نێرین

گوھداریا من بکە سەروک..!

بژار نێروەی

ئەگەر تو ب شورەشێ لسەر حوکمی مە پێکفە شورەشا کری ئەم پێکفە ل چیای یێت نفستین و ئەگەر تو بێژی تو زاروکی ئەز دێ بێژم باب و باپیرێن من وی دەمی نینەرێت من ژی بون و بارامن ژی شورەش یاکری، ئەگەر تو بێژیە من تە چ دفێت وەرە دەمەکێ گوھداریا من بکە دێ بێژمەتە کا من چ دفێت، دەسپێکێ من دفێت لسەر کورسیکێ بھێیەخار گوھداریا من بکەی ژبەرکو دەنگێ ھەوە گەلەک بورە و تیژە تو نەشێ لدیر گوھداریا من بکەی وەرە ئاستێ من و گوھداربە، …………….. روژانە تو دبێژیە مە ئەم خودانێت ڤێ ئاخێ ینە و پێتفیە ئەم لسەر حوکمی بین و دفێت ھین گوھداریا مە بکەن و رێنمایێت مە بجھ بینن،ئانکو یاتە بتنێ داخازی نە بێ سوپاسی سەروک ئەز بەحسێ وێ سوپاسیێ ناکەم یا تو روپەلاخودا یان د کونگرەکێ روژنامەفانی دا بێژی سوپاس خەلکێ منێ خوشتفی،مە ئەف سوپاسیە نەفێت ئەگەر تو بێژیە من پاتە کیش سوپاسی دفێت ئەز دێ بێژمەتە من ئەو سوپاسی دفێت یا تە ب زوری ژمن وەرگرتی و ئەوژی بێ ھیفی بون و ژیانە.! ئەری ھەتا کەنگنی تو دارودەستەکێن خو دێ بنە ستری لبنێ پێمەرا و دێ رێکێ لمەگرن پیچەک وەک مڕوفان بژین،!ئەرێ ھەتا کەنگی کەسەک لمال موچەی وەرگریت ل شینا ٩دەمژمێرێن کارکرنا بابێ من ل نەخوشخانێ.! ھەتا کەنگی دێ وی کەسی ھێلیە بێ موچە و ژیان ئەوێ تو فێرکری باغفی و بنفیسی، ئەفەیە پاداشتا ماموستای..! ئەرێ ھەتا کەنگی دێ لدژی مەبی داکو بژین ئەرێ مانە تو بەرپرسی ژ ژیانامە،! یان ژی توژی ھزردکەی خەلەتی ش مەیە ژبەرکو ئەم ھەوە د ھەلبژێرین بو دەسھەلاتێ ئەرێ بوچی تو باشتر ژمە ھزرناکەی و بیژی ھین خشیم ئەم نەخشیم و ئەم دێ ژیانێ بو ھەوە دابین کەین و دێ پیچەک گەندەلیێ کەین!! بوچی ئەفە ھزراتە نابیت! یان ژی تومە بکاردئینی بو بەرژەوەندیاخو بتنێ و پاشی مە دھێلیە ئێشانا برساتیێ را..! ئەرێ ما تە سیند نەخاربو کو چافدێریا خەلکێ خو بکەی و ژیانا وان بپارێزی ژ شەرێن نافخو دەرفە ،ئەرێ ماتە سیند نەخاربو گەر قوتابیەکێ خاند و ب سەرکەفت و زەحمەتا وی ژبیراوی ببەی ب دامەزراندنێ داکو جیلێ تەیێ داھاتی پەروەردەبکەت..! یان ژی کورسیکاتە گەرمە و تەھاش مە نینە ئەرێ تو دزانی ئەگەر کەسەکێ بیانی بێژیتە من تە سەروک ھەیە یان ژی بێژیت نافێ سەروکێ تە چیە تو دزانی ئەز دێ چ بێژمێ..! ئەز دێ بێژمێ ببورە من سەروک نینە و سەڕوکێ من مریە یان نساخە ب