كوردستانینێرین

سەرهەلدانێ ئاستێ نەتەوەی بەرەف کیڤە بر؟

سەگڤان ئەرتیسی

شورەش و سەرهەلدان، ژ پێخەمەت ئازادی و پیروز راگرتنا تاکێ جڤاکی تێن هەبوونێ، ئەوژی ب وی پیڤەری ئەگەر هات و ل سەر بنەمایێن تیوری دەربارەی جڤاک، ئابور، جوگورافی، مێژوو یان بێژین تەڤایا بنەمایێن مروڤ بوونێ بهێن خاندنێ ژ بۆ وێ بشێن ل گورەی وان تێکوشان و قوربانیدانا خزمەتەک ژ هەژی بهێت پێشکێشکرن! لێ دەما ل باشورێ کوردستانێ دنێرین و د خوینین، زور مەندەهوش و سەرسام د بین! د هەمی ئالیێن شورەشگێری دا ئالوزیێن زیق دکەڤن سەر لاپەرێن مێژوویێ، دیارە ئەوژی ڤەدگەرە بۆ ئاستێ خاندنێن شورەشگێراتیێ. دەما ل چرسیکا سەرهەلدانا باژێرێ رانیێ ل 5-3-1991ێ ب تەڤ تەخ و چینێن جڤاکی کەتن سەر جادا و داگیرکەرێ کیمیاباران و کومکوژێ زیندی ژ خاکا پیروز کرین دەر، و ژێرا گوتن ئەڤ وارە هەر وارێ مەیە وارێ مەیە و خاکا مە تە نا حەبینیت ڤێچا دێ بوچی لێ مێنی. ژ بو وێ بی یە کو د داهاتوو دا شانازیێ ب هەمی تێکوشین و قوربانیدانا خوە ب بەن! لێ ب مخابنیڤە ئەو هەمی جوش و خوەشی هێدی هێدی بەرەف راستیا خوە یا بێ بنەما چوون، کو بەرەف شەرێ خوە کوشتنێ، و هێدی هێدی برسێ و ترسێ دناڤ خەلکی دا سەرهەلدا! بتنێ ژ پێخەمەت بدەست ڤە ئینانا هندەک نەخوەشیێن ئیگوتیزماتیێ،کو ئێشەکا کوژەکا دیروکێ یا ڤی مللەتی بوویە، بەردەوام بویە ئەگەر خوە کوشتنا شورەش و کارڤەدانێن سەرکێش و سەرکردێن دوزا ڤی مللەتی. ب مخابنیڤە پشتی سهـ سالێن سەرهەلدان و دەرباز بین ژ زولم و زوریا سەدامێ دکتاتور، ژ دەرئەنجامێن حکۆمرانیا کوردی ئەڤرو خەلک خوزیا ب دکتاتورەکی ب بەت و د هەمان دەمدا تاکێ کورد ئەڤرو ل یادا سەرهەلدانێ گالتە و یاریا ب سەرکێشێن سەرهەلدانێ باژێرێ رانیا سەرکێش بکەن و ژێرا بێژن ئەڤە ئەوە یا وە ب سەرێ ڤی مللەتی ئینای و هوین بوینە ئەگەرێ ڤێ بەلایێ. دەسهەلاتەک ب هەمی هێز و شیانا خوە بکەڤیت یاری پێکرنا هەست و سوزێن تاکێ مللەتی، ئەرێ وە دڤێت ئەڤ تاکە چەوا پێشوازیا وە بکەت؟ ژ دەرئەنجامێ سیاسەتا قورخکاریا رەهایێن دەسهەلاتداریێ و نەبوونا یاسایەکا سەروەری ئەڤرو تاکێ ڤی مللەتی هەست و سوز بۆ چ پیروزیێن خاک و وەلاتی نەمانە! چونکی ئەوێن بناڤێ وەلات و خاک و کوردینیێ د ئاخڤن وەلات و هەڤوەلاتی هەمی کرن قوربانی، بەرژەوەندیێن خوە یێن ئێگوتیزمی. ئەڤرو یێ ئامادە نینە بێژیت ئەز موچەی ژ بەغدا وەرناگرم! لێ یێ ئامادەیە تاکێ بێ هێز و شیان تاوانباربکەت ب وێ چەندێ کو ئەوێ کرێدار و بێ رێ موچەی ژ بەغدا وەربگریت! راستی زور سەیرە! تو خەبات و تێکوشانێ بکەی کو مللەتەکی ژ بن زولمێ بینی دەر پێخەمەت وێ تو ب توندتر زولمێ ل وی مللەتی بکەی! ژ بەر وێ ب مخابنیڤە د بێژم دەرئەنجام خاندنەکا راستەقینە پێشکێشی لاپەرێن مێژویێ دکەن، و هەوجەی چ پەردەپوشکرنێ ناکەت، ئەوا خەلکی قوربانی بو دای ئەڤرو یێ ئاخ و ئوخا رادکێشن و قیژیێن وانا دگەهن ئەسمانا، ڵێ پا د بێژن ئەگەر شاخێن ئێکی هاتبان دا یێت پەشێمانا گەهن ئەسمانا.

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close