نێرین

هەسپێ کالیگولا ژ پەرلەمانێ کوردستانێ کێمە ؟!

ردوان گولی، سوید

پێتولێ یونانی یێ کەڤن ئەفلاتون مروڤێ سەرداچووی لێکچوون(تەشبیه) دکەت ب(گورگی)چونکە ئەو خوشیێ ب خوینا مللەتێ خوە دبت،وهەر بڤی رەنگی سەرداچوویێ رومانی کالیگولا دهێتە هژمارتن ئێک ژ سەرێن هەرە مەزن یێن خرابیێ ددیرووکێ دا، دەمێ کالیگولا چووی دناڤ چڤاتا پیران دا لسەر پشتا هەسپێ خوە یێ خوشتڤی(تانتوس)ودەمێ ئێک ژ ئەندامێن چڤاتا پیران خوە نە رازی کری لسەر ڤێ رەفتارێ،کالیگولای گوتێ ئەز نزانم بوچی ئەڤی ئەندامێ بەرێز خوە نە رزای کر لسەر هاتنا هەسپێ من یێ رێزدار بو ناڤ چڤاتێ،ودسەرهندێرا هەسپێ من یێ رێزدار پتر ژ وی ئەندامێ بەرێز گرنگیا خوە هەیە،ئەو تێرا من هەیە،ئەو من هەلدگرت، وەکی هەر جار داردەست وئالیکارێن وی دەست بو قوتان ودوریشم ب بەژن وبالا وی گوتن،وئەوان بەرەڤانی ژ گوتن وئاخفتنێت وی کرن،ودیناتی وشێتاتیا وی زێدەتر لێ هات،وبریاردا هەسپێ خوە یێ خوشتڤی بکەت ئەندام دناڤ چڤاتا پیران دا ! وەکی هەر جار ئەندامان ب بەژن وبالا وی گوتن ژ بەر زانینا وی،وهولا چڤاتێ پری گوتنێت مەلاقان بوو،وکالیگولا هەتا دوماهیکێ لسەر ڤێ یاری پێکرنێ بەردەوام بوو،وئاهنگەک راگەهاند ودەستنیشانکر هەتا هەسپێ خوە یێ رێزدار ب دامەزرینت دناڤ چڤاتا پیران دا،ودڤێت هەمی ئەندام ب جلکێن فەرمی بهێن وئامادە بن بو ئاهنگێ،ولروژا ئاهنگێ ئامادە بووی سەرسورمان بوون دەمێ دیتین بتنێ کا وجەه یێ لسەر سێنیا خارنێ،ودەمێ هەمی مەندەهوش بووین کالیگولا گوتە وان ئەڤە شەرەفەکا ئێکجار مەزنە بو وان ئەو دڤان سێنیکێن زێری دا بخون یێن هەسپێ وی تێدا دخوت وبڤی رەنگی هەمی ئامادە بووی رەزیلکرن وبێ دەنگرن ژبەر ڤیان وحەزا کالیگولایێ سەرداچووی،وپێکڤە کا وجەه خارن !! بتنێ ئێک نەبیت ودگوتنێ(براکوس)خوە نەرازی کر ونەخار،کالیگولا تورە بوو،وگوتێ تو کی هەتا رازی نە بی ژ وێ ب خوی ئەوا هەسپێ من ژێ دخوت،وبریاردا ئەو ئەندام بهێتە لادان ژ پوستێ وی،وهەسپێ خوە دامەزراند ل جهێ وی،وهەمیان ب بەژن وبالا وی گوتن وب دەڤەکێ پری کا وجەه پشتەڤانیا خوە راگەهاندن ژبو ڤێ دیناتیێ، ودگەل هندێ براکوس رابوو وکرە هەوار وقێری هەمبەری کالیگولا وئەندامێن چڤاتا پیران،وراگەهاند دێ تولا شەرەفا خوە ڤەکەت ،ول ئەندامێن چڤاتێ زفری وکرە هەوار وقێری:هەتا کەنگی گەلی خوشمێر وماقویلێن روما ئەم دێ مینین دبن کونترول وزالگەها کالیگولا دا ؟! وهەر بلەز براکوس پێلاڤا خوە هاڤێت دێمێ هەسپێ کالیگولا وکرە قیری: یا موقویلێن روما هوین ژی وەکی من بکەن دێ شەرەفا هەوە بو هەوە زفرت،ئەوا هاتیە رەزیلکرن وبێ قیمەتکرن، وشەری دەستپێکر ب سێنیکان وپاشی هەمی تشتان وئەندامێن هەڤالێن کالیگولا لێ کوم بوون وخرڤەبوون،هەتا بڤی رەنگی کوشتی وپاشی هەسپێ وی ژی هاتە کوشتن !!ودەمێ دەنگ وباس گەهشتین مللەتی ژدەرڤە،هەمی بلەز رابوون وهەمی پەیکەرێن کالیگولا شکاندن،وهەروەسا پەیکەرێن خێزانا وی ژی شکاندن،دگەل رێز وحورمەتان بو هندەک پەرلەمانتەران

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close