رۆژه‌ڤكوردستانینێرین

نها ژی گەلێ مە پێتڤی ب گەلەک ڕاپەڕینێن دی تر هەیە ژبۆ ئەڤێ قۆناغا خەلکێ تێدا دژیت ..؟!

پیر هڤال باعەددی

ڕاپەرین دەستپێکەکا گەش و روون بوو و پێنگاڤەکا هەرە گرنگ بوو و خەونەکا هەرە مەزن بوو د لاپەرێن مێژوویا گەلیێ کورد دا ژبۆ هەر چار پارچێن کوردستانێ ب گشتی و خەلکێ کوردستانا باشورێ عیراقێ ژی ب تایبەتی ژبەرکو د وی سەردەمی دا رژێما بەعس یا گۆر بەگۆر گەلەک ستەم و زۆلم و زۆرداری و بێ وژدانی بەرامبەر هەموو چین و توێژێن خەلکێ کوردستانێ گرتنە بەر و بدرندترین شێوە خەلک و جەماوەر و پارت و لایەنێن سیاسی و پێشمەرگەهێن بزاڤا رزگاری خوازا کوردستانێ دکرنە ئارمانج و دکرنە نێچیرا خۆ و بێ بەهر کربوون ژ هەر تشتەکی و دنالین ژ بن دەستیی یە ئەوێ ڕژێمێ ب مخابنی ڤە . گەلێ کورد د سەردەمێ رژێما بەعس هاتبوو پش گۆهی ئێخستن و ب پلە دوو د هاتە قەلەم دان ژبەر ئەوێ کەرب و کینا توندرەو و هزر و بیرێن تایفی و مەزهەبی و ئەوێ هەڤ سنۆری یە د ناڤبەرا هەر دوو وەلاتێن تورکیا و ایرانێ دا کورد و کوردستانی قۆربانیێن سەرەکی بوون د ئەڤی چارچۆڤی دا و بەرە بەرە کێشێن دناڤبەرا هەر یەک ژ کوردان و رژێما بەعس قۆلتر بوون و کێشێن سیاسی و جڤاکی و مەزهەبی سەرهەڵدان و ئەڤ یەکە ژی کارتێکرنێن راستەوخۆ و نەراستەخۆ هەبوون دەربارەی پرۆسێسا مافێ کوردان و ئەڤ چەندە ژی بوو دەست پێکەک ژبۆ یەک هەلۆیستی و یەکگرتنا هەست و سۆزێن کوردان د ئەوێ قۆناغێ دا . هەروەسا رژێما بەعس یا گۆر بەگۆر ژبەر ئەوێ ئێک هەڵوێستیێ و هەڤ سۆزی یە خەڵک و جەماوەرێ کوردستانێ سەر کێشێن نەتەوەیی و ماف و کەلتۆر و ناسنامە و ئاخ و زمان و وەلات تێکۆشین ئەنجام دان و ب هەمی رەنگێن جودا جودا خەباتا چەکداری و رەوشنبیری و کومەلایەتی و کلتووری گرتنەبەر ژبۆ پاراستنا کیانێ نەتەوە کورد و کوردستانی ل سەرتاسەری عیراقێ د دەرئەنجام دا گەلێ کورد رووبارێن خوینێ پێشکێشی ئاخ و وەلات و زمان کرن بێ ماندووبوون و قۆربانی دان ب بەردەوامی د هەمی قۆناغێن ژیانێ دا د سەنگەری دابوون بۆ هندێ گەلێ کورد و کوردستانی ب زیندووی بمینێت . د مێژوویێ دا گەلێ مە کوردان دا گەلەک شۆرەش و راپەرین و داستان و ئەفسانە هاتینە گێران و ئەنجام دان هەر ژ سەر دەمێ بزاڤا رزگاری خوازا گەلێ مە یێ کورد و هەتا ئەڤێ قۆناغە نها ئەم تێدا دژین ب بەردەوامی تێکۆشینە و گرنگترین راپەڕێن هاتیە ئەنجام دان ئەو ژی راپەڕینە بەهارا سالا 1991 بوو کو ل 5 ی ئادارا پیرۆز دا ل باژێرێ رانیا یەکەم فیشەکا راپەڕێنێ هاتە ئاراستە کرن ژبۆ دۆژمنێ بێ وژدان ئەو ژی رژێما بەعس یا گۆر بەگۆر بوو ژ لایێ خەڵک و جەماوەرێ ئەوی باژێری و ب سەرپەرشتیا خودێ ژێ رازی هەر دوو ئەندازیاری و دینەمۆیێ راپەڕێنێ هەڤاڵ مام جلال و کاک نەوشێروان مصطفی نەخشە و پلان دانان و دارێژێن رێک و رێکارێن راپەڕینە مەزن بوون ل وی سەردەمی دا . پشتی دەروازا راپەڕێنێ ل باژێرێ رانیا پێشمەرگێ قارەمان