كوردستانینێرین

ئەفغانستان کرنا کوردستانێ

بەشیر عەلی

دناڤا ئاینێ پیروزێ ئیسلامێ وەکو حەدیس و ئایەت ب ڕێژەیەکا باش گرنگی ب تێرامان و هزرێ و تێگە و رەفتارێ دایە ، کو دشیاندایە کونفرانس و پەنەل لسەر هاتبانە ئەنجامدان کو ژبو هەمیان بسەلمینن هێزا ئیسلامێ یا د مروڤ دوستیێ و هزرێ دا نەک د روخساریدا . ئەگەر ژراست هەوە بڤێت ئیسلامێ سەربێخن بەرامبەر هێزێن هەڤرک ێن ئیسلامی ، هنگ نەشێن ب دەرسوکێ و ئستیغلالا زوعفا ژنێ منافسا وان بکەن و کومەلگەهی بەرەف مودێرنیەتێ و جیهانگێریێ ببەن و موسلمانان بکەنە بەشەک ژڤێ پێشکەفتن و جیهانگێریا هەی وئیسلامێ ژڤێ گوشەگیری یا ئابوری و هونەری و فەلسەفی و زانستی و سیاسی … رزگاربکەن کە ئەس دلنیامە ئەڤە هەمی نەدگرنگن بو هەوە .

Kan vara en bild av 29 personer, sjalett och text där det står ”Alforat News”

ژنیڤا دلێ خو مە دخواست هەوە ئیڤێنتەک ئەنجامدابا کو هەر چ کچەکا بالاپوشە و خودان مەوهیبەیە و خزمەتەک یان پروژەیەک یان داهێنانەک پێشکێشی کومەلگەهی کریە شیانێن خو بو هەمیان دەرخستبان ، و بلا هەمی د بالا پوشبان وی دەمی دا زیاتر خزمەتا سومعەتێ بالاپوشیێ کەن کو ل بەرەیێ دژە ئیسلامی بالاپوشی ب رەجعیەت و تەخەلوف دهێتە پێشاندان و هنگ بڤی رەنگی دا رەدا وان کەن ودا شێن ب عەقلانە و سەرنجا دوست و نەیارێن ئیسلامێ بو خو و ئیسلامێ رابکێشن . هنگ باش دزانن ئەف ڤیستەڤالە دێ کومەلگەهی دابەش کەت بسەر دوو بەرەیان ،دێ بەرەیەک دژ راوەستیت ئەو بەرەیێ باوەری ب ئیسلاما لیبرال هەی و دژی بنپێکرنا ئازادیا تاکەکەس و ب ئاین کرنا کومەلگەهی خەباتێ دکەت ، بەرەیێ دیتر بەرەیێ ب هەست و سوز ئاین وەرگرتی و تە مەبەست بیت ب ئاسانی ڤی بەرەیێ هەست و سوز بو لایێ خو ب راکێشی ئەوا دەرسوک باشترین تشتە دناڤا هەمی جوانیێن ئیسلامێ تو بهەلبژێری و ڤیستەڤالێ بو ئەنجامبدەی ،راستی هزرەکا عەبقەریە !! وەکە مانورەکا ئایدولوژی دهێتە بەرچاڤ بو دەرخستنا هێزاخو یا ئایدولوژی نەک یا ئاینداریەکا ئاکاری دڤیابا کومەلگە بگشتی و هەردوو بەرەێن مە ئاماژە بوو کری پێکڤە خەباتێ بکەن هاوسەنگی بهێتە پاراستن ،نەک وەکو بەشەک ژ ئەوروپا ئازادیێ سنور نەمینن و شیرازا کومەلگەهی ژنافبچیت و خێزان نەمینیت و تاک سەرگەردان ببیت ، نەژی کومەلگە ببیتە بەنگلادش و ئەفغانستان و یەمەن و تاکی بەرەف توندرەویێ ببەین ،چونکە فکرا ڤان جورە ڤیستەڤالا ژ ڤان ولاتان هاوردە بیە کوردستانێ .

