پیر بێجان
سەر هلدان و بەرخوەدانا تەڤی مللەتان ژبو ئازادی و ژیانەکا ئارام و هەبونەک خوییە . بیگومان کارەکی گەلەکێ بترسە بتایبەت نەیارێن مروڤی هوڤێن مینا رژێما بەعسا گور بگوربیت . لێ دەمێ مەسەلێن نەتەوی و نیشتیمانی دکەڤن هولێ مروڤ چو پێشهاتا لبەر چاڤ ناگرت حەتا مرن ژی مروڤی ناراوستینیت مروڤ یێ ئامادەیە ژبو ئازادی و بدەست ئینانا مافێن خوەی رەوا و هەبونەکا خوەسەری و خویی هەر قوربانیەکێ بدست . لسالا مللەتێ کورد ب ئیرادەیەکا مەزن و بهیز سەر هلدان کر و خوین و بهایەکی مەزن دان بو بدەست ئینانا هەبونەکا خویی و ژیانەکا ئازاد و بسەر کەفتن فتێن و بون خودان هەبونەکا خویی و خوەسەر . مللەت لهیڤێ بو سیستەمەکا عادلانە ژیان تێدا ئارام و ئەزمان تێدا ئازاد جیگر ببت و لەشکەرەکی ملی ونیشتیمانی بێت پێک ئینان بو پاراستنا دەست کەفت و هەبونێن نەتەوی ژیانا خەلکێ بگشتی . لێ ب مخابنیڤە ئەنجام بەرو ڤاژی دەرکەفتن . دەستهەلات کەفت دەستێ هندەک کەسێن کلاسیکی ، بتایبەت دو حزبێن سەرەکی و هەر بەرپرسەک لجهێ خوە بون حکومەتێن سەربخوە و چەوا ڤیان سروەت و سامانێ بن ئەردو سەر ئەردێ گشتی دابرین و دزین و تالانکرن و گوهێن خوە ژ گازندە و هەوارێن خەلکی گرتن گولێ نەبن و چاڤێن خوە نقاندن کەسێ نەبینن و هەمی پرانسیفێن مروڤی و ملی و نیشتیمانی و نەتەوی بن پێکرن ،هزرێن ئازاد خەتماندن و هەرهلدان و خەبات و خوین دانا هندە سالاو ئێشو ئازارێن مللەتی ژبیر کرن بهزارا کیلو مێتر ژ خەلکێ خوە دور کەفتن و کار گەهاند ئاستەکی هندەی کرێت و ناشرین خەلک ژبزاڤ و خەباتێن کرین پەشێمان ببن و دەم هندە کرێت کرن باوەرا لناڤ بەرا خوە و خەلکی دانە کوستن و خەلک هندە ژخوە بێزار کرن کو هەرروژ دەستێن وان دسەر ئەڤرازن ژبو دوماهی هاتن ب سیستەم و دەستهەلاتەکا هوسای خویی . ژ هەمێ گران ترو بترستر ئەوە ئا ئەڤرو لباشور دروژەڤێدا تێت دیتن . سەردەمێ حزبا بەعس نە ئیران و نە تورکیاو نە چو هزرێن جودا ژ حزبا بەعس د عێراقێدا نەبون بو روبەرو بونا هێزێن کوردی و داگیر کرنا ئاخا وان . هەبی و نەبی حکومەتەک و نیزامەک بون . بەعس . ئەوژی ئەم فێرببوین جەوان روبەرو ببین و هاتن و هێریشێن وان تێک بشکێنین و بێخین ترسێ . ئەڤرو نیڤا باشور ژبال تورکیاڤە و نیڤەکا دی ژبال ئیرانڤە هاتیە داگیر کرن و بهوست بهوست عەسکەرو پاسدار لێنە و کولان کولان میت و ئێتلاعات تێدانن . ژبلی گروپێن پەیدا بوین مینا حەشد شەعبی ، حزبولا ، عسائیبێن ئەهلێ هەق و چەندین هێزێن دی ێن دژ . لرەخێ دی لسەر دزی و تالانکرنان کی پتر دزی و تالان بەر بکەڤن حزبێن سەرەکی ماینەب هێڤا هەڤە هێزا ناڤخویی هندە لاوازو بێهێزو بێ باوەر کریە و رەنگێ کورد هندە ژدەرڤەی والات گرێت ناشرین کریە کو چوهیڤی ، ب چو ئاوایان نە هێشتنە . ئەڤە سەمەرێ سەر هلدان و ٣٠ سال دەستهەلاتا سەقەتا خویی یە و ئەنجام ئەڤن
