جیهانیچاند و هونه‌ر

کارمینا بۆرانا(کنتاتا)

بەرھەڤکرن رامین سەردار

کارمینا بورانا کانتاتا ژکارێن ئاوازژەن کارل بۆرف. بۆ ئێکەم جار دناڤبەرا سالێن 1936-1937 هاتیە پێشکێشکرن، پێکھاتیە ژ 24 هۆزانێن هاتینە دیتن ل چەرخێن ناڤین کو دزڤرن بۆ سالا1280 ئەڤ دەقە هاتینە نڤێسین پتریا وان ب زمانێ لاتینی تێکەل دگەل ئەلمانیا باڤاریا باشوری و فرەنسا یا کەڤن،وبابەتێن وێ جۆراوجۆرن دناڤبەرا دینی ودەستهەلاتێ دا سترانین سەرخۆشان و حەژێکرنێ یێن ھەستیاری. باشترین لڤینا ناسیار تێدا پارچا ئێکێ یان فورتا(قەدەر)ە. رامانا پەیڤا کارمینا بۆرانا سترانین (بوریرن)ن کو ناڤۆنیشانێ پەرتۆکەکێیە ژ کومەلەکا تەمام یا هۆزانێن علمانی یێن لاتینی یێن کو هۆزانڤانێن جیاواز ل چەرخێ دۆازدێ نڤێسین بخۆڤەدگریت پێکھاتیە. وژمارا وان دگەهیتە نێزیکی250 هۆزانان،

هۆزانڤانێ ئەلمانی یۆهان ئەندریاس شمیڵر ب کۆمەل ڤە کۆم کرن وچاپ کرن ل سالا1847 ئەڤ کارە ب شێوەیەکێ سەرەکی دهێتە دابەشکرن بۆ سێ بەشان، ل ژێر ناڤۆنیشانێن: – بەهار دمەیخانێڤە -دادگەها حەزژێکرنێ، – ھوزانێن تێکەل دناڤبەرا پاقژی و خۆشی و سەرەدەریکرنێ دگەل خۆشیێن ژیانا سەر دۆنیایێ ب رۆحەکا سادەیی و خۆرادەستکری یێن کو دجەوهەرێ دیتنا مرنێ و دۆماهیا دچەرخێن ناڤەراست دا و هزرا ڤان دەقان دزڤریت بۆ (زڤرینا دۆلابا قەدەرێ) دهەر دیمەنەکێ وسترانەکێ دا دولابا قەدەرێ دزڤریت و کەیف دهێتە گۆهورین بۆ خەمێ وهێڤی دگۆهورن بۆ تەحلاتیێ دەستپێدکەت دویڤ ئێک بدەسپێکەک هەڤپەیڤینا خۆدایا قەدەرێ (فورتونا) خۆدایا شانسی و سامانی وتۆلڤەکرنێ و خانما قەدەر لدەڤ رۆمانیان،کو وێنێ دیە یێ پەیڤا فورتومنا کو رامانا لێکزڤرین دهێت ژبەر کو فورتونا دولابا سالێ دزڤرینت ودراوەستینت ل سەر بەختەوەریێ یان خەمێ یان ژیانێ یان مرنێ وفوتونا ڤێرێ دیاردکەت کۆنترولکەر ب چارەنڤیس وقەدەران، خۆدایا ژیانا دۆنیایێ دگەل خەم وئاخینان وخۆشی ولایەنان، کو هۆزان بەحسێ خۆشیێن ژیانا دونیایێ دکەت بهەر چار شێوەیێن وێ(دەستهەلات)ل دەسپێکێ و (گەنج)ل بەشێ دوویێ یا بهارێ و(مەی) ل مەیخانێ بەشێ سێیێ و(حەژێکرن وئافرەت)ل بەشێ چارێ ، دولابا فورتونا هەمی گاڤا دزڤریت لەوا چ تشت ژ خۆشی وتامێ بەردەوام نامینیت ژبلی خودایا قەدەرێ کو دولابا خۆ دزڤرینت چاوا بڤێت دلێزڤرینەکێ دژیانێ دا وچارەنڤیسێ مرۆڤان هەتا دۆماهی دئینت بهەمان دەسپێک کو ژێ دەستپێکری. -وێنێ خودایا قەدەرێ و دولابا وێ.

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close