رۆژه‌ڤكوردستانینێرین

دسالیادا سەرهلدانێ دا، دەستکەفت نەهاتنەپاراستن.

عەلی ئورەماری

ئێک ژ ئارمانجێن هەری دەستپێکی یێن مللەتان ژ هەر ڕابوون وسەرهلدانەکێ دا، هنگافتن وبدەست خستنا وان خاستەکانە، یێن کۆ بسەدەما فشارێن دەوڵەتێ و ستەمێن وێ رژێما لسەر دەست ژ دەست داین یان هاتینە بنپێکرن، خاستەکێن هەری دەستپێکی ژی ژهەر سەرهلدانەکێ نان وئازادی یە ، ئانکۆ نان و ئازادی بەری هەستێن نەتەوەیی ژی وەک ژیۆار جهێ خۆ دکەن، ژبۆ ئەو رژێمێن دگەهنە وێ گەنیبوون و ستەمکاریێ کۆ تەخێن وێ یێن ژێر دەست ل ڕابوونەکا بهەڤرا دووماهیکێ پێ بینن ، هەلبەت رژێمێن شوڤینی و ستەمکار ، هەمی کارو بزاڤێن وێ ژبۆ قەدیسکرنا سەرێن دەستەلاتێ و تاقمێن وێ دچن و مللەت دنهالەکا کۆیردا تێنە ژبیرکرن، بوویە خاستەکا هەری پیشینە ژ ڕابوونا سەرهلدانان ،بدەستڤەئینانا وێ ئازادیێ یە یاهاتیە بنپێکرن و پەیداکرنا نانی یە ژبۆ بەردەوامیدان بژیانێ ،ئەو نانێ دەستهەلاتێ نەشیایی بۆ گەلێ خۆ دابینبکەت، ل ڤێرە و دبیرئانینا سیهسالیا سەرهلدانا گەلێ مەیێ باشۆر ، ئەز باوەرم ژبلی هنگافتنا هند ئارمانجێن رۆگەشێن نەتەوەیی کۆ سێ چارێکێن جۆگرافیا باشۆر هاتبوونە رزگارکرن ژ قەیدێن رژێما دکتاتۆری و دانان و پێک ئینانا ستاتۆیەک کوردی و بەرجەستەکرنا نان وئازادیێ بۆ کۆمێن خەلکێ ستەم دیتی، کۆ بۆ وێ رۆژەڤا بەریا سیهسالا ، ب ئارمانجگەهاندنا هیڤیێن بدەهان سالێن شۆرەش وتێکۆشانێ بوویە، لێ نهۆ وپشتی دەربازبوونا چارێکەک ژسەدێ ، ئەو وەخت هاتیە مرۆڤ وێ دەستهەلاتێ ورژێما ل باشۆر هاتیە دروستکرن هەڤبەربکەت لگەل رژێما دکتاتۆریا بەعس و بهەلسەنگینیت ، ئەرێ چ جۆداهی دناڤبەرا دەستهەلاتا کوردی و بەعس دا هەیە ،(هەلبەت دوویر ژدەمارگیریەک نەتەوەیی )، ئەرێ پشتی سیهسالان دەستهەلاتا باشۆر شیایە دەستکەفتێن سەرهلدانێ ب پارێزیت، یان کا چەوا دوهی گەلێ مەیێ ژێر دەست سەرهلدان ئینایە هەبوونێ، ئا هەر بهەمان شێوە دنهۆدا وبسەدەما ژدەست دانا نان و ئازادیان بسەدان کۆرێن سەرهلدانچیێن دووهی بیر ل سەرهلدانەکێ دکەن بسەر سیستەمێ برێڤەبرنا باشۆر کۆ پرە ژ گەندەلیێ وسەرپێچییێن یاسایی، کۆ نەخریا سەرهلدانچیێن باب بوویە. هەربوویە ژی پشتی دەربازبوونا سیهسالان بسەر ڤێ یادا پیرۆز ،گەرەکە