كوردستانینێرین

ڤەگەریانەک بو دیروکێ و دیتنەک بو پاشەرەوژا کوردان

ئازاد بارانی

ل سالێت حەفتێیان دا و پشتی سەر هلدانا بزاڤێن ئیسلامی د ناڤا ولاتێن ایران و ئەفغانستانێ دا وەچەرخانەک هزری مەزن رویدا ڤان هەردوو ولاتان ب گەلەک ئاوایان گهورین بخوڤە دیتن. دەسپێکا ڤێ گهورینێ ژی ب دەرسوکەکا سادە یانژی بێژین راپیچێ دەسپێکر تا کو گەهشتیە وی ئاستی کو ژن و کچێن کو ئەفسەرێن فروکەوانی بون دسالێن حەفتێیان دا مینا وان کچو ژنان دسالێن هەڤ چەرخ دا بونە سوارێت عەرەبانێت بەرییا هزاران سالان.

Kan vara en bild av text

ترس ژ راپێچەکێ نینە کو پرچا وان داپوشیت جل سیمایێ نەتەوەیان و کەلتورێن وان نیشان ددەن و بمە ددەن نیاسین ئەز نە دژبەرێ راپێچەێ مە ژبەر کو ئەز نزانم ب چ ئاوا دژبەریا قماشەکی بکەم ترس ژوێ یەکێ یە لژێریا ڤی قماشی دشداشەکێ نەتەوەکا دی هەیە و کەلتورەکێ دی ددەت خویاکرن.

ترس نە باوەریا کچەکێ یە بخودایەکی یان نڤێژەکە، ترس سیما و پەیامێن وێ راپێچێ نە وەک دەسپێک پێنگاڤ ئەڤا ئیرو لکوردستانێ رووددەت خو دبارەکرنا دیروکا ئیران و ئەفغانستانێ یە کو بەریا سیهـ سالان ژوان کچو ژنان ئەفسەر و زانا و ماموستایێن لێهاتی هەبون خەونێن وان ژ ئارمانجێن سکس مەزنتر بون پێنگاڤێن وان ژ خو ریتکرنێ دوور تر بون ئەوان دخاست داهێنانێ بکەن ناڤێن وان د مالپەرێن زانستی و هزری دا ل جیهان و ولاتێن وان دا ببیتە مانشێت و ببنە شانازێن ولاتێن خو هزرێن وان ددوور بون ژوێ یەکێ مەزنترین ئارمانجا وان هەڤژینی بیت بێگومان یا خویایە ژ بەر چ مەزنترین ئارمانجا وان دبیتە هەڤژینی.

Kan vara en bild av 4 personer, personer som står och utomhus

ئەم ناخازین زێدە لسەر لایەنێن سکسی یان رونتر ببێژم لایەنێن رەوشتی براوەستم لێ بکورتی ئەڤە لایەنە مەترسیا وی کێمتر نینە ژ لایەنێن دی ژبەر کو لگور زانستی ژی مێشک دەما زێدەی مژیی لایەنێن سکسی دبیت ئێدی دزڤریت وەکو مروڤەکێ دەسپێکێ و بتنێ مێشکێ وی لسەر تێرکرنا حەزان دفکریت. میناکێن ساخ ژی هەر ئەو دوو ولاتەنە کو هەر کەس هایداری ئاستێ هزرکرنا مێشکێ ڤان دوو وەلاتانە و هەر کەس ژی هایداری ئاستێ نزمێ رەوشەنبیریا سکسی نە دڤان ولاتان دا ئەرێ بەس نینە ئەڤ ولاتە پشتی بزاڤێن ئیسلامی ل رێزێن ئێکێ دهێنە هژمارتن د لایەنێن دەست درێژیا سکسی دا بو سەر ژن و کچان.

پاشەرووژا کوردستانێ نە دوورە ژ میناکێن ئەڤرو یێن ئەڤغانستان و ئیرانێ ئەڤە پێنگاڤێن دەسپێکی نە بو ژناڤ برنا هێز و شیان و خەونێن کچو ژنێن کوردستانێ و دهەما هەمان دەمژی دا ئەڤە کارتێکرنەکا راستەو خو دێ ل کور و زەلامێن کوردستانێ ژی کەت لداویێ ئەم دێ ڤەگەرین بو بەریا هزار سالان و دێ ئامرازێن مەیێن هەرە پێش کەفتی بنە مینا وێ عەربانا سێ ژن لپشت سوار بوین .