چافاکورەیە و ب گوھا کەرە و ب ئەزمانی لالە..! ئەرێ تو دزانی ئەفە دێ من چەند ئێشینیت دەمێ دبێژمە کەسەکێ بیانی، و ئەو کەسە ب من بکەتە کەنی کا چاوا نەخوشە دەمێ ئێک پسیارێ ژ ئێتیمەکێ بکەت و بێژیتێ تە باب ھەیە.! و ئەو بێژیت نەخێر مریە..! ئاھا ھوسا بومن ژی نەخوشە ئەگەر بێژمێ نەخێر من سەروک نینە و مریە..! ھندی تو دفێ بێدەنگیێ دابی ئەز نەچارم ئەفە بەرسفا من بیت، ……………………… سەڕوک پەشیمانی لنیفا رێکێ ژی ھەرباشە،ئەگەر تە ئنیەت بیت کارەکێ باش بکەی ھێشتا تە دەم ھەیە و دەست پێ بکە وان دلخوش بکە ئەوێن تە برسی کرین ددرێژاھیا حکومرانیاخودا، قوتابیا ب دامەزرینە داھاتێ زاروکێن خو بدە داکو ئەوژی زاروکێن خو تێربکەن و دلخوش بکەن،ئەگەر تو بێژی نینە و ھەمی ب حالێ من..! ئەگەر ھات و من دیت زاروکێن تە دگەل من لسەر رەحلێ دخینیت،ئەگەر من دیت ئەو سرایا ئەز دگرم بو کرینا نانی،ئەگەر من دیت دگەل من دھێتە ئێک یاریگەھ بو یاریێ،ئەگەر من دیت دەمێ سەرێ من د ئێشیت و ھاتە نەخوشخانا ئازادی، ئەگەر من دیت ل کوستەرێ سیاربو داکو بچیتە بازارێ دھوکێ،ئەگەر من دیت حەفتیێ بتنێ دوھزار ھەبن وەکی من،ئەز ژی رازیمە سەروک بفی حالی و ئەم ھەمی دێ خو گرین دا ئەف کێشە ب گشتی بھێتە چارەسەرکرن، …………….. بەلێ سەروک ئەو داھاتێ مەھەی ئەم دشێن دوو ھەرێمێت دیژی ب رێفەببەین و بژینن، و باشترین سیسەتەم بدانین، سەروک زاروکێن تە بو وەرگرتنا باوەرناما زانکویێ دچیتە ئەمریکا بو وەرگرتنا نانی شەش کەسا فرێدکەتە سرایێ و بو وەرگرتنا چارەسەریا سەر ئێشێ ب فروکا تایبەت دچیتە ئەوروپا و بو کرینا پێتفیا ناھێتە بازارێت مە دچیتە لەندەن و ئەنقەرە وبەرلین حەفتیێ ب دەفتەرا خەرج دکەت..! ئەرێ سەروک تە دفێت لسەر فان ھەمی مخالفا ئەم پشتا تەبگرین…! و ھێجەتا بوتە بگرین و بێژین چنینە دێ چێبیت یان دێ شنی فێربیت..! یان ژی تە دفێت ب زکێ برسی و ب تەکسیێ بھێم بەرەفانیێ ژ ئاخا تەبکەم یاکو تە بنافێ خو مورکری و دبێژی ئاخامنە..! تەل بەرە مە مژیل بکەی ب ھەستا نەتەوایەتیێ و توژی داھاتێ وەلاتی وێران بکەی و رادەستی چەند کەسەکێت فێلباز بکەی..! ژ خەلەتیاخو وەرنە خارێ وەریسێ زولم و ستەمێ چەند درێش ببیت دێ ھەر روژەکێ زراف بیت و ھێتە برین، وی دەمی زاروکێ برسی ماموستایێ بێ پەناگەھ و گەنجێ بێ ھیفی رەحمێ بتەنابەن.

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close