كوردستانینێرین

وەرن دا کودەتایێ(انقلاب)بکەین..!

بژار نێروەی

جفاكێ روژهەڵاتانافين زور جياوازه ژجفاكێ روژئافا بەردەوام ب دارێ زورێ رازيبوينه وبەردەوامی داينە ژياناخو بێكو هزر بكەن هەمی ياسا و دەسهەڵات و حكومەت و دەولەت بتنێ بو هندێ يه داكو ژيانا مروفی(مروف)وجفاكی خوشبيت و ئارام بژين عيراق ژی ئێكه ژوان جفاكا و تایبەت ھەرێما کوردستانێ درێژاھیا حوكمێ29سالييا كوردی ژبلی خەم و ئازارێت كير هيچ تشتەك پێشكێكی دوزا مللەتی كورد نەكريه،و نەشيانه كەسوكارين وان شەهيدان يێن كو درێژيا دەركەفتنا كوردا تانها بەردەوام لاو گەنجێت خو ژدەستداينه، حكومەتا هەرێما كوردستانێ هندە دێ چيته30سالیاحكومرانيا خومالیدا ، لێ ژ ئەگەرێ چاف برساتيا وان بو داهاتێ مللەتی گەندەليەكا زور دهێتەكرن ،سالانه رێژەكا زورا بودجا وەڵاتی دهێته بهەدەردان، دگەل فێ چەندێ ژی خەلكێ هەرێما كوردستانێ بەشەكه ژفێ گەندەليێ، زوربەيا مللەتی پشتەفانێت فان بەرپرسانه يێن كو روژانه گەندەليێ دكەن، بەشەكێ دیيێ مللەتی كو پێكدهێت ژ تەخا هەژار، دەمێ دبێژين هەژار،راماناوێ ئەو نينه بێ پارەنه يان بێخارنن، بەلکی هەژارێن عەقلی و (ھزرێ نە)هەژارێن تێنەگەهشتنێ نه، درێژيا فان سالا حوكمەكێ زور نەشەفاف و نەرێكخستی هاتيەكرن دەرحەقێ فی گەلیدا، بو نمونە تەخا هه ژارا دبيژيت: ئەس نەشێم دژی حكومرانيا نوكەرابم دێ موچێ من برن و خێزانا دێ مينته برسی!! ئەف تەخه زورا مەترسيداره مەترسی ئانکو ژناف چونا جفاکەکی ماف خاستنێ، و ئەف تەخە پێتفی كودەتايەكا هزری يه(انقلاب)ژبوكو وان هزرێن رەش دسەرێ خودا خودان کرین بهێنه پاقژكرن و هندەك هزرێن ئەرێنی(ئیجابی)بهێنە چەسپاندن،داكو مللەت دوباره ب ژيانێ شادبن،مەترسيا هەژارا زوره ژبەركو زور دهێنه خاپاندن،و نانێ ئەفرو هەبيت نانێ سوبەهی نەگرنگه لدەف وی و ھیفیا خودێ، دەسهەڵاتا كوردی زور فێ بكاردئينيت و بتەمامی سەرگرتیە حكومرانيا باش خەلك دهەلبژێريت حكومرانيا خراب ژی هەر خەلك راستەوخو هەلدبژێريت ھەژار ژی بەشەکە ژ خەلکی ئەنکو وان رولەکێ ئێکجار مەزن ھەیە د دەولەتێ دا، لەوما پێتفيه ئێدی هندەك هزرێن راست و ئازاديا ھزرێ و بوچونێ ب تەمامی رادەستی فی مللەتی بهێتەكرن وخاپاندنا فی گەلی بدوماهيك بهێت، دفێت تەخا، رەوشەنبير و چاڵاكفان روژنامەفان ياساناس و نفیسەر رولەكێ گرنك هەبيت دفی بابەتی دا و پێتفیە ئەڤ تەخێن ھەنێ ھەست ب بەرپسیارەتیێ بکەن ژبوكو دوباره مللەتەكێ خودان هزارەها شەهيد ب ئازادی و خوشێ بژيت.

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close