. خەیری شنگالی
پشتی خەبات و خکوکەکا زەھڤ ل سەر خاکێ کوردستانێ، وقوربانیا سەدان ھەزا کوردی بێ گونەھ. ب حێلا زەند و پاسکێت سەرکردە و پێشمەرگەو جەماوەرێ ( ی.ن.ک)ی خەباتکەر. ل ماوەیەکی کورتدە و ل دەرفەتەکە زێڕیندا ، خەلکێ کوردستانێ ب یەک دەنک و یەک گیان ڕاپەڕین و گۆتن ( نە ژ بۆ دیکاتۆر و شۆفینیەتێ… بەلێ بۆ دیمکراسی و دەستھلاتا گەل ). ل پێناڤی ئازادیێ وبانگەوازا ئاشتیێ و تەبایی و برایەتیێ ، مەلایێن مزگەڤتا بانگدان ، قەشەیێن کەنیسە ل ناقۆسێدا ، قەوالێن ئێزدیان ل دەف و شبێبا دان، بابە دەروێش و قەلەندەرا پەر وەستەی ئەزدای میھرەبان بوون . ھەموو کێفخوەشبوون ( ژن و زاڕۆک) ب ھلھلاندنێ ڕەشەکێت بەعس بزداندن. سەرھلدانا پیرۆز ل لاپەڕێت دیرۆکێدە ب زێڕ ھاتە نەخشاندن. نە تشتەکی عەجێب بوو، چونکە بەرھەمێ خوینا شەھیدان بوو. بەھارا ١٩٩١ بەھارەکە کوردی ب نێرگز و چیمەنبوو، ب خێرو خوەشی بوو، لەورا ل سەرەتای ئاداری چریسکا سەرھلدانێ ژ دەرگەھێ ڕاپەڕینێ بەڵاڤبوو . رۆھنایی دایە ھەموو کوردستانێ ب کەرکوکا پیرۆزڤە. سەبارەت ب سەرھلدانێ ، ب دلنیای خودێ ژێ ڕازی مام جەلال ئەندازیارێ سەرھلدەنێ بوو ، خودێ ژێ ڕازی ناوشێروان مستەفا ب پیلانەکە چڕ و پڕ ل مەیدانێ ب جیھئانی. مخابن وی دەمی سەرکردایەتیا پارتی دیموکراتی کوردستان ل ئیران بوون بەھوەری ب شۆڕشێ نەمابوون د گۆتن ( ب ئاگر نەلەییزن ). ب بوونا (٣٠ )سالیا سەرھلدانێ مە پێ باشە ل پەنجەرەکە گوندەکی وێرانکری ئەنڤالێ تەماشەی شێرە کۆڕێت شۆڕشا نوێ ی ( ی.ن.ک) بکەن . ل زۆژا ٩ ی ئادارێ ١٩٩١ ژ دیانا خودێ ژێ ڕازی کاک ناوشێروان نامەیەک ئەراستەی شێری بادینان شەھید ( عەلی سلێمان کوخی)کر. ل ١١ ی ئادارێ عەلی کوخی ب ھێزا خوەڤە ناحیا مرێبا و قەسرۆک و ئەترۆش ڕزگار کرن ل١٢ ئادارێ سەنتەرێ قەزا شێخان و لالش و دۆر و بەر ھاتنە ڕزگار کرن . ل ١٣ ی ئەداری کیس قەلعە و نەوران ھەتا ب شەلالات ب دەستێ شێرە کوڕێت بادینان ھێزا شێخان ھاتە ڕزگارکرن. ل ڕۆژا ١٤ ی ئادارێ ١٩٩١ دھۆکا داسنیا ھاتە ئازادکرن ، بووتە ڕۆژا سەرھلدانا بادینان. وی دەمی سێ جوامێرا بادینان پاڤژکرن ب سەرپەرشتیا ( ی.ن.ک) و فەرماندەیا ھەر یەک ژ عەلی سلێمان کۆخی و عەلی شەعبان ئامێدی و سادق عومەر سالح سندی.بەلێ مخابن ب دەستێ چەپەلی پاراستنێ ھاتنە شەھیدکرن. کۆی گشتیێ شەھیدێت سەرھلدانێ (١٤) شەھیدبوون ، (٩) ژی سەر ب ( ی.ن.گ)بوون ئەڤێت خوارن : ١) حەسەن سەليم حامد نیروەی ٢) حاجی ئحمەد نێرەی. ٣) جومعە مەحەمەد ئەحمەد بەرواری. ٤) خالد چاڤشين بەرواری ٥) هەمزە ئەحمەد عەلی. ٦) سالم حاجی طوبيان ئێزدی. ٧) غەزالی عەلی ئوسۆ ناسناڤـ(كاروان) ٨) فەرهاد بادی. ٩) عبدوالرەحمان مەحەمەد عەلی . ھەزار سلاڤ ل کێانێ پاکێ وەبێت و شەھیدێن کورد و کوردستانێ.ڕووڕەشی ژ بۆ خاینان
