نێرین

لکوردستانێ گروپێن فشارێ هه‌نه‌؟

سه‌ردار هێتوتى

گروپێن فشارێ یێن خۆدان رول د ناڤا جڤاكێن پیشه‌سازى دا یێن شیاى ببنه‌ چاڤدێر ل سه‌ر كارێن په‌رله‌مانى و یاسایێن گرێداى ژیانا خه‌لكى و یێن شیاین ببنه‌ ئه‌گه‌رێ بهێزبوونا بناغه‌كێ باش یێ دادیێ، هه‌روه‌سا نابیت ژ بیر بكه‌ین كو سروشتێ ده‌ستهه‌ڵاتا دیموكراسى یا بنه‌جهـ هاریكاره‌ ژ بۆ كار و خه‌باتێن ڤان گروپان د ناڤا وه‌لاتان دا. چالاكیێن ڤان گروپان ل هه‌ر وه‌ڵاته‌كى یان ده‌ڤه‌ره‌كێ ئاماژه‌نه‌ ژ بۆ زندیبوونا سیاسه‌تا دیموكراسیه‌تێ ل وان ده‌ڤه‌ر و وه‌ڵاتان، له‌ورا ئه‌و ناڤه‌ندا خۆدان ئه‌ڤ گروپه‌ هه‌رده‌م یا ل سه‌ر پێیان و یا هشیاره‌. لێ به‌لێ د وه‌ڵاتێن هزرا عه‌شیره‌تى و ڤه‌مایى، خۆدان هه‌ڤركانیا مرۆڤاتیێ، ئه‌ڤ گروپه‌ نه‌شێن جهێ خۆ بگرن چونكى ژێهاتیبوون و به‌رده‌وامیا په‌یوه‌ندیێن ڤان گروپان یا گرێداى كه‌نالێن په‌یوه‌ندییێ یه‌ ژ لایێ گروپ و گشت جه‌ماوه‌رى و ده‌ستهه‌ڵاتێ ڤه‌. دڤێت ئه‌ڤ گروپه‌ بشێن بوچوونێن خۆ یێن خزمه‌تا جڤاكى بسه‌پینن و ڕێگیربن ل هه‌مبه‌رى هه‌ر یاسایه‌كا له‌نگ و تارى و د هه‌مان ده‌م دا ژى ده‌وڵه‌ت و كاربده‌ستێن وێ دڤێت ل هه‌مبه‌ر ئازادیه‌كا زێده‌ بۆ ڤان گروپان د هاریكاربن. پله‌ و پایه‌یێن ڤان تیم و گروپان ل وه‌ڵاته‌كى بۆ ئێكى د جدانه‌، چونكى ل گوره‌ى ڕێپێدانا وان ئه‌ركێن گرنگ بجهـ دئینن د بیاڤێن ئابورى و سیاسى و جڤاكى دا. دپرسین ئایا ئه‌و گروپ و سه‌نته‌ر و ڕێكخراوێن جڤاكێ مه‌ده‌نى یێن تژى كولانان ل كوردستانێ، شیانه‌ ئه‌ركێن خۆ ل هه‌مبه‌رى جڤاكى و داخازكرنا مافێن تاك و كوم یێن جڤاكى و رێگیریكرن ل هه‌مبه‌ر یاسایێن له‌نگ بجهبینن؟

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close