ئیدریس بارزانی

ئیدریس بارزان
دناڤ سازیێن پارتی دیموکراتی کوردستان دا ئیدریس بارزانی دهێتە نیاسین ب ئەندازیارێ ئاشتیا کومەلایەتی دناڤ چڤاکێ کوردەواریدا ، ئیدریس کورێ مه‌لا موسته‌فا کورێ شێخ موحمه‌د کورێ شێخ عبدالسلام کورێ شێخ عبدالله‌ کورێ شێخ عبدالرحمن کورێ شێخ تاج الدین کورێ شێخ سه‌عید کورێ شێخ مه‌سعود بارزانی ،لسالا 1944 ز ل گوندێ بارزان هاتیه‌ دونیایێ ، لسالا 1947 ز مه‌لا موسته‌فا بارزانی مشه‌خت دبیت به‌ره‌ڤ وه‌لاتێ روسیا دگه‌ل (500) چه‌کدارێن کورد ، پشتی روخاندنا کومارا کوردستان (کومارا مهاباد) ، ئیدریس بارزانی ژیێ وی (3) سالبوون دگه‌ل خێزانا خوه‌ دهێنه‌ ڤه‌گوهاستن بو باشورێ عێراقێ باژێرێ به‌سرا وپاشی باژێرێن میسل وبه‌غدا ، ژیانه‌کا زور سه‌خت ودژوار بوراندیه‌ دگه‌ل خێزانا خوه‌ بو ماوێ (11) سالان ل ژیانا مشەختیێ ، دمینن باژێرێ به‌غدا هه‌تا سالا 1958 ز وئیدریس بارزانی هه‌ر مژیلی خاندێ بوو ، ده‌مێ مه‌لا موسته‌فا بارزانی ژ وه‌لاتێ ئێکەتیا سوڤیەتا بەرێ هاتیه‌ عێراقێ ژیانا وان باشتر لێ هات ، ئیدریس بارزانی به‌رده‌وام دبیت لسه‌ر خه‌باتا رامیاری هه‌تا سالا 1961 ز ده‌مێ شوره‌شا ئیلونێ سه‌رهلدای دبیت پێشمەرگەهەکێ پالەوان وچەلەنگ ورولەکێ زور گرنگ دشەرێ هندرین دا دیت وهەر ژ ئەنجامێ ڤی شەری دانوستاندنا دەستپێکر دناڤبەرا حکومەتا عێراقێ وشورەشا کوردستانێ دا ، ژ ڤەرێژا دانوستاندنا وان رێکەفتنا 11 ئادارا 1970ز پەیدابوو، پشتی سالا 1975ز ودەستپێکرنا شورەشا گولانا پێشکەفتیخاز ، دناڤ ئەدەبیاتێن پارتی دیموکراتی کوردستان ئیدریس بارزانی ب ئەندازیارێ ئاشتیا نیشتیمانی هاتیە ناڤکرن ، رولێ ناڤبری یێ بەرچاڤ بوو دپێک ئینانا بەرەی نیشتیمانی عێراق جود وئاشتەوانایا دناڤبەرا پارتی دیموکراتی کوردستان وئێکەتی نیشتیمانی کوردستان مه‌سعود بارزانی وه‌کی دیده‌ڤانیه‌ک دبێژیت هه‌می سه‌خله‌تێن بابێ من لده‌ڤ ئیدریسی هه‌بوون . سه‌باره‌ت ب خاندنێ ئیدریس بارزانی گرنگی زور ب خاندنێن نه‌ته‌وه‌ی وئیسلامیی وئه‌ده‌بی ودیرووکی ، گه‌له‌ک ژ هوزانێت وه‌فایی وخانی وجزیری ژبه‌ربوون ، نێچیرڤان بارزانی دبێژیت بابێ من گه‌له‌ک شه‌ڤان هه‌تا دره‌نگی دخاند ودنڤێسی وهه‌رده‌م په‌رتووک پێ هه‌بوون هه‌تا دناڤ ئوتومبێلێدا ژی ، لروژانێن 7و8 ل کانوونا دووێ لسالا 1986ز ئیدریس بارزانی وجەلال تالەبانی ل تەهران ب چاڤدێریا سەروک پەرلەمانێ ئیرانێ یێ وی دەمی هاشمی رەفسنجانی ژ بو بدوماهیک ئینانا شەرێ براکوژیێ دناڤبەرا واندا ، هەر بو هەمان مەرەم دگەل نوشێروان موستەفا کومبوون ئەنجامدا ، پشتی ئیدریس بارزانی پێشنیارکرنا پێک ئینانا بەرەکێ کوردستانی کری ئێکسەر جەلال تالەبانی ئەڤ پێشنییارە پەسەندکر ، لسالا 2013 ز دەمێ کومبوونێن لژنا ئامادەکرنا