شعبان مزوری
دبیت ڤی بابەتی گەلەک کەس دی بەریا من دەست دابیتێ و لسەر نڤیسی بیت لێ من بخوە نەدیتیە لەوما دپێشدا دەست خوەشیێ لهەر کەسەکی دکەم کو ئەڤ بابەتە ئازراندبیت و یێ بئازرینیت. پر جاران بو مروڤی پرس دەردکەڤن لسەر رەفتار و تیتالێن جودا لناڤا جڤاکێ مە کوردا دا. راست هەمی نەتەوە و جڤاکێن جیهانێ چەند سولاخەتێن نە رند و جوان هەنە لێ کو مللەتەکی بسالان گرێدای هندەک رەفتار و بوچونا بمینە و شوینا خوە ژێ قورتالکەت تازە هونەری د پێشخستنا وان دا بکەت.
کارکرن لسەر پێشڤەچونا هەمی زانستا، ئارمانج پێ ئەوە مروڤ د رەوشەک ئەولەکاری دا بژیت، ژیانەک تەندوروست و تەمەن درێژ هەبیت، ماکسیموم بەختەوەر بیت کو ئەڤە هەمی بنگەهێ وێ فەلسەفا پێکڤە ژیان و ڤیانێ پەیدابیت دناڤ مروڤێن جودادا ( برەنگێ خوە، باوەریا خوە، زمانێ خوە…هتد ). لێ براستی ئەستەمە بو مێژکەکێ تەندوروست تێگەهشتن هەبە کو مللەتەک بهەمی شینا خوە بەرەڤاژی کاروانێ ژیانێ بزاڤێ بکەت.
ئەگەرا کو من ئەڤ چەند رێزە نڤیسین براستی دوو پەیجێن فەیسبوکێ بون، یەک ژوان پەیجێ شێرێ بادینان کو وێ کەسەکی جلێن لەشکەری لبەژنێنە، کەسەک براستی بو من قەت بەرنیاس نینە و چەندی ئەس لێگەریایم من چکەس بناڤێ وی نەدیتن کو لناڤا شنگارێ بەرسینگێ داعش گرتبیت، یانژی سەرکێشیا رزگارکرنا زومار، تلکێف، باشیکێ، مەخمور، کەرکوک و تا دگەهتە خانەقین ژ دەستێ حەشدا شەعبی کربیت. راستە دڤێت ژ مروڤێ جامێر را بێژی جامێر، لێ نابیت هندەک ناسڤا لخەلکەکێ بکەی تو بخوە بزانی کو خەلک هەمی دوزانیت تو درەوا دکەی. باشە تو ئەو کەسێ پەسنا هندەک کەسا ددی و بشێر و پلنگ بناڤ دکەی تە هیچ جارەکێ ژخوە پرسیە کو شەر، پلنگ و قەهرەمان خودان وەلاتن، خودان سنور و ئلانە ئەڤە بکێماسی، چونکە پرانیا بەشەک ژ خاکێ خەلکێ دیژی داگیرکریە. مادەم تو خودان ڤان قەهرەمانایی چەوا ئەسکەندەرێ مەقدونی، فارسا، سریانا، ئاشوریا، عەرەبا، تورکێن مەغول هەمیا وەلاتێ تە داگیرکر، نەکو تو نەشیای بهوستەک ژ ئەردێ خەلکێ داگیر کەی بەلکو تو نەشیای بهوستەک ژ خاکا خوە بپارێزی و تازە خوە وەک پشتەڤانێ ڤی یان یێ دو بناڤ دکەین؟ روی کویلە تە پێتڤی بپشگیریێ هەیە ژبو ژ برسا نەمری. لێ جهێ من هەژی وی و وەک هەڤێن وی دیتی باخچێ گیانەوەرانە چونکە شێرژی گیانەوەرە.
کەسەک دی پەیجەک دوروستکریە بناڤێ حەژێکەرێن مەلەکێ خودان ریهێن درێژێ و دەهمەنێن کورت. باشە مەلەکی چ پێویستی بحەژێ کەرا هەیە، باشە مەلە کاردکەت ژبو حەژێ کەرا ژبو خوە پەیدا کەت یان ژی خەلکێ پەروەردە کەت لسەر رێزگرتنا ئێکودو و حەزکرنا خودێ. نوکە هندەک ملا بئاشکەرا رێکا بەهەشتێ یا گرێدای ڤیان و نەڤیانا وایە، واتە لڤێرە خودێ هیچ رولەک نەمایە بەلکو بویە سکرێتێرێ چەند مەلا. گەلەک ملا و کەسێن ژخوەرا دبێژن بانکخواز لەشکەرەک ژ کویلا دوروستکریە بپارێن خەلکێ بەلەنگاز ژبو چاڤدێریا پەیجێن وان بکەن، پەسنا وان بدەن و کرێتیا بوان کەسان بکەن یێن ڤان مروڤا رەخنە دکەن. پرانیا ڤان مەلا دبێژن ئەم بو خودێ کاردکین، لڤێرە پرسەک ژبو ڤان مەلا، ئەگەر راستە هون بو خودێ کاردکەن ژبوچی هون موچەی وەردگرن، بوچی کارێ ئولی هون پەروە ناکەن و ژبو بژێوا ژیانا خوە کارەکدن بکەن وەک هەر مروڤەک ئاسایی.
لدوماهیکێ هیڤیدارم خەلک دەستبەرداری ڤان کارێن کرێت بیت و پتر مژویلی ژیانا خوەبیت، ئێدی مە نە ڤێت هیچ کەس و عەشیر ناسنامێن مەبن، ناسناما مە وەلاتێ مەبیت، ئەم پشتگرتیێن وەلاتێ خوەبی، ڤیان و چاکی بو خەلکێ هەمیە بخوازین.
بکورتی و بکوردی نە پاراستنا وەلاتا بستران و گوتنایە و نە بەهەشت د پشگرتنا مروڤێت ئولیدایە.
