كوردستانینێرین

ما مە ئوپزسیون ھەیە دا رەخنێ لێ بگری..؟!

بژار نێروەی

ئوپزسیون ئانکو کرنا کارەکێ کو لایەنێن دەسھەلاتێ نەکربیت بو خەلکی گەلەک جاران دەسھەلات بریارەکا نە درست ددت و د بەرژەەندیا خەلکی دا نینە کارێ ئوپزسیونێ لفێرە دەردکەفیت و پێتفیە کارەکێ بەروفاژی فێ چەندێ بکەت کو د بەرژوەندیا جفاکی دا بیت ب گشتی نە بتنێ بو تەخا ئوپزسوینێ، ……….. دەسھەلاتێن نە راست و گەندەل ھەمی دەما دێ دەستەیەک دروست بیت لدژی بریارێن وان لایەنێنن ددەسھەلاتێ دا چونکە وان دفێت خزمەت بھێتەکرن بو خەلکی ژبەرکو د ھەژینە، بەلێ ئاریشا مەزن لفێرە ئوپزسیون دژی بریارێن شاشێت پارتی و ئێکەتی نینە بەلکی دژی وان بخویە ئەفەژی کارێ ئوپزسیونێ نینە و نە رەوشتێ وی زارافێ جوانە، ھەرێم خودان ئوپزسیونەکا راست و دروست نینە، ئەگەر پسیار بکەی بوچی گوران دەمێ ھاتی خەلکی باوەر ژێکر رێژەکا زورا دەنگا ئینا تا ساخیا نەوشێروانی تا رادەکێ باش کارێ خوکر وەک لایەنەکێ ئوپزسیونێ، بەلێ ھێدی ھێدی ھاتە گوھرین ژبەرکو لشینا دژی بریاران بن بونە دژی پارتی ئێکەتی، لەوما ئەو ژی ژنافچو و ئەفە راستیە ھەر لایەنەکێ نوکە دروست ببیت بو دژایەتیا پارتێن دەسھەلاتدار دێ ژناف چیت و لاواز بیت، ئوپزسیونێ چ زاراف نینن بنافێ دژایەتیا تە بەلکی دفێت دژایەتیا بریارابیت ژبەرھندێ ھندی دژایەتیا وان لایەنا بھێتەکرن چ تشتەک باش دروست نابیت بەلێ دەمێ لاپەرێ دژایەتیێ دھێتەگوھرین و لاپەرێ ھەفرکیێ دھێتەفەکرن دێ گورنکاریێن گەلەک مەزن دروست بن کو دبەرژەوندیا ھەمی جفاکی دا بن، …………….. سەر فێ شکەستنا ئوپزسیونێ کو راستیەکا نەفەشارتیە، بەلێ پا تشتێ سەیر سیاسەت مەدار ھەنە و خەلک ھەیە دبێژیت یەکگرتو و گوران و کومەل نەوەی نوێ خراپترن ژ پارتێن دەسھەڵاتدار مەبەست (پارتی و ئێکەتیە) ددمەکێ دایە ھیچ جارەکێ پارتێن دی نەبوینە خودان دەسھەلات ژ ئەگەرێ لاوزایا عەقلێ ھزرکرنێ دبێژن: پا ئەو کیبون چوینە دەسھەلاتێ دا و دەمێ دزانن ھەلبژارتنن شنی خو فەدکێشن.! دەست پێکێ بەژداریکرن د حکومەتێدا مەرەم ئەو نینە کو خلاس ئێدی یەکگرتو کومەل نەوەی نوێ ھەمان دەسھەلاتا پارتی و ئێکەتی ھەیە،ژبەرکو ئەو دو ھێزە خودان ھێزن و ھێزەکا مەزن ھەیە ھەردوک پارتان، ھەر لایەنەک دێ پشکداری حکومەتێ بیت ژبو بجھ ئینانا کارنامێ خو، بەلێ ئەگەر بجھ نەئینا وی دەمی مافێ خوفەکێشانێ ھەیە روژەک مابیت بو دەنگ دانێ یان ژی چار سال مابن، ئەگەر پشکدارنەبن ئەرێ چاوا دێ ئوپزسیون دروست بیت..! لەوما رەخنەیا خو بگوھرە بو دەسھەلاتێ و ھەردو پارتێن دیار (پارتی ئێکەتی)، دروستکرنا حەشدا شەعبی برینا موچەی و بودجەی برینا شایستە داریێن پێشمەرگەی کێمکرنا موچێ کێم ئەنداما کو بتنێ١٥٠ھزارن برینا دەرمالەیێن فەرمانبەران زێدەبونا چەکی دبازاریدا زێدەبونا ھەژاران دەست درێژیێت تورکیا بو سەر ھەرێمێ و شەھیدکرنا ھەولاتیێن مەدەنی نەمانا کاری رەفینا گەنجا بو ئەوروپا گرتنا کەسێن نەرازی خرابیا سیستەمێ پەروەردێ خرابیا رەوشا کارەبێ نەدانا بەرمیلەکێ گازێ ب ھاولاتیان دماوێ شەش سالان دا نەبونا پەیوەندیێن بھێز دگەل دەولەتێن جیران،ئەفە ھەمی پارتی و ئێکەتی بەرپرسن و ئەو ئەگرن…! خودانێت فێ ھزرێ ئەون یێن خو ددانن بێلایەن لێ ژبەرکو مڕوفێن ترسنوکن وبتنێ لپشت کیبوردا وێرەکن مەجبورە فێ بێژیت چونکی ئەو دزانیت ل دوماھیێ دێ ھەر خەڵک بریارێ دەت و خەلکی ژی دنیاسیت و پێدەنگە لەوما دچیتە بەرەیێ دەسھەلاتێ داکو بھێتە پاراستن، ئەرێ ئوپزسیونێ چکریە ژبلی کو ھەر نینە مروفەک نەی چاوا دھێتە دادگەھکرن….!

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close