نێرین

ژ ئاغا بۆ ئاغا

سەردار هێتوتی

ب ساڵان، ب هوزان، کور و کومبین، گۆتار و نڤیسین، ل سەر بەژنا چیایی، کوردینی د کویراتیا دلێ کوردان دا دچاند. دگوت کوردینی یا پاقژ ئەوە یا ل ژێر سیبەرا هزرا شوڕەشێ بیت، مانا وە ل گوند و باژێرن ژێر دەستهەڵاتا حکومەتێ خیانەتە، چونا قوتابیێن وە بۆ خاندنگەهان خیانەتە، پشکداری د شەڕێ ئیران و عیراقێ دا دناڤا سوپایێ عیراقێ دا خیانەتە، هەر خزمەتا هوین ژ بۆ دەوڵەتێ دکەن خیانەتە، پەیڤا خیانەت هند کرێت کربوو ژ خیانەتێ بخۆ کرێتر کربوو. کورد دابەشی سەر سێ ڕەنگێن ژیانێ ببون، پێشمەرگە و ژیان ل چەل و چیا و لژێر رەحما فروکان، سەربازێ عیراقێ و شەرێ ل هەمبەر ئیرانێ و دژمنێن ئاخا ڤی وەڵاتی و دیڤەلانکێن ئاغا ئەوێن بوینە جاش. د ناڤا ڤان هەر سێ ژیانان دا جاش و جاش ئاغا د مفادارن، وان ل سەردەمێ حکومەتێ زێدە کەد نەدا و پارێ خۆ و لێبورینا خۆ وەرگرت و ل سەردەمێ حکومەتا ب ناڤ هەرێما کوردستانێ ژی بونە هەموو تشت، پێشمەرگە و سەربازێن عیراقی بونە سوتەمەنیێ شەڕ و شوڕەشێن سەردەمێ خۆ. دهی کورێن جاشا، بەرپرسێن بڵندێن پێشمەرگان و پاشان حکومەتێ و حزبی بوون ئەڤڕۆ ژی بەرپرسێن فێرکرن و زانینا کورە خۆشمێرێن پێشمەرگانە و ب هەبوونا وان دکەنن. د دەمەکێ نێزیک دا، هەمی ڕێڤەبەرێن قوتابخانان، بەرپرسێ هوبێن چاندنێ و ڕاگرێن پەیمانگەهـ و کولیژان، سەروکێن باژێرڤانیان و ڕێڤەبەرێن ناحیا و نڤیسەرێن دادگەها و بەرپرسێن پولیسان دێ ژ کورێن وان ئاغا و موستەشاران بن یێن ڕۆژەکێ بێ زەحمەت دگەل حکومەتا ناڤەندی و ئەڤڕۆ ژی بێی کەد بوینە سەمیانێن مە یێن ڕاستین.

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close