێ پەیوەندیا مروڤی ب مێژیێ کوپی کرنێ بیت، چەندی درێژ بیر هند دێ پاشکەفتی بی و سەرئەنجام دێ وێران تر.
ئەم ڤەگەرین سەر تێگەهێن من لسەری بناڤکرین و هەول بدەین یەک ب یەک پیچەک لسەر راوەستین کانێ رامانا وێ چیە و ژبو مە کوردا رامانا وێ چیە.
رێزگرتن تەک ژ تێگەهێن کو بباوەریا تا روژا ئەڤروژی کەسەکێ نەشیایە پێناسەک تێل و تەسەل بدەتێ، لڤێرە ئەز ناخوازم بدرێژی بکەڤمە ناڤ تێروانینێن جودایێن فەلسەفی ژبو فورم و ناڤەروکێن جودایێن رێزگرتنێ. بمن رێزگرتن واتە دەستوداریەکا بوژدان، رەوشت، و باوەری و راستگویانە لگەل خەلکێ دەوروبەر دا، ئەڤ تێگەهە سەرئەنجاما ئەز گەهشتیمێ ژ تێکەلیێن ژیانا خوە و تشتێ من دیتی، بهیستی و خواندی. بەرەڤاژی ڤێ یەکێ لدەف مە کوردا رێزگرتن هەر ژ زاروکی تێ نیشان دان وەک تشتەک چەسپاندی، لپێش ئامادەکری، یانی بەرهەمێ تێگەها کەسەک دیە، نەک بەرهەمێ شلوڤەکرن و هەلسەنگاندنا هەر تاکە کەسەکیە بسەرێ خوە، ئەڤ یەکە یان ملکەچیێ بەرپا دکەت کو بەرهەمێ وێ یێ دوماهیکێ کویلەتی یە یانژی یاخیبونێ دوروست دکەت و پرانیا سەرئەنجامێ وێ ئەو کەس خوە کیڤی و بیانی دبینن لناڤ وەلات و خەلکێ خوەدا.
ملکەچ بون بمن واتە پێگیری کرن ب هەمو رانەما و یاسایێن خەلکێ دەڤەرەکا دەستنیشان کری ئازادەنە لسەر هەڤکری. یانی ئەو پەیمانا کومەلایەتیا کو بنیاتی دەولەتێ لسەر هاتی ئاڤاکرن پێویستە لسەر هەمی تاکە کەسەکێ ساخلەم د مێژیێ خوەدا ملکەچی وێ پەیمانێ ببیت، لێ ئەم چەوا ملکەچیێ تێدگەهین ، بباوەریا من ئەم دبینی ملکەچی وەک تێشکەکێ رێزگرتنێ یە، تشتێ ئەم رێزێ لێ دگریم دڤێت ئەم ملکەچ ببین، لێ لڤێرە ژ نەزانین ئەم رێزگرتن وەک سەرئەنجامێ تێگەهشتن و هەلسەنگاندنا تاکەسی گرێددین بواتە و ناڤەروک ل گەل ملکەچبونێ کو بەرهەمێ پرانیا جڤاکێ یە کو لسەر هەڤکری ژبو بباشترین و ئارامترین شێوە بهەڤرا بژین ، یانی ئەو تێگەها دایک و بابا لدەف مە کوردا خوەستیە بسەپینن کو ملکەچی بو بریارا مەزنێ مالێ، بابێ، بایک یانژی خویشک و برایێن بتەمەنتر ماسترین پلا رێزگرتنێ یە.
یاخی بون. مروڤێن یاخی بدیتنا من پرانیا وان کاروەڤەدانەکە هەمبەر هەمو کەسێن لژێر ناڤێن جودا هەر ژمالێ تا دادگەهێ، مەزنێ مالێ، هوزێ، هەرێمێ، سەروکی یانژی پادشایێ وی خەلکی کو ملکەچیێ برێزگرتن دوزانن و پێچەوانە هەر کارڤەدانەک یانژی هەولا دەرکەفتنێ ژڤی بازنی و پێناسی تێتە ناسکرن بکەسەک یاخی. یاخیبون ژی خوە ژپێشدا ڤان جورە دەستهەلاتا وەک تێکدەری و وەک هەلویستەک دژنیشمانی تێ نیشاندان. چێکرنا گوشار بڤی رەنگی لسەر ڤان جورە کەسان ژ یاخی بونێ ڤە دبەتە هەستا مروڤەک بیانی دناڤ خەلکێ خوەدا و کیڤی لناڤ وەلاتێ خوەدا. ئەڤ کیڤیبونە دبیتە ئەگەرا ئالوزیا و نەئارامیێ ل کومەلگەهێ تا دگەهیتە بکار ئینانا چەکی لدژ هەڤ.