و هونەرمەند و نڤیسەر و هۆزانڤان و رەوشەنبیر کەساتیێن دیار و بلند و دڵسۆز و وەفادارێن ئاخ و وەلات مل ب ملێن پێشمەرگی ڤە ل چیایان هاتنە خوار و چوونە دناڤ باژێران دا و ل باژێران ژی گەنجان و خۆێندکاران و ژنان و دایکان هاتنە سەر جادان و راپەڕین بەرامبەر چەتە و خوین مژێن مرۆڤان و سیخوڕێن رژێما بەعس لەورا پێشمەرگی ب چەکێ خۆ و هونەرمەند ب دەنگێ خۆ و نڤیسەر ب گۆتارا خۆ و هۆزانڤان ب پەیڤێن خۆ و کەساتی و رەوشەنبیری ب هاندان و هشیار کرنە خەڵکی و کەو ب دەنگێ قەپە قەپا خۆ ل سەر چیایان هەمیان د بوارێن جودا جودا دا خەبات ژ بۆ دۆزا گەلێ خۆ د گێران ب روحەکا وەلات پارێزی و نیشتیمان پەروەری . د ئەنجامێ سەرهلدانا راپەڕێنێ و رزگار بوونا دەڤەرێن کوردان و شاد بوونا سەرجەم چین و توێژێن گۆمەلێن خەڵکێ کوردستانێ و بدەست ڤە ئینانا دەستکەفتین زێرین و دامەزراندنا پەرلەمانی و حکومەتێ و برێڤەبرن و ئیدارە کرنا خەلکێ د چار چوڤێ هەرێمەکا یەکگرتی و پاراستی دا و ئەڤ یەکە بوو دەستێکەک بۆ گەلێ کورد و خەڵک و جەماوەرێ ئاشتی خواز و ئازادی خواز لەورا هەر دەم هیڤی و ئۆمێدێن گەش ب پاشەرۆژا خۆ و کوردستانێ هەبوون ژ پێخەمەتی بەرقرار بوونا دیموکراسی و ئازادیێ ل دەڤەر و سنۆر نشینێن کوردان ئەڤە د دەمەکی دا ئەم تێنیێن ئەڤێ یەکێ بووین و گەلێ مە هەمیان پێکڤە د قۆربانی دان . جهێ داخێ یە و سەد حەیف مخابن پشتی ئەڤێ یەکی مەزنترین روودان د مێژوویا گەلێ کورد روودا ئەو ژی سەرهلدانا شەرێ برا کوژی بوو د ناڤبەر دوو پارتێن مەزن یێن کوردستانە عیراقێ دا و دەرئەنجام کوردستان هاتە دابەش کرن لسەر دوو دەڤەرە ژ ئەوانە دەڤەرا کەسک و دەڤەرا زەر و هاتە نوکە ژی ئاسوارێن ئەڤێ یەکێ ماینە ئەڤ یەکە ژی بۆ ئەوێ چەندێ ڤە دگرێت کو حزب و ئالین سیاسی هندەک بناڤێ دیموکراسیێ و ئازادیێ خۆ نمایش دکەن د گۆڕەپانا سیاسی دا ل هەرێمێ لێ د ئەسل دا هووسا نینە ئەگەر بچیە دناڤ ناخێ ئەوان دا دێ ئێکسەر کراسێ عشائیری و دینی و بەژەوەندیێن تاکە کەسی د بەردایە و ڕوخسار تشتەکە و ناڤەڕۆک تشتەک دی یە . پشتی سالا 2003 کو دەمێ رژێما بەعس ب تەمامەتی ژ ناڤ چووی و نەمای ژبەر ناکۆکین ناڤخۆی نەبوونە مبدیێ باوەریێ دناڤبەر پارت و لایەنێن سیاسی یێن کوردستانی و ژبەر ئەوێ کەرب و کینا شەرێ براکوژی گەلەک ژ ماڤێن کوردان ب دورستی بدەست ڤە نە ئینان ئەگەر ژی بێ بەرنامە و بێ پلانی یە هەندەک لایەنێن سیاسی بوو ب شێوەکی بەرەڵا بەشداری د پرۆسا سیاسی یە حکومەتا عیراقێ دا کرن ژبۆ بەرژەوەندیێن حزبا خۆ نەک بەرژەوەندیێن گشتی و خەڵکێ کوردستانێ نموونە بۆ ئەڤێ چەندێ پشتی پێک ئینانا حکومەتا عیراقێ لسەر بنەمایێن شراکەتا دناڤبەر پارت و ئالیێن سیاسی بوو لسەردەمێ سەرهلدانا ناکۆکیێن تاکە کەسی ئەڤ مبدئێ شراکە نەما و ئەڤ کێشێن هەنێ ژی بوونە کێشێن نشتیمانی و نەتەوەیی بەلێ چوو راستی بۆ ئەڤێ یەکێ نەبوو و نینە هەر کەس راستیە بابەتی دزانیت .

