نەوزاد عەبان
ل جیهانێ هەمیێ هەر سیستەمەکێ بێتە چەسپاندن مەرم ژێ ئەوە بو پێشڤە برنا وێ کومەلگەهێ یە ڤێجا چ یا دەوڵەمەندبیت ئان بەرەو ڤاژی یا هەژار بیت ئان شنی لسەر پێت خو راوەستا بیت … خەونا مللەتێ مە ئەو بو روژەک بو بێت سەربەست بژیت و ژ زوڵم و زورداریا دوژمنا دەرباز بیت و شوکر بو خودێ و بو بارودوخا ئەو دەرفت هەلکەت و ل ئادارا (1991) سەرهلدانێ سەر هلدا و ژ رانیا بەرخودانێ دەست پێ کر ل (5)ی ئادارێ و بەر بەڵاڤ بو گوند و باژیرک و باژێرێت مازن ژی ڤەگرتن ب (کرکیکا بابا گرگر)ی ڤە و د چەند روژێت کورت کوردستان هەمی هاتە رامالین و پاقژ کرن ژ رژێما بەعسا توخم پەرست(عنصري) …. لێ مخابن ژ روژا شورش گێرێت جیا وهەندەران شور بوینە باژێرێت رزگار کری دەست کرن ب کارێت روژانە وەک حکمەت و رێڤەبەری هەر ژ روژا ئێکێ کارێت وان دەست پێ کرین د بەرەو ڤاژی بون ژ خەون و بوچونێت مللەتی ئەو ژی وەک دەست پێ کرنا دەست دانا نا سەر کەل و پەلێت پاشماییێت حکمەتا بەرێ ل هەمی باژێر رێت هەرێمێ و هەوڵ دان هەمیا رەوانە کەن دەرڤەی هەرێمێ ب تایبەت ئیران و ترکیا و فروتنا وا ب بهایێت ئەرزان و کرنە پارە و بەر دانە بەریکێت خو ب رێکێت نە رەوا و بونە جهێ ب سەدان پسیار و پسیارا …. یا گرنک تر و خراب تر ئەو بو پشتی هەلبژارتنێت (1992)دان نە دان ب ئەنجامێت هەلبژارتنا دەما پارتی 51% ب دەست ڤە ئینای و ئێکەتیێ 49% هەرێم دابەش کرن سەر دوو زونا ب شێوێ ففتی ففتی د ناڤ بەرا خو داو حکمەتەکا لاواز چەسپاندن و هەلەی وی یێ و بابێ وی یێ بو حزب ودەڤەرا خو کار بکەت و گەلەک جارا بو پەرژەوەندیێت کەسایەتی و کەسێ نە د گوتە کەسێ کلێ بەرێ چاڤێ تە یێ خارە هندی یێ خار با و بێ سەرو بەر با …. ژ وی سەردەمی هەتا ئەڤرو ژیان یا بەرو پاش ڤە دچیت نە پێشڤە ژ ئەگەرێ شاشیێت بەردەوام ب هەمی کێم و کورییت خوڤە ئەڤێت نە ئێنە هژمارتن هندی گەلەکن ونائێنە هژمارتن و ب دوماهیک نائێن ل داویێ سەرروکێ کابینا (9) هاحکمەتا هەرێما کوردستانێ دان ب وا هەمی شاشیا دا و گوت هەرێم یا قەردارە ب (27) ملیار دولارا زێدە باری پاشەکەفت کرنا موچێت موچە خورا و لێ برینا بێ یاسا یا ڤێ دوماهیێ ژ موچێت وا ئەڤە هەمی دگەل هەمی چینێت مللەتی تێنە کرن ژ بلی چنەکێ ئەوا خو ب سەر هەمی مللەتی دانن و خو د هەژمێرن کو مە یا کری و دێ پشکا شێری بو مە بیت ….. ل جیهانێ هەمی مللەت شانازیێ ب پێش و پاشە روژێت خو دکەن و هەولا د دەن سوباهی ژ ئەڤرو خوشتر لێ بکەن بو مللەتێ خو … ب تنێ مللەتێ مە ل باشورێ کوردستانا مازن شانازیێ ب پێش روژا (ماضي) خو دکەت ئو د بێژیت ( ساڵ بو ساڵ خوزیکێت پار )