کونگرێ نەتەوەیی کورد ل هەڤلێرا پایتەخت دەستپێکرین عبداللە ئوجەلان رێبەرێ پارتا کارکەرێن کوردستانێ یێ نوکە دزیندانێڤە ل گزیرتا ئیمرالی نامەک ئاراستەی لژنێ کر وتێدا بەحسێ رێکەفتنا سالا 1983 زدناڤبەرا پارتی دیموکراتی کوردستان وپارتا کارکەرێ کوردستانێ ل دیمەشقێ کر دگەل ئیدریس بارزانی ورولێ ناڤبری دەربارەی ئێکگرتن وهزرا نەتەوەی زور ب نەرخ بەحس دکر ، پشتی سالا 1975 ز دەمێ شەر دروست بووی دناڤبەرا ئێکەتی نیشتیمانی کوردستان وقیادا موقەت (پارتی) وهەروەسا شەرێ پارتی دیموکراتی کوردستان دگەل حزبا دیموکراتا ئیرانێ ، لژنەک هاتە پێک ئینان ژ حزبا سوسیالیستا کوردستانێ وحزبا شیوعیا عێراقێ وسەرەدانا پارتی وئێکەتی کرن ب مەرەما راوەستاندنا شەری دناڤبەرا واندا مەسعود بارزانی وئیدریس بارزانی هەردووک ئامادەیی کوبوونێ بوون، ئیدریس بارزانی ل ده‌مژمێر 6 روژا 31/1/1987 ز ل ناوچا سلیڤانا سه‌ر ب باژێرێ ورمیێ وه‌غه‌رکر ، ولگورستانێ لده‌ڤ بابێ خوه‌ هاته‌ ڤه‌شارتن ، پشتی (10) سالان ژ ڤه‌شارتنێ سه‌رکرداتیا پارتی دیموکراتی کوردستان بریارادا ، جه‌نازێن وان بهێنه‌ ڤه‌گوهاستن بو گوندێ بارزان لرێکه‌فتی 6 هه‌تا 8 / 10/1993 ز گه‌هاندن جهێ ژدایکبوونا وان . دبێژن ئیدریس بارزانی نه‌ یێ رازی بوو ، ژ زور ره‌فتارێن مه‌سعودێ برایێ خوه‌ به‌لێ ژبه‌ر بابێ خوه‌ دترسا وئه‌ڤ چه‌نده‌ دڤه‌شارت دناڤ ده‌رونێ خوه‌ دا ، هەر وەکی هەڤال ودوستێن وی دبێژین ئیدریس بارزانی هیچ جارەکێ خوە ژ پێشمەرگان جودا نەدکر وژیانەکا ئاسایی وەکی وان دبوراند ، دشکەفت وچیایێن کوردستانێ دا ، لسالا 1964ز دەمێ مەلا موستەفا بارزانی لدەڤەرا رانیە ودەوروبەران ، ئیدریس بارزانی بو هاریکاریا پێشمەرگەیی وئیدارا سەربازی دچیتە دەڤەرێ لدەڤ بابێ خوە ، لسالا 1983ز پرتوکولەکێ نهێنی دناڤبەرا عبداللە ئوجەلان رێبەرێ پارتا کارکەرێن کوردستانێ وئیدریس بارزانی سەروکێ پارتی دیموکراتی کوردستان ل دیمەشقا پایتەختێ سوریێ هاتە مورکرن لسەر هاریکاریکرنا هەردووک لایان وئەڤ پروتوکولە ژ (11) بەند پێک دهات ، پشتی سەرهلدانا 1991ز سەرکرداتیا پارتی دیموکراتی کوردستان بریاردا تەرمێ مەلا موستەفایی وئیدریس بارزانی ب گوهێزن بو کوردستانێ لرێکەفتی 6 هەتا 8 /101993ز ولگوندێ بارزان بهێنە بخاکسپاردن . ناڤێ هەڤژینا ەی نازدار حەمە عبدالرحمن ومالباتا وان ئیکە ژ بنەمالێن دێرینێن باژێرێ سلێمانیێ .
سیروان سابر زاڤایێ لوقمان بارزانیە ، سامان سابر خودان خێزانە ، فەرهاد لوقمان زاڤایێ ئیدریس بارزانیە ونوکە ل ئەمریکا دژیت ناڤێ هەڤژینا وی نەوالە وبابێ سێ کجانە ودبێژن نەشێت بزفریت کوردستانێ چونکە ئاریشە دگەل کورێ مەسعود بارزانی هەیە وسکالا لسەر تومارکریە ل دادگەهێن ئەمریکی ..
ئامادەکرن/ ردوان گولی / سوید