ل ڤێدەرێ کێشە و ناکۆکین مە کوردان مەزنتر و گەشتر بوون لەورا د ئەنجام دا وەلاتێن دەوروبەر بتایبەتی تورکیا و ایران دەست تێوەدان د کاروباریێن عیراقێ و کوردستانێ دا کرن و دەستێن دەرکی کەڤتنە دناڤ ئەڤان کێشە و ناکۆکییه دا هەبوون و دەرئەنجام ژی مەزنترین ڕێکخراوە تیرۆدستی یا بناڤێ داعش بوو مەترسی ل سەرتاسەری وەلات بەلگە ژی دڕندترین شێوە شنگال داگیر کر و مەزنترین تەوان ئەنجام دان بەرامبەر خەلکێ بێ گۆنەهە و شنگال ژی کاول کر و خەلکێ وێ ژی وێران و دەربەدەر کر و هێشتا ناکۆکی د بەردەوامێن مەترسی ژی هەبوو بەشەکی ژ سەرکرداتییە کوردان کارێ حزباتیێ و بازرگانیێ ئەنجام دان نەکە لسەر کێشێن نەتەوەیی و ماف و دەستکەفتێن مللەتی کار و خەبات د گێران . هێشتا سەرکردایەتی یە گەلێ کورد وانەیەک ژ بێ بەرنامە و بێ پلانیا خۆ نە وەرگرتییە هێشتا کرێکارێ خەلکێ بیانی نە و بێ بەرامبەر کار دکەت و مەزنترین هەلە و ژ دەستدانە دەلیڤا زێرین ئەو ژی ئەنجام دانە ریفراندۆمێ بوو لەورا دهێتە زانین کو دوماهیک کارتا کوردان بوو و هەروەسا هندەک دیار دکەن کو ریفراندۆم قومار بوو و گەلێ کورد تێدا خسار بوون دەرئەنجامێ ئەنجامدانا ریفراندۆمێ بەشەکی مەزن ژ ئاخا پیرۆزا کوردستانێ ژ دەست دان و دگەڵ روبارەکی خوینێ ژبەرکو ئەو ئاخە ب روبارەکی خۆینێ هاتبوو ئاڤدان . ئەڤە د دەمەکی دایە کو هێشتا کێشە و ناکۆکیێن ناڤخۆی ژی هەنە و د بەردەوامن و قیران و مەترسی و رێکەفتنێن ژێر بەژێر یەکتر شکاندن و شەرێ راگەیاندنێ و توومەتێن نا رەوا ژی بەردەوامی هەبوون د هەمی قۆناغیێن جودا جودا و ژبەر ئەوێ ریفراندۆمێ هەتا نوکە ژی ناکۆکی دناڤبەر بغدایێ و هەولێر دا هەنە و دبەردەوامێن ئەڤ کێشێن سیاسی و اداری و یاسایی لسەر گرێبەستێن پترۆلێ و کێشێن سنۆری ژی هەنە و کێشێن رێکەفتنێن نە یاسایی دگەل وەلاتێن ژ دەڤەری هەرێما کوردستان هەبوون ژبەر هندێ کوردان گەلەک دەستکەفت ژ دەست دان ب مخابنی ڤە . لەورا ب دیتنا من نها ژی گەلێ کورد پێتڤی ب گەلەک راپەڕێنێن دی تر هەیە ژبۆ برێڤەبرن و ئیدارەکرنا ئاخ و وەلات و خەڵک ژبەر هندێ حکومداری ب کەسێن نەزان و نە خۆێندەوار و بازرگان و گەندەڵچیان ناهێتە گێران د ئەڤێ قۆناغێ دا پێتڤی هەر نها دەستبەرداری ئەوێ کورسیێ بن و کوردستان پێتڤی ب کەسێن دلسۆز و وەفادار و زانا و کەسێن خودان عەقڵێن ڤەکری و خودان پری ئەزموون و کردار د بیاڤێن جۆراجۆر دا ل گۆر سیستمێ پێشکەفتنا ئەڤی سەر دەمی بگونجێت هەر کەسێ دوو فیشەک ل چیای هاڤێتین چار کوسی وێت وەرگرتین چارەنڤیسێ مللەتەکی د دەستان دا دنالیت مانە گونەهە کورد پەروەری بازرگانی پێ دهێتە کرن ئەڤێ دەستهەلاتێ هەمی چین و تەخێن مللەتی بێ هیڤی و ئومێد کرینە و مللەت رەش بینە و وێرانە و چارەنڤیس ژی ب هیچ رەنگەکی نەیارە ژبەر هندێ خەلک نها نفرەتان ل خۆ و کار خۆ دکەن ئەوێ ئەنجام داین و ب هیچ رەنگەکی باوەڕ نە دکرن کو رۆژەکێ ژ رۆژان بەرهەمێ خەبات و قوربانیدان و ماڵ وێرانیا ئەوان ئەڤا نها ب چاڤێ خۆ دبینێن ب مخابنی ڤە ما نە بەسە ما هەتا کەنگی ؟؟!!

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close