كوردستانینێرین

13/‎سەرهلدانا باژێرێ دهوک14.3.1991

فەهمی بالای

‎ ‎پشتی لسەرانسەری کوردستانا باشور سەرهلدانا گەل بەرامبە دام و دەزگەهێن رژێما بەعس دەستپێکری بێی جوداهیا ئایدولوژی، مەزهەبی،دەڤەری و مالباتی هەموو وەک یەک مالبات بەر ب یەک ئارمانج دچوون، ئەوژی کوردایەتی و ئازدی بوو. ژ رانیێ و بەر ب هەموو باژێران کراسێ ئازادیێ کرە بەر خو دهوک وەک قوناغا داویێ بو.پشتی ب رێکا هەموو ئێزگێن شورەشێ و بانگا وان بو رابوونا خەلکێ بادینان و دهوکێ. وەک بەرپسیاریەکا دیرۆکی ئەم گرۆپەک رۆژا بەری سەرهلدانێ مە خو ئامادەکر بهەموو لایانڤە بتنێ چەک ددست مەدا نەبوو.هندەک کەسێن دگەل مستەشاران جهێ باوەریێ بوون گوت ئەم دگەل وە پێکڤە ڤی کاری بکەین. لێ دیسان مە گوت دبیت سەرنەگریت.بشەڤ ئەم چووینە دەف مامێ براهیمێ عەلی و مە گوتێ ئەگەر دشیاندا بیت چەکی بدە مە دا دەست بسەرهلدانێ بکەین. وی گوت ناڤێن خوە بنڤێسن و وەرن ئەم گروپەک چووین بسەرپەرشتیا ڤان کەسان “ئەحمەد چەلکی، نەجیب بالایی،فەهمی بالایی، ئەکرەم سەرئەرویی و چەند هەڤالێن دی” پشتی چەک مە وەرگرتی مام برەهیمێ عەلی هندەک شاندن کەلا نزارکێ مەژی گوت ئەم حەز دکەین بچین ئەمنا دهوکێ. لوێرێ بریار دا گوت تەمام ئەم دگەل ئەحمەد چەلکی چووین ژبەر کو ژلایێ لەشکەری و ددەما پێشمەرگاتیێ دا کەسەک نەترس بو پاشی ل نێزیکی ئەمنێ مە کەمال کێستەی ژی دیت دگەل گروپەکێ و خەلکێ دهوکێ گەلەک هاتن دبەردەوامیا شەرێ دناڤبەرا مە و ئەمنێ دا ئەم گەهەشتین نێزیکی دەرێ ئەمنێ ژلایێ بەلدێ هاتین کاک قادر مەجلمەختی لبەر سنگێ مە شەهید بو مە راکر و برە مالا قەیران فەرەجی وان و ئەم ڤەگەراینە ئەمنێ. خەیری بەگ ئەوێ ڤێ داویێ دشەری داعش دا شەهید بوی بریندار بو گەنجەکێ دی یێ تروانشی شەهید بو و ئەم چووینە ناڤا ئاڤاهیێ ئەمنێ ل وێرێ گەلەک ئەفسەرێن ئەمنێ مە گرتن ژبلی دیکومێنتاران. ژبەرکو کارەب نە بو ژور هەمی دتاری بوون ئەم گروپەک چووینە جهێ ئەشکەنجێ و مە ئاگر بەردا پاتا و چووینە زیندانا ژێر ئەرد.کەسێن تێدا هەموو ئازاد بوون ئەم چووینەجهێن تشتێن قەدەغەکری مە چەند پەرتووک دیتن ئێک ژوان دیوانا هوزانڤان ئەبدورەحمان مزوری بو یا ناڤێ (ژ ئەڤینا چرایێن کەڤن).پاشی هێدی هێدی خەلک هاتن و هەموو دەزگەهێن ئەمنێ بتەمامی هاتن رزگارکرن.