كوردستانینێرین

پیڕۆزە سیهەمین سالیادا سەرهلدانێ

ئیسمائیل سولێمان

دەرئەنجامێ وێ زۆرداریا ئاشکەرا یا ڕژێما سەدام حسێن و پارتا بەحسا شوفینی، کورد هەموو چەوساندبوون ژ گرتن و راگۆهاستن و کیمیا باران و ئەنفالان کورد هەموو کر بوون ئێک شانە ، ئازادی وەک گۆمتلەکی مەگناتیزی کوردێن باش و خراب پێکڤە بەرەو خوە ڕادکێشا و چاڤەرێی دەلیڤەکێ بوون،،کەلا دلێ خوە دارێژن و بئێک دەنگ بێژن ئازادی یان نەمان. پشتی چوونا سەدام بۆ کوێتێ و شەرێ ئێکێ یێ کەنداڤی ل ژێریا عیراقێ سەرهلدانێ دەستپێکر،کورد چاڤەرێی یەکەمین چریسکا سەرهلدانێ بوون ل پێشیێ ل ناڤچا خەبات و کەلەکا یاسین ئاغای ناڤەراستا هەیڤا سباتێ لڤینەک هاتەکرن و چەند رەشەکێن رژێمێ هاتنە بریندارکرن و بارەگایێن وان هاتەنە دوورپێچکرن و ڤالاکرن.حکومەت یالاواز بوو ب زمانێ نەرم و دبلۆماسیەتێ و پشتی ئینانا هێزەکا مەزن ژ مویسل و هەولێرێ و دان وستاندنا دگەل ریسپیێن دەڤەرێ و زەلامێن ئاینی رەوش ئارامکرن. ڕۆژ بۆ ڕۆژێ هەیبەت و هێزا حکومەتێ لاواز د بوو.هەتا بەرەیێ کوردستانی ب رێکا ئێزگێن دەنگێ کوردستانێ و ئێزگێ ئێەکەتیا نیشتمانی شانێن نڤستی هاندان و ل پێنجی ئادارێ سالا ۱۹۹۱ێ ل باژارێ ڕانیا وەک کەرنەڤالەکا جەماوەری مللەت ڕابوو سەرلنگان ب ژن و مێرڤە ب مەزن و بچووکڤە دیڕۆکەکا پرشەنگدار تۆمارکرن بایێ ئازادیێ وەک ئاگڕۆکی پێڤە چوو د دوو حەفتیاندا زۆربەی باشوورێ کوردستانێ هاتە ئازادکرن و بۆ جارائێکێ بابەگۆرگۆر هەناسا ئازادیێ هلکێشا.و کوردستان ژ هەموو هێزێن حکۆمەتێ و عەربێن هاوردەکری هاتە تافیرکرن.پشتی هێزێن ڕۆژئاڤایی و تایبەت ئەمریکا گۆلۆپێ کەسک بۆ ڕژێما سەدام هلکری ب هەموو دورندەیا خوە یاجاران سەرهلدانا باشۆرێ عیراقێ کونتڕۆلکر ، ب وێ هێز و جبەخانا خوەڤە قەستا کەرکوکا قۆدس و دلێ کوردستانێ کر.وێ ڕۆژێ ئەز دگەل مام سەبری بۆتانی چوون خزمەتا سەرکردێ نەمر مام جەلال تالەبانی ل دێرا ئەرمنیان ل زاخو، خودێ ژێرازی مام جەلال گۆتارەک بۆ مە کۆمەلەکا رەوشەنبیرێن زاخۆ و دەڤەرێ پێشکێشکر. دناڤ ئاخفتنێن ویدا بڕۆسکەک بۆ هات ئێڤاربوو سەعەت دەردۆرا سێ و نیڤێ بوو دوو سێ جاران بەرچاڤکێن خوە گوهۆرین و ل وێ پارچا کاغەزێ دنێری و بەردەوامی دا گۆتارا خوە و دناڤ گۆتنێن خوەدا د بەرسڤا هەڤالەکیدا ئایا ئەمێ شێن کوردستانێ پارێزن ، ئەڤ خوەندنگەه هەموو بوونە بارەگایێن پارتێن کوردستانی و هندەک ژ وان پارتان مە ژنوو گوه لناڤێ وان بوو. گۆت نهۆ کەرکۆک یا تۆشی هێرشەکا هۆڤانەدبت ، وەخت هند کێمە کۆ ئەم بشێن خوە رێکبێخن.پشتی کەرکۆک کەتیە دەستێ ڕژێمێ زۆربەیا خێزانێن کورد ژ کەرکۆکێ دەرکەتن بەرەو هەولێرێ و سلێمانیێ هاتن.کارتێکرنا هاتنا وان و سەهما هۆڤاتیا رژێمێ ژ لایەکێ و کێمیا دەمی کۆ بەرەیێ کوردستانی بشێت نەخشەرێکەکێ دانت بۆ پاراستنا باژێرێن کوردستانێ بۆ ئەگەرێ دەرکەتنا جماوەری ژ مالێن خوە و قەستا سنوورانکرن.کورد دڤێ ئێک بریارا خوە دا بوون جهێ حێبەتی بوونا دنیایێ، مللەتەک پێکڤە مال و حالێن خوەهێلان د کەشەکی سەرما و سەقەمدا تەژی گەلیان بوون ل سەر سنوورێ ترکا و ئیرانێ.ئەڤ یەکە بۆ جهێ لڤاندنا هەستا نەتەوی ل جەم تاکێ کورد ل هەرچار پارچێن کوردستانێ زێدەباری دلپێڤە مانا جڤاکێن ئۆرپی و ڕۆژئاڤای.حکۆمەتا عیراقێ نەچار بوو داخوازا دانو ستاندنا بکەت دگەل سەرکردایەتیا بەرەیێ کوردستانی و شاندێ کوردان چوو بەغدا. پشتێ ڤێ کۆچا مەلیۆنی رێکخراوا نەتەوێن ئێکگرتی بۆ جارا ئێکێ بریارەک دەرخست سەبارەت کێشا کوردان و دەڤەرا ئارام هاتە ڕاگەهاندن ڤێ بریارێ هیڤیەکا مەزن دا گەلێ کورد و زڤرین سەر جه و مالێن خوە.دڤان ۳۰ سالێن دەستهەلاتداریا کوردیدا. کوردستان تۆشی گەلەک پیلانێن ئافراندی بوو ژلایێ داگیرکەرێن کوردستانێڤە وەک بۆمبێن چاندی ل پێشیا پێشڤەچوون و ئێکرێزیا هێزێن کوردستانێ هەر ل دەستپێکا دامەزراندنا حکۆمەتەکا دیمۆکرات ب هەلبژارتنا هاتی شەرێ براکۆژیێ دناڤبەرا حکۆمەتێ و گرێلایێن پارتا کرێکارێن کوردستانێدا روودا، پاشی شەرێ وێرانکەرێ دناڤبەرا هەردوو هێزێن سەرەکی پارتی دیموکراتی کوردستان و یەکێتی نیشتمانیدا و د ئەنجامدا دوو ئیدارەیی وەک نەعلەتەکێ ما ب سیمایێ حکۆمەتا هەرێما کوردستانێڤە. و هەتا ئەڤڕۆکە کورد ژ ئاسەوارێن ڤی شەری دنالن هیڤی و خەونا هەر تاکەکی کوردستانێ بوویە ئێکرێزیا ناڤ مالا کوردی بەری نانی و ژیانەکا ئارام و تێر خزمەتگۆزاری.

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close