\پرسەک د مێشکێ من دا هەر خو دووبارە دکەت ئەرێ ئەوا ئیرو لکوردستانێ رودای و چەندین کچان راپێچ لبەرخو کری ل ژێر سیبەرا هزرا چەند مەلا و بانگ خازێن ئیسلامێ و چەند احزابێن سیاسی یێن ئیسلامی ئەرێ ئەو شانازیێ بوێ یەکێ دکەن کو ئەو کچ راپێچێ لبەر خو دکەن ئەگەر ئەم لوان کچان بنێرین یێن دوێ هولێ دا راپێچ لبەر خو کری یا ژهەمیان مەستر ئەم نا بینین ژیێ وێ ژ هەژدە سالیێ دبوریت .ئەڤەژی نە شانازیە کو تو زاروکان یان سنێلیەن ب گوتنێن خو یان پەیامێن خو بگەهینیە ڤی ئەنجامی لوی چاخی شانازیێ بخو بکە دەما کو تو للایەکی پەرتوکەکا زانستی مینا پەرتوکێن گەردونی کو بەحسا ستێر و گالاکسی و ئەختەران دکەن و پەرتوکا قورعانێ بدانیە بەر سنگێ وی و بەراوردیەکێ دناڤ بەرا چەوانیا درستبونا ستێرەکێ دکەت لگوری زانستی و لگوری قورعانێ مینا ئایەتا پێنجێ ژ صورةتا الملك دەما دبێژیت…. وَلَقَدْ زَيَّنَّا السَّمَاءَ الدُّنْيَا بِمَصَابِيحَ وَجَعَلْنَاهَا رُجُومًا لِّلشَّيَاطِينِ ۖ وَأَعْتَدْنَا لَهُمْ عَذَابَ السَّعِيرِ ..ئانکو مە ئەسمانێ دنیایێ خەملاند ب چرایان یانژی گلوپێن روناهیێ و مە ئەو کرنە ئالاڤەک بو رەجمکرنا شەیتانا ل ئەسمانا دا عەزابێ بخون.

ئەگەر وە بڤی ئاوای هەلبژارتن دابانە بەر سنگێ وان و وە هەلبژارتن دابا وان وی چاخی دەما کو وان قورعان دهەلبژارت وی چاخی هین دکارین شانازیێ بخو ببەن و ببێژن ئەم پێنگاڤەکێ بەرەڤ پێشکەتن و ئازادی و رەوشتێ جوان ڤە چوین.لێ یا سەیر ئەوێن کو بریار دای راپێچێ لخو بکەن هەمی زاروک و سنێلە نە .یا خویا یە کو ئەو زاروکو سنێلە لژێر فەرمان یان داخازیێن خێزان و ماموستایێن ئاینی و جڤاکێ ئیسلامی بگشتی کەتینە ژێر بارێ وێ راپێ چێ دا .

زارویەک جوان دناڤا وێ کونگرێ دا دبێژیت ئەڤ تاجە تاجا خەدیجە و حەفسە و عائیشایێ یە ئەز پێ شانازم .ئەو زاروک بێ ئاگەهە ژ زاروکاتیا عائیشایێ کو ل ژیێ شەش سالیێ بویە خودان مێر و ل نەهسالیێ هاتیە ڤەگوهاستن و بێ ئاگەهە ژبەرکو عومەری پشنیار بو پێغەمبەرێ ئیسلامێ پشنیارکر بو ژنێن پێغەمبەری و هەڤاێن وی راپێچێ لبەر بکەن دا هەمی بزانن ئەڤە ژنێن سەرکردانە و کەس نەوێریت نێزیک ببیت نە ژبەرکو شەهوەتا زەلامی ناهێلیت .ئەو کچ یا بێ ئاگەهـ بو ژوێ یەکێ خەدیجە نە ژ نەوەیێ راپێچێ بو چنکو راپێچ پشتی مرنا خەدیجایێ ببو فەرمان .

ئەو کچ یا بێ ئاگەهـ بو کو حەفسا کچا نێزیکترین هەڤالێ وی بو ئەوژی عومەرێ کورێ خەتابی هەر وەسا عئیشەژی کچا نێزیکترین هەڤالێ وی بو کو دبیتە شینا مامێ وان .ئەو کچ یا بێ گونەهە ژ کریارێن وە و کریارێن پێغەمبەرێ ئیسلامێ ئەگەر ئەو کچ بزانیت حەفسا و عائیشا وەکی برازایێت پێغەمبەری بون چجار شانازی ب وێ تاجێ نەدبر .لێ ئەڤە ئەنجامێ مەلا و شێخ و احزابێن سیاسی نە .لداویێ دیتنا من بو پاشەروژا کوردستانێ و کوردان لژێر سیبەرا احزابێن ئیسلامێ میناکەکا نویە ژ ئەڤغانستان و ئیرانێ .

کو ژ ئالیێ ئارامی و ئاسایێشێ ڤە د نالن مەترسی لسەر هەمی ژن و کچێن ڤان ولاتان هەیە ژبەر دەست درێژیا سکسی و فکرا هوڤانەیا ئیسلامی و ژ ئالیێ پشکەتنێ ژی ڤە روژ بو روژێ د پاشکەتن و تەخەلفێ دا دخەندقن


ئازاد بارانی

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close