كوردستانینێرین

بەهدینی پتر ژ هەموو دیالکتان لبەر گەفێن نەمانێ یە

سەردار هێتوتی

د ڕۆژا جیهانی یا زمانێ زکماکی دا، زمانێ کوردی ب گشتی ل ژێر گەفێن ژ نافچونێیە، زمانەکە ب تنێ ل سەر زارێ خەلکی مایە و زێدە د ناڤەندێن خاندن و ڕێڤەبەریێ دا ناهێتە بکارئینان، زێدەباری سیهـ ساڵێن خۆ ڕێڤەبەریێ و هەبوونا هزاران قوتابخانان و ب دەهان زانینگەهـ و پەیمانگەهان لێ هێشتا وەک پێدڤی ئەڤ زمانە ژ مەترسیان خڵاس نەبویە، چونکی ناڤەندێن بڵند یێن زانینێ هەتا نوکە ژی ل باشوور هندی گرنگی ب زمانێ عەرەبی و ئینگلیزی ددەن دەهـ ژ سەدێ یا وان گرنکی نەدایە زمانێ دایکێ. هەتا نوکە ڤان ب دەهان ناڤەندان نەشیاینە فەرهەنگێن کوردی کوردی دانن، گوتنێن گەڤنارێن کوردی خرڤەبکەن، چیرۆک و چیڤانوکێن کوردان چاپ بکەن، ب تنێ ئەڤ ناڤەندێن ب ناڤ زانینێ یێن ماینە ب هندە پەیڤن ناڤا وان پەرتۆکێن عەرەبی دا یێن کو ب سەقەتی و لەنگی ڤەدگوهێزنە سەر زمانێ کوردی و ساڵانە ب تنێ وان چیرۆکان د گوهێن خوێندکارێن کورددا دقیرینن. هەروەسا دادگەهێن کوردستانێ و ب تایبەت یێن دهۆکێ هەتا نوکە ژی دەهـ پێنگاڤان خۆ ژ کوردی مەزنتر دبینن و ددانن و تا ئەڤڕۆ ژی نڤیسێن وان هەمی ب عەرەبی نە.

دهوک - ویکی‌پدیا، دانشنامهٔ آزاد

ئەڤە ڕەوشا گشت زمانێ کوردیە، لێ هەکە ل دهۆکێ بنێرین و ڕەوشا دیالکتا بەهدینی دانینە بەرچاڤان دێ دیار بیت کو ئێدی چ نەمایە وی کەلەخێ ب ناڤێ بەهدینی لژێر ئاخ بکەین و ل سەر گورا وی پێ بکەنین، چونکی بەهدینی د ڕۆژا خۆ دا زمانێ ئێکەمێ ڤێ دەڤەرێ بویە هوزانڤان و نڤیسەڤانێن بەرێ ب وی زمانی نڤیسیە لێ ئەڤڕۆ سورانی ژ لایەکی و کرمانجیا باکوور ژ لایەکێ دیترڤە دور ل بەهدینی گرتیە و ئێخستیە بەر تایا مرنێ و نڤیسەرێن دەڤەرا بەهدینان ژی یێن د گوهێ گا دا و نەشێن ل هەوارا دیالکتا خۆ بهێن چونکی وان زمانێ خۆ یێ کولانکی و گوند و عەشیرا خۆ ل سەر بەهدینی ئێخستیە، دگەل ڤێ ئێکێ ژی ل ناڤەندێن زانستی یێن دهۆکێ ژی دگەل هەبوونا چەندین زانینگەهـ و پەیمانگەهان هێشتا بەهدینی یا ل دوور ڕاوەستیای و عەرەبی زمانێ ئێکێ یە.

Amediye – Wikipedia
پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close