ڤه‌كۆلینكوردستانی

موراد قه‌ریلان (مارێ رەش)

ردوان گولی

موراد قەرەیلان وەکی کەسێ دووێ دناڤ پارتا کارکەرێن کوردستانێ ، رامانا ناڤێ وی بزمانێ تورکی ئانکو مارێ رەش ، موراد قه‌ریلان لسالا 1956 ز ل گوندێ سەقال توتان لده‌ڤه‌را شانلی سه‌ر ب ده‌ڤه‌را ئورفایێ هاتیه‌ سه‌ر دونیایێ ، باپیرێ وی خەلکێ روژئاڤایێ کوردستانێ وژ هوزا بەرازینە ، قوناغا خاندنا سەرەتایی ل باژێرێ سروج خاندیە وناڤنچی ل باژێرێ ئورفایێ بەردەوام بوویە ، وخاندنا زانکویێ ل باژێرێ غازی عنتاب ل زانکویا دیلوک ل کولیژا ئامیرێن کشتوکالی وئالاڤان تەمام کریە ، لدەمێ خاندنا زانکویێ تێکەل بوو دگەل رێکخراوێن خویندکاران یێن چەپێن تورک مینا بزاڤا روژهەلاتا شورەشگێر وپاشی هەڤنیاسیێ دگەل ئێک ژ دامەزرێنەرێن پارتا کارکەرێن کوردستانێ ویێ هەڤپشک بوو دگەل هزرێن وی ، پشتی زانکو خلاس کری هاتە دامەزراندن ل کارگەهەکا حکومی لدەڤەرا سویرک سەر ب باژێڕێ ئورفایێ ، بەلێ فەرمانبەری هێلا وب تەمامی گەهشتە ناڤ رێزێن پارتا کارکەرێن کوردستانێ ودهێتە هژمارتن ئێک ژ سەرکردێن نڤشێ ئێکێ وناڤێ وی یێ حەرەکی (جەمال) بوو ،پشتی کودەتایا خوینەوی لسالا 1981ز قەریلان رادبیت ب ڤەگوهاستنا سازیێن حزبێ بو وەلاتێ سوریێ وپاشی بەرەڤ وەلاتێ لوبنانێ ژ بو مەشقکرنا لەشکەری دناڤ معسکەرێن بزاڤێن فلستینی یێن چەپ ، پشتی چەند هەیڤان دێ زفرن وەلاتێ تورکیا ، وهەر لدەستپێکا سالا 1981ز قەریلان دهێتە روژئاڤایێن کوردستانێ وبەرەڤ وەلاتێ لوبنانێ ژبەر هەمان ئەگەرێ مەشقکرنێ وقەریلان دمینت ل روژئاڤایێ کوردستانێ هەتا سالا 1989ز وچەندین پوست وبەرپرساتی لدەرڤەرێ وەرگرتن هەر وەکی دهێتە گوتن هیچ گوند وباژێر نە مانە ل روژئاڤا قەریلان نە چو بیتێ ژبەر هندێ زور پێزانین لسەر دەڤەرێ هەنە ژ هەمی لایانڤە ، پشتی دوو سالان لدەڤەرێ بریار ژ سەرکرداتیا حزبێ ل چیایێ قەندیلی هاتە دەرئێخستن قەریلان بچیت ئوروپا وەکی نوینەرێ حزبێ لسەر داخازا ئوجەلانی ، خه‌باتا سیاسی لسالا 1979 ز دهێته‌ ناڤ رێزێن سازیێن پارتا کارکه‌رێن کوردستانێ ودناڤ کونگرێ سیێ پارتا کارکه‌رێن کوردستانێ هاته‌ هه‌لبژارتن سه‌رکێشیا رێکخستن وسازیێن پارتا کارکه‌رێن کوردستانێ ل ئوروپا ، لسالا 1992 ز قه‌ریلان دزفریت بو چه‌په‌رێن شه‌ری هه‌مبه‌ری داگیرکه‌رێن کوردستانێ ، ودهێته‌ هژمارتن که‌سێ دووێ دناڤ پارتا کارکه‌رێن کوردستانێ پشتی گرتنا سه‌روک عبدالله‌ ئوجه‌لان ل کینیا ، لسالا 1985 ز قەریلان دبیتە بەرپرسێ خویندکاران لدەڤەرا روژهەلاتا ناڤین ولسالا 1990ز دگەل چەندین هەڤالان بەرەڤ باشورێ کوردستانێ رێکەتن ولسەر رویبارێ دیجلە تووشی هێرشەکا لەشکەرێ تورکی بوون وژمارەکا زور ژ گریلان هاتن کوشتن وقەریلانی بتنێ ب چەکێ بیکەسی شەر دژی تورکان دکر ، ناڤێ قەریلانی ب رونی ئاشکرا بوویە لسالا 1992ز دەمێ سەرکێشیا لەشکەرێ پارتا کرکارێن کوردستانێ کری ولسالا 2004 ز سەرپەرشتیا دوو شەرێن مەزن کر وئەو ژی هاتیە بریندارکرن ولسالا 1996 ز هاتە برینداکرن ل شەرێن بوتان .. ردوان گولی / سوید

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close