نێرین

کورد و گووتارا ژنخوازیێ

ئارام بەروشکی

گازێین درووست لوێ رەوشێ دەنگڤەدەن دەمێ گوهورینێ لنک تاکێ گوهلێبووی بەرچاڤدبیت ژئەنجامێ گووهلێبوونا وێ گازیێ هەلبەت مەرەم ژگازیێ نەبس گووهلێبوونە لێ مەرەم پێ گووتارا جەماوەریە وشێواز وناڤەرووک وهەیکەلێت گووتارا گازێکەرینە ، لئەڤەروویامەداگووتارا ژنخوازیێ دلێ جڤاکی کوردی دا سەرهلدایە بەلێ مخابنیڤە هەمان کاسێتا هەرجاڕە بێ کو گوهورینەک بێتە تەماشەکرن د ژنێت گوهلێبووی ، لڤێرە دا دێ بزاڤێ کەم گووتارا ژنخوازیێ بئێخمە بن چاڤکێ عەقلی دا دیتنەکا زەلال وشرووڤەکرنا شیکاری لبەر دەستی خاندەڤانی بیت ، دا تێگەهـ بشێوەکێ راست بگەهنە خوێندکاری. [ئـ ] راستەڤەکرنا تێگەهێن تیوری د گووتارا ژنخوازیا کوردی دا : ۱ ـ ژێدەرێ ژیانێ نەژنە بەلکو ژێدەرێ وێ خانەیا تاک نافکە گەرخانەیێن تاک نافک نەبن یێن کو بکوپیکرنێ زێدەدبن خانەێن فرەنافک ژی نابن . ۲ ـ دەستپێکا پەرستنا ئولا خوداوەندێن وان نەژن بوون بەلکو سرووشت بوو دیڤدا بوو گیانەوەرن دیڤدا بوو مالبچیک . ۳ ـ دژیانا مرووڤێن بەری چێبوونا دەولەتی نێرومێان پێکڤە نێچیر دکر و زاروک ژی بێ جوداهیا رەگەزی فێری نێچیرگرتن وشەری وخوپاراستن ونشتەجێبوون وکۆچکرنێ دبوون . ٤ ـ زمان نەداهێنانەکا نێر سالاری یان مێ سالاریە بەلکو ژ رەنگڤەدانا و وەسڤا سرووشتی وتشتێن سرووشتی یە مینا ناڤێ دەریا کۆ هەیە بوو کورا وکچا بێ جوداهی . ٥ ـ بنیاتێ شارستانیەتێ نەکو مێە یانژی نێرە ئێکەم داهێنان ئاگربوو وژێ نەپشتراستبووینە تاڤێ چرکە ساتی کا ئەو نێر بوو یان مێ بوو بنیاتێ شارستانێەتا زانستە وزانست ژی نەمولکە ونە رەگەزە بەلکو ئامیرە ومەنهەجەکێ بێ لایەنە . ٦ ـ ژن نەیا جودایە ژزەلامی دمرووڤایەتێ دا لێ یاجیاوازه ژ زەلامی د مرووڤبوونێ دا ۷ ـ ژن بکریارێت خوو ژنە نە برەگەزبوونا خوو چونکە رەگەزبوون تشتەکە وێ نەهەلبژارتیە دیسان رەگەزبوون دیتنەکا دەمارگێرە . ٨ ـ هەتا ژن خوونەدانیت پشکەک ژکێشێ نابتە پشکەک ژچارەسەریێ. ۹ ـ کارلسەڕ ئازراندنا گوهورینێ د هزرا ژنا بکەن نەکو کەسایەتیا وان . ۱۰ ـ دوژمنێ سەرەکیێ ژنێ ژن بخویە بەری زەلام بیت زانینا خالێن لاوازیا ژنان ودیارکڕنا وان سەرکەفتنە لسەر دوژمنێ سەرەتای ئەوژی ژنە . [ ب] راستەڤەکرنا تێگەهێن کرداری د گووتارا ژنخوازیا کوردی دا : – ۱۱ ـ دەیکینێ بوو زاروکێن بێ دەێک بئەخلاقترە ژدەیکنیەکا خەمسار یان شاش بوو زاروکێن خودان دەیک . ۱۲ ـ شیکرنا ژنی دگەل زەلامەکێ ژوێ بچیکتر چێترە ژ زەلامەکێ ژوێ عەمرتر دا زەلامەکێ باش پەروەدەکەت . ۱۳ ـ زواج دگەل بیانیان کاریگەرترە ژ زواجا دگەڵ کەسوکارا ژبەرکو مرووڤایەتی بلندترە ژرهێن خووینێ . ۱٤ ـ کارکرنا کارێن رەق بەرچاڤترە ژکارکڕنا کارێن نەرم . ۱٥ ـ گرنگیدان بزانستێن سرووشتی مفاترە ژ زانستێن جوانکاری . ۱٦ ـ ژن فێرببت خونەبینت وەک لەش‌ بەری ژنێری داخازکەت ئەو وێ ببینت وەکو لەش سێکس ئامرازێ پەیوەندیان بیت نەکو ئامرازێ گەهاندنا ئارمانجان بیت . ۱۷ ـ زەلامەکێ خودان رەوشەنبیریا سێکسی شارەزاترە ژ روستەمەکێ خودان کێم سەربوور . ۱٨ ـ دلێ زەلامی پیرنابیت لێ لەشێ وی پیردبیت ئەڤجا عەشقا دلا روژلێ دهەلێت لێ عەشقا کەلەخا روژ لێ ئاڤادبیت . ۱۹ ـ زواج پێکڤەژیان بیت نەلسەر ئێکدو ژیانبت ئەڤەژی برێکا رازیبوون بجیاوازیێ . ۲۰ ـ ڤیانا وێ ژبوو کچان پترنەبیت ژڤیانا وێ بوو زەلامان .

پتر به‌رچاڤ بكه‌
Back to top button
Close