بژار نێروەی
چەند روژەکە تشتەکێ سەیر دەرکەفتیە کەسێن مری و ئەوێن خو کوشتین یێ داخازا بەردەوامیێ ژیانێ دکەن ددەمەکێ دا ئەوان خو کۆشتینە گەلەک ژ مێژە،گەلەک جاران دبینن و گوھ گوھلێدبین کو کەسەکێ خو کۆشت ل فان روژێن چوی گەلەک حالەت ھاتنە تومارکرن، ئەفە نەیا سەیرە بەلێ تشتێ سەیر بو من لفان روژان چەندین کەسێن مری و وان خو کوشتیە داخازدکەن کو چارەسەریا خو کوشتنێ بھێتەکرن و ئێدی کەس خو نەکوژیت، ژبەرکو جفاک نزانیت گەلەک جورێن خو کۆشتنێ ھەنە، …….. بلا ئەم راست و درۆست بین جورێ ھەرە مەزنێ خو کوشتنێ کو بریتیە ژ((لال بون لسەر زولمێ)) و بێدەنگ بون لسەر فان قەیرانێت دروستکری ژلایێ دەسھەلاتێ فە بو خەلکی بەس دشێن ھزربکەن و بیژن فی خو کۆشت و وێ ھە خو کوشت کەس نا پرسیت ئەگەر چنە کو خو کوشتن ژ حالەتی بویە دیاردە ژبەرکو ب نانەکێ رەق و ھشک و منەدار رازیە، خەلک ب گشتی نوکە دنالیت ژبەر نەخوشیەکێ بتنێ ئەوژی نەخوشیا دەرونی یە خەلک ھەمی توشی دەرونەکێ روخێنەر و سادەبون ژبەر فان کریارێت خەلەتێن حکومەتێ لسەر جفاکی ل شینا ھاریکاری بھێتەکرن کو باشتر بژین بەروفاژی خراپتر دکەن، ………………. ھەردەمێ ته پشتا زالمی گرت ئەو ته خوكوشت و تو مریە ئەفجا ب کیش ری دھێ ھەوارا خەلکی وەرەن یێن خو دکوژن دەستا ب ھاریکریا زالما بەردەن،و وەک مڕوفان بژین، دەمێ تو زولمێ لسەرخو قەبیل دکەی ئەو ته خو كوشت ئەفجا ھەولبدە خو ساخ بکە پاشی وەرە دێ پێکفە دژی خو کۆشتنێ راوستین، دەمێ تو داخازا مافێن خو نەکەی ئەو تە خوکوشت،ل پبش چافێن تە مافێن تە دھێنە بن پێکرن تو بێدەنگی و دبێژی بلا خودێ دێ قەتینیت،خودێ بو مروفێن ترسنوک نا قەتینیت خو کوشتن بتنێ ئەو نینە گولەکێ لسەرێ خو بدەی ئەگەر تو ژفان جورابی ش مێژە تە خوکوشتیە و کەسێ مری ژی ماف نینە بێژیتە کەسەکێ دی خو نەکوژە یان وەرن دا خو کۆشتنێ نەھێلین ئەو کەسێن ھوسا روحەکا مری و ب لاشەکێ ساخ دژین ئەفەژی نا ھێتە د چارچوڤێ ژیانکرنێ،بەلکی وەک گیاندارا دھێنە ھژمارتن ب قەتاندتێ دژین،