Bildresultat för یەکگرتووی ئیسلامی کوردستان

ئەگەر دیقەت بدەی پرانیا کچە مودێلێن هەرێما کوردستانێ ل روژهەلاتێ کوردستانێ هاتینە ،کو ژ هوکارێ ژینگەهەکا گرتی یا ئیسلاما سیاسی یا ئیرانی ئازادی بەرتەسک کریە ،دەمێ دهێنە هەرێما کوردستانێ و ژینگەها ئازادا هەرێمێ دبینن بەشەک ژوان ئوتوماتیکی بەرهەلا دبن چونکە پێشتر هاتینە تەپەسەر کرن ، و ژلایەک دیتر دەربارەی ڤێ ڤیستەڤالێ دیقەت بدە ئەڤ کچێن پشکدار ێن ڤێ ڤیستەڤالێ پرانیا وان ل ژێر تەمەنێ ۱۸ سالیێ دانە و شیانێن هزرکرنێ و تەجروبەیا کومەلایەتی نینە ل دەرڤە کا ئایە زەلامێ کورد یێ درندەیە یان نە دێ تەحەرشا وێ کەت یان نە ؟ گرنگ ئەوە ئەم ببێژین کا ل کیش ژینگەهێ ڤان کچان بریار دایە ،ل ژینگەهەکا لیبرال و ئازاد یان ل ژینگەهەکا هەتا سەر هێسکی عورف و عەدەت و عەشایریێ کونترول دروست کریە لسەر ژیانا تاکی ؟بێگومان ل کومەلگەهەکی دا بریاردایە کو بریار بریارا کومەلگەهیە و ئازادی و کەرامەتا مروڤی چ بها نیە ! ئەگەر ئەس لتە بپرسم چەند کچ تە دیتینە ل خێزانێن خودان سومعە ، کە خێزان شیایە عەقل و کەسایەتیا کچاخو جوان پەروەردە بکەن و گرنگی ب ژێر دەرسوکێ دایە ،دێ بینی کچێن وان کچێن خودان کەسایەتی نە و کەس نەشیایە سەرداببەت ،نەک وەک بەشەک ژوان خێزانێن ژێر دەرسوک ئیهمال کری و گرنگی ب روخساری دایە و شیان و هێز و عەقلێ پەروەردەکرنا کچێ ڤێ نینە دێ رابیت کچاخو گوشەگیرکەت ،دێ بینی بەشەک ژوان کچان دەرسوکا وان نەشیایە وان بپارێزیت و دەمێ دەرفەت بو چێدبیت بداخڤە تەقسیریێ ناکەت و ژێر بژێر تولەێن ئازادیا خو ژ نامیسا خو ڤەدکەت . بویە وەکو شێرزاد حەسەن دبێژیت دەمێ تو کچێ دکەیە دناڤاچوار دیواراندا تو بتنێ جەستەیێ وێ زیندان دکەی بەلێ خەیالاوێ یا ئازادە ئەو خەیال دێ چیت و پیس بیت بتایبەتیژی لسەر دەمێ تەکنولوجیا و سوشیال میدیایێ . یا گرنگە هەمی لایەک هەول بدەت ،ئیسلامێ ژ چەنگێ عەشیرەتێ و عورف و عەدەتان رزگار بکەن نەک توختر بکەن و تەکەزێ لسەر وان لایەنێن هەڤبەش ێن دناڤبەرا عەشیرەتێ و ئاینی بکەن بو خورتکرنا پەیوەندیا عەشیرەتێ و پاوانخوازیاوێ لسەر ئاینی چونکە ئارمانجا ئیسلامێ رزگارکرنا کومەلگەهی بوو ژ بەدەویەتێ و عەشایری و توراسێ پاشکەفتی .

Bildresultat för الکورد السلفیین

پێغەمبەرێ ئیسلامێ سلاڤ لسەر بن بنەچاری ژبەر عەقلیەتا پاشکەفتی یا بیابانا عەرەبی و توراسێ بیابانێ و ب رێژەیەکا بەرچاف ئیستیغلالا لاوازیا ژنێ تێدا هاتیەکرن کو بەری ئیسلام بهێت ژن زورا تەپەسەر بو ،بویە ئیسلام نەشیایە د چواردە سالاندا و ب ئێک دەعوە زەلامی ژوێ خوشی و لەزەتا ل ژنێ ددیتی پاشگەز بکەت ،بویە ئیسلام وەکو پروژەیەک ئاینی و سیاسی و کومەلایەتی نەچارە دبلوماسیەتێ بکاربهینیت و ب پێنگاڤ پێنگاڤ مروڤایەتیێ رزگار بکەت ژ نەفامیێ و بنەچاری بەشەک ژ دەعوا ئیسلامێ کەفتە دخزمەتا زەلامی دا ل سەر حسابا ژنێ ل وان کەنیزەک و سەبایا و ۷۲ حوری و هەر حوریەک ب ۷۲ شێوازان هەمی ژبو خزمەتا سکسی و خوشیا زەلامی بەلێ ئافرەتێ بو نەبیت جلکەکی بدلێ خو بکەتێ یان پرچاخو دەربێخیت !؟؟ بدیتنامن یا متەوازع ئەگەر محمد پێغەمبەر سلاڤ لسەر بن یێ ساخبا و کومەلگە بڤی رەنگان دیتبان کو ئەو جەهل و نەفامیا پێشتر نەمایە دا هاوسەنگیێ ئێخیتە دناڤبەرا ژن و زەلامی و روخسار بابەتەک گرنگ نەدبوو وڤیابا هنگ ل پێغەمبەری سلاڤ لسەر بن و پەیاماوی و دبلوماسیەتا وی گەهشتبان افلا یتدبرون ،افلا یتفکرون ،افلا تعقلون

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close