کرمانج هاریکی
ــــــــــــــــــــــــــــــ من ب وان تشتێت کو ئەز د ئینمە خارێ مەبەست پێ شلقاندنا گوما گەنی یا عەقلێ کلاسیک و نەگورێ ئیمانی یێ بالا دەست و خودی هەژمونێ دەڤەرێیە. ئەو عەقلێ بویە کابوسەک ترسناکێ درەوا و روحا کەسێ کورد داگیر کری. ئاستێ هزرینی هەر هەمی کونترول و جەمداندی. مروڤ کریە بەنی کوێلە بو پرێنسیپێن دیروکەکا زالم یاهەمی درەو و چغاندی. دیروکەکا ل سەر میتودێن بێ وژدانی و ترساندنێ ئاڤا بوی. دیروکا یێ دی ب میتود تێگەهێن یێدی ئەم دخوینین. ئەم ب ڤان میتودێن هزری تێگەهێن کەڤنار و کارا یێن هشی ب هزرین ! دێ ئەم گەلەك ل کاروانێ مروڤبونا خو د ڤەمای بین. ئەم گەلەکین مێژە وەرە مە خو وندا کری. چمکی ئەم خو د چاڤێت خودا نا خوینین نا بینین مە ب تایبەت کوردا کەسایەتیا خو یا ل سەر دیروکا کەڤنەشوپا توندرەوا رەگەز پەرستی یا یێدی یا ئاڤا کری. لەوما ئەم نەشێین خودانیێ ل کەسایەتیا خو یا خومالی بکەین. لەوا عەقلێ مە یێت دەستێ دوژمن و داگیرکەرێن مە دا. یێ مە ئاراستە دکەن خودان و رێبەریێ ل مە دکەن بیانینە. خو خاندن ل دەڤ مە نەبەسیا نامویە یا حەرامە ژی. لەوما ئەم نەکارینە ب رەنگەکێ پرێنسیپی رێبەریا خو بکەین. مە هەردەم یێ خو د یێ دیدا دێتی. هەردەم یێدی واتە بیانیا رێبەری و سەرکێشیا مە یا روحی یا کری. هەردەم رێبەرێت مە د پێناسە کرنا خو د دیروکێ دا خو ب خو نەدایە ناسین. هەردەم خو یێ کریە یێدی، د جەوهەرێ خودا وێنەیەکێ ئاشپی یێ یێدی یێت خودا دیتی. لەوما کەسایەتیا مە زوی د هێتە کرین و فروتن. من هەول یا دای بو دیتنەڤا سەرەداڤێن ئاڤاکرنا کەسایەتیەکا خومالی یا دور ژ بێگانە پەرستیێ. ئەو کەسایەتی خو خوداوەندەك خودیێ خو ببینیت. هەول یادای بو خو د هندرویێ کەلتورێ خو دا دیتن .خو خواندنەکا ریئالیزمی د کەدوارێ کەسایەتیا خودا خواندن. هەول یا دای دا فەرهەنگا خو یا نەتەوەیی پێناسە بکەین. د هندرویێ وێ فەرهەنگا خو وەکی هەی بناسیت. یا من هەولدانە بو خو ببین خودانێت خو خویاتیا کەلتور و دیروك و داهاتیێ مە ل دەڤ مە یێ پیروز و جهێ شانازیێ بیت. هەولدانە بو پەیداکرنا سەغلەتێن خومالی ل دەڤ گەنجێ کورد یەکسانیا مروڤایەتیا نێر و مێیان د هندروی فەڕهەنگا مروڤ بونا خودا. هەولدانە بوهشیارکرنا مروڤ خو ب مروڤ دیتن. هەولدانە کو مروڤی ل قالبێ عالەما خەیالا ئاشپی و دورە راستی رزگار کرنە. ئەز نە کەسەکێ بەلا کر و تێکدەرم . لێ ئەز ئیبراهیم پێغەمبەرێ ڤی زەمانی خو دبینم. دڤێت وان هەمی سەنەمێن دەست کردیێت هشێ مەدا ئاڤاکری بشکێنم.روحا خو ناسکرنا مروڤبونا مروڤێ کورد بو بزڤرینم. من یێ گوتیە خو سەپێنەرا نە و دێ بێژمە داگیرکەرێن هشێ کوردی نە ئێدی جهێ وە د هندرویێ کەسایەتیا مە داناکەت. من خو یێ ل حوجرە و مزگەفتا فێری خواندنا راستیێ یا کری. مانا من د حوجرە و مزگەفت و هەڤرکیا رێچکێن ئولی ئەز فێری نە و نە ونە یا درەوێن شاخدارێن بازرگانێن دینی کرم. بون و مەزناتیا خودێ ئەز د ژیان و پیروزیا مروڤی دا دبینم. تاکە جهـ بو راوەستانا عەرشێ خودێ دیسان ل دەڤ من هەر هزرا مروڤیە ، لەوما ئەو پیروزی و بالادەستی و مەزناتیا خودێ دڤێت د خزمەتا ژیانا مروڤی ب خو دابیت. تێستامێنتەک من پێ پیروزە یێ هەڤدژ و میزاجی نەبیت. خودان پرێنسیپێت خو یێت عەلمانی سکولاریزمی بێت. ئەڤە دێ بیتە دێربینا خو تێرا دیتنێ ، دێ کەمە تێستامێنتەکێ نوی دا کەسێ کورد خو دناڤدا بخوینیت. نوێنەراتیا وی ل دەڤ جیهانەکا ئەفسانەیی یا ئاشپی بکەت. حەز خودێ و ئول و پیروزیێت ئول د رێیا حەز ژێکرنا خو بکەت.
