ردوان گولی
ئه‌م دشێن بێژین هه‌سپێ ترویا دوریشم وسومبولا فێلبازیانه وسه‌ردابرن وخاپاندنا سه‌رکرده وگه‌ل وله‌شکه‌رانه، گه‌له‌ک جاران مروڤ دێ هنده‌ک گوتنا بهیست ژ که‌سانێن سیاسه‌تمه‌دار وره‌وشنبیر وسه‌رکردان باش تێناگه‌هیت ئه‌ڤه ج دبێژن یان مه‌ره‌م ژ ڤێ گوتنێ جیه ؟ ده‌مێ دبێژن ئه‌ڤ پروسێسه یان ئه‌ڤ مه‌سه‌له وه‌کی هه‌سپی ترویایه بو نموونه هنده‌ک ژ سیاسه‌تمه‌دارێن روژئاڤا دبێژن هاتنا وه‌لاتێ تورکیا بو ناڤ ئێکه‌تیا ئوروپی مینا هه‌سپێ ترویا ،ئه‌ڤی زاراڤی ره‌هندێت دیرووکی هه‌نه وئه‌ڤ داستانه دزفریت بو چه‌رخێت گه‌له‌ک که‌ڤنار ودێرین، وه‌کی ژێده‌رێن دیرووکی خویا دکه‌ن ئه‌ڤ جه‌نده به‌ری 3300 ساله هاتیه رویدان، ترویا باژێره‌که‌کێ دێرینه دکه‌ڤیت لایێ ئوروپا لده‌ڤه‌را دبێژنێ ئه‌نازول ل وه‌لاتێ تورکیا ، ده‌مێ تووشی هێرشه‌کا ئه‌غریقیان بووی ل چه‌رخێ 13 ب ز ،ئه‌ڤ هێرشه ل باژێرێ ئیسپارتا هاتبوو رێکخستن ، داستانێ بڤی ره‌نگی ده‌ستپێکر، پارس شاهێ ترویا بوو ،رابوو هێلین هەڤژینا شاهێ ئیسپارتا هکتوری ره‌ڤاند، که دبیت ژن ماما وی !! هکتور گه‌له‌ک توره دبیت ده‌مێ ئه‌ڤ جه‌نده زانی ئێکسه‌ر بریاردا هێرشه‌کا مه‌زن بکه‌ت سه‌ر باژێرێ ترویا ، هێرشا وی پێک هاتبوو ژ (1000) پاپورێت پری شه‌رکه‌ر وبه‌ره‌ڤ ترویا چوون به‌لێ نه‌شینا بستینن، بو ماوێ 10 سالان ئابلوقه ودورپێچ کرن، پاشی هزرکرن ب حیله‌کا دی ئه‌وژی هه‌سپه‌کێ مه‌زن دروست که‌ن وشه‌رکه‌ر بچن دناڤدا وبێژن خه‌لکێ ترویا ئه‌ڤه دیاریه بو هه‌وه، ئه‌ڤه مه ئابلوقه لسه‌ر هه‌وه راکر ، سیخوره‌کی بناڤێ سینون شیا ڤێ فێلبازیێ بسه‌رێ خه‌لکێ ترویا بینت ، هه‌میان ئاهنگ دگێران وسه‌رخوش بین، ده‌رگه‌هێن باژێری ڤه‌کرن، هه‌سپێ داری ئینات هه‌می تێدا شه‌رکه‌رن وخه‌لکێ دی هه‌می سه‌رخوش ومه‌نده‌هوشن، شه‌رڤان ژ هه‌سپی ده‌رکه‌تن وزه‌لام هه‌می کوشتن وزاروک وئافره‌ت هه‌می کرن به‌ند وکویلە، هێلینا هەڤژینا هکتوری گه‌هشتێ ڤه ، ئه‌ڤه داستانا ترویایه که ب زمانێ عه‌ره‌بی دبێژنێ (حصان طروادة) براستی ئه‌ڤ سیاسه‌تا نوکه یا وه‌لاتێن زلهێز دئینن به‌رچاڤ ئه‌گه‌ر ته‌ماشه‌ی ژیواری بکه‌ین زور کاریگه‌رتره ، نوکه‌رێت ڤی سه‌رده‌می گه‌له‌ک زیرێکتر وپه‌هله‌وانترن ژ بو قائیلکرن وسه‌ردابرنا خه‌لکێ هه‌ژار وبێ گونه‌هێت وه‌لاتێن مه . ردوان گولی /سوید