تشتێ من دیتی گەلەک ئێخسیر کەتن دەستێ مە و هندەک کەسا نەزانی مالێن نێزیکی ئەمنێ کینە هێرش کرە سەر مالا ماموستا شموئیلی کو ماموستایێ مە بو ل خاندنگەها برایەتی و کوردەکێ دلسوز بو مە خودا بەر مالا وی هات و خو دمە وەرکر گوت؛ بەس مە بپارێزن.ل وێرێ ئەم ماین تاکو رەوش ئارام بووی. رۆژا دویێ ئەم بەر ب فەیدیێ چووین ل وێرێ فەرمانگەها لەشکەی شەرەک مەزن دەرکەت و هەلیکوپتر هاتن هنداڤی سەرێ مە و شەر کر.پاشی ژهەموو ئالیانڤە هێرش هاتە کرن و مە رزگار کر.بیرا من دهیت من دەبانجەک،بیکەی سیەک،دێربینەکا شەڤی و شەش کلاشینکوف دگەل خو ئینان. ‎ مام برەهیمی عەلی چەک دا مە ‎ژبەر کو بەری سەرهلدانی کومبوونەک ل پارێزگەها دهوکێ دگەل هەموو دام و دەزگەهێن ئەمنی و بەعسی هاتە کرن .گوت دڤێت سەرهلدان ل دهوکێ نەهێت کرن پرانیا مستەشاران بیدەنگ بوون و هندەکا گوت؛( ئەم دگەل حکومەتێ نە و ناهێلین).لێ مام برەهیمێ عەلی دگەل هێزێن خوە دەرکەت و ئامادەکاریێن سەرهلدانێ کرن. ماجد ئورەیی گەنجەک بوو ل کرێ مالتایێ هاتە شەهیدکرن. بڤی رەنگی هێدی هێدی هەموو جهێن حکومی هاتن رزگارکرن تا چەند رۆژا پشتی وێ سەرکردێن بەرەی مام جەلال و سامی ئەبدورەحمان ژ سوریێ هاتن وسێ رۆژنامەڤان دگەلدا بوون(لیسی شمیدت ئەلمان بوو،سەیفی و مستەفا کوردێن باکور بوون) دگەل پسمامێن من بیستون بەرواری و برایێ وی غازی ئورەیی بوون.مە برنە مال و دەمەکی ل مال مان. پاشی زعیم عەلی و خالد شلی،دکتور کمال کەرکوکی و عەبدالعزیز تەیب و گەلەک کادرێن دییێن وەک زێرەڤان نێروەیی، عەمەر ئورەیی و بەهجەت ئاڤدەل و…هتد. ژی بەشدار بوون دگەل گروپەکا پێشمەرگەیان.هێدی هێدی بو هەڤرکیا پارتیێن بەرەی لسەر بارەگا و سەیارا و هێزێ و دەستهەلاتێ حەتا باندورا خوە لسەر سەنگەرێن شەری کر ئێدی جارەک دی لەشکەری عێراقێ دەست ب هێرشێن ئاسمانی و توپ و لەشکەری کر.خەلک ژباژێری دەرکەت و پێشمەرگەژی تێدا نەما سپێدێ ئەم دەرکەتین نێزیکی بینایەتێ حەفت تەبەقی چوون.مە دیت لەشکەرێێ عێراقێ لوێرێ یە، ئەمژی نەچار بووین ژدهوکی دەربکەین. ئەز و هشیار رێکانی و تارقێ برایێ من .مە دیت مام عەلی شەعبان ئامێدی دگەل هێزەکا پێشمەرگە و کچ و کوران هاتن و گوت نەرەڤن دێ شەری کەین،ل بەرێ بوهار ئەم کەتین ناڤا مینادا مە خو رزگار کر پاشی چەند قەهرەمانێن ئامێدی و نێروەیی و وێ دەڤەرێ شەهید و بریندار بوون.ئێک ژوان بریندارا مام عەلی بخو بوو.بڤی رەنگی ئێدی ئیرادە و هێز بەر بسستیێ چوو تاکو گەهەشتینە سنورێن ترکیا و ئیرانێ

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close