پارت وسەرۆك ژهەســــتا نەتەوەيی پيرۆزترن!
تارق حسو
من دڤيا لگەل مێشکێ خوە دانوستاندنێ بکەم، ئەرێ راستە!! ئەڤ دەردا سەريا مللەتێ مە يا بسەدێن ساڵە لدۆرمە دزڤڕت ژئەگەرێ بهێزبون وئاقلمەنديا دوژمنێن مەيێن هارا، وهەردەما دخوازن مە ژناڤببەن وەکو نەتەوا، هزرێ دکێشن ودبەن بەر پلانێن خۆيێن گەڤناشۆپ مە پێ دخاپينن ، وەکو دەرئەنجام ئەز گەهشتم چەند بەرسڤان ئەوێن دسەرێ من دا مەخل هاتين ژمێژدا، وخوە ڤە جنقاندن وهاتن پێش، چێدبت گەلەك مەلاق ودهۆلقوتێن پارتێن سياسی ل کوردستانێ ئەڤێ ژمن قەبوولنەکەن وەکو رەخنە، لێ دباوەريا مندا ئەڤ ماف وئەرك ومەسلەکێ وان يێ رۆژانە يا ، دڤێت بەرەڤانيێ ژپارت وبەرژەوەنديێن خۆبکەن وئەگەر نەکەن دێ دەستکەڤتيێن وان ژدەست چن ئەوێن لسەر خوينا جانگۆری وخۆليسەريا ڤی مللەتی بدەستڤەئيناندين.
گازندا من ژبۆ هەموو پارتێن کوردستانيە بێ جياوازی. وەکو دناڤ ديرۆکا مەدا هاتی وبلا ئەم شەرمێ ژديرۆکا خوە نەکەين، هەر هەموو تەڤگەروياخيبونێن مە کوردان بدرێژايا ديرۆکێ ددەستێن شێخ و مەڵا، پير، سەيد، بەگ وئاغاندا بوينا، ژبەرهندێ هەر گاڤە دوژمن ونەحەسێن مە کوردان ڤيابا دا نێجيرە خوە مسۆگەر ئەنجامدەن، چونکی ئەڤێن من ئيناندين زمان هەردەم هەوڵدايە بەرژەوەنديا خوە يا تاکەکەسی ومالباتی بسەپينن وموکمتر لێبکەن ودا پترزاڵبن لسەرگەلێ خوە، جهێ داخێيە رێبەرێن مە هزرەك بەرفرە‌هـ د نەتەوەو هەبوونا خۆدا نەکريە، وهەردەم تورك وعەرەب وفارسان بکارئينانديا ژبۆمەرەمێن خوە وژناڤبرنا کۆکا کوردەواريێ وبهەر رەنگەکی وان ڤيايی، وەکا رەوشە ئيرۆ ئەم لبەر چاڤ دبينين، لێ ئەگەر مە شاشيێن دوهی گۆتبانە وکۆروسمينار مە لسەر گێراند بانە، لێ ئەز دوێ باوەرێدابوم ئيرۆ حالێ مە نە بڤی رەنگی بوو، من نەڤێت ئەز باسبکەم چونکو هەرتشت لبەرچاڤە، وئەم دبينت کا چاوا پارتێن کوردستانێ جودا جودا رێزدبن ژبۆ بەرژەونديێن خوەيێن تايبەت ديداران گرێددەن لگەل حکومەتا بەغدا، ئەرێ ما ئەڤ نە خۆليسەريا مە يا !! وەرە ژڤێ خۆليسەريێ ڤەبە بەرێ خوە بدێ پارتيەك کوردستانی مريدا تورکا نە، يادن يا پاسدارێن ئيرانێ يە، ژخوە من نەڤێت ئەز بەحسێ ئەخوانچيا بکەم هەرئەو ب ڕەهـوريشالڤە خزمەتکارێن قەتەر وعەرەبيا ســعوديێ نە، مخابن!! پشتی ســـــيهــ ساڵان پاریێن کوردستانی بگەهن ڤێ رازيبوونێ ومللەتێ خوە بخاپينن، هەروەسە هەتكبرن وبەهايێ خوە شکاندنێ لجەم دزيکەرو کرێگرتيێن دەستهەڵاتا بەغدايێ، ئەرێ چما؟ وبۆچ ؟ سەدەم چيبوون ئەم کەڤتين ڤێ خۆليسەريێ؟ جهێ پسيارێنە، دبۆجونا من دا ڤەدگەرێت بۆ لاوازبونا هەستا نەتەوەيی لجەم گەلەك کەسێن خۆدانێن شولەژێ لناڤ دەستهەڵاتا کوردی دا وئەو کورد پەروەرێن پشتی ساڵێن نۆ‌تان، ئەوێن هەر نەدزانی کوردينی چييە! دگۆتنا پێشمەرگەها تێکدەر”مخرب”، حەيف!!! ئەڤان توخمێ مرۆڤان بزانابوون خەلکێ مە فێری پەروەردا کويلە وخوە پەرستنێ کرن ژبۆ سەرۆك وپارت وئايديۆجيا جودا، گرێدانەك ڤالە پەيداکر لناڤ بەينا هاوڵاتيان وهەستا نەتەوەبونێ وگرێدانا ئاخێ،،،، ئەرێ ل کيش وەڵاتێن جيهانێ هەيە؟ سەرۆك وپارت وئايديۆلوجيا وێ حزبێ پيرۆزتربت ژئاخ و نەتەوەو ئاڵاو کلتورێ وێ، پشتی سەد ساڵی ژ شەرێ جەکداری ومالوێرانيێ، ئەگەرمللەتێ کورد نەبەت. لداويێ دبێژم ئەرێ نفشێ داهاتی دێ بۆمە چ بێژت؟
تارقێ حەســـۆ ،،، بەرلين
07.02.2021