مرۆڤ وێ بینیتە زمان ، کۆ دهەر شۆرەش وسەرهلداناندا هنگافتنا هند ئارمانجان تێرا وێ ئێکێ ناکەت کۆ مرۆڤ ناڤ ئینانا رزگارکرنێ ل وێ چالاکیێ بینیت، ئەگەر ئەو چالاکیا بکۆم و رێکخستی نەشیابیت پاراستنا وان دەستکەفتێن بدەست کەفتین بکەت و پارێزیت و دسەرهلدانەکا بەردەوام دابیت ژبۆ ریفۆرمکرنەکا بەردەواما رژێما هەی ژبۆ باشترکرنا برێڤەبرنا گەل، ئانکۆ ئەو نان وئازادیا ئەم ژێرا دبێژین دەستکەفتێن سەرهلدانێ دبەندن یان گرێداینە کا مەچەند شیایە ئەم وان پارێزین کۆ درۆژگارەکێدا مە خۆین ژبۆ هنگافتناوانا رێتی، ژبۆ مژار هند درێژ نەبیت، هەر هەلسەنگاندنەکا مرۆڤ بۆ وان دەستکەفتین بخۆین هاتینە دەست خستن بەریا سیهسالان، هند خال بوو مرۆڤی ئاشکرادبن کۆ دشیاندا جهێ وان دڤان دوو خالاندا بێتەکرن. ئێک- ئەوا دوهی هێزێن کوردستانێ سەرهلدان بکارەکێ رێکخستی کۆ مۆلکداریا وێ بۆ حنێرا چالاکیێن خۆیێن حزبی دزانین و ژبۆ هنگافتنا هند ئارمانجێن نشتیمانی ونەتەوەیی ددنە نیاسین، دئەڤرودا ئەو ئێک ب بەرۆڤاژی تێنە سەلماندن کۆ سەرهڵدان تنێ ڕابوونا گەلێ ستەمدیتیێ کورد بوویە ، هند پارتێن سیاسی کۆ خۆ بخۆدانێ سەرهلدانێ دانان لجهێ پاراستنا دەستکەفتان بکەن، بۆ هەڤرکێن ئێک ودوو و ژبۆ قورخکرنا دەستهەلاتێ و داعویرنا کەتا خەلکێ هەژاروستەم دیتی، ونەشیان پاراستنا وان دەستکەفتان بکەن.وبەشەکێ وێ ئاخا رزگارکری ژ ئەنجامێن سیاسەتەک ساویلکانە ژدەست دان. دوو- ئەگەر ل دووهی سەرهلدان ژبۆ بدەستڤەئینانا نان وئازادیان بیت، ژخۆ نهۆ هەرکەس دزانیت، لسەر دەستێ هێزێن کوردی ودەسهەلاتا باشۆر نان وئازادی ژ خەلکی هاتینەدزین، نەوەکی پێۆیست ژیان تێتەبرێڤەبرن و بدەهان لاوێن خۆین گەرم و کۆرێن سەرهلدانچیێن دووهی و قەلەمێن ئازا،ئەڤرو ل پشت شفشێن زیندانێن دەستەلاتا نەخریا سەرهلدانێ دانە ،وچاڤەرێنە کۆ بشێوەیەکی دویر ژ رێکارێن یاسایی و مرۆڤاتیێ وژبێخەمەت کپکرنا دەنگێن ئازاد سەرەدەیێ لگەل وان دکەن و وەک وان پێنچ ئەلهۆیێن ئازادیێ و مافخازێن بەهدینان ئەوژی بێنە دادگەهکرن. دمینیت وێ ئێکی بێژین ،دەبیت ئەڤ دەستهەلاتە کۆ نەخریا سەرهلدانا دووهێ یە، بزانیت سەرهلدان داناخێ کورێن سەرهلدانچیان دا هەرا بەردەوامە و ئەگەر ئەڤ دەستهەلاتە بڤی شێوەیی رەفتارێ بکەت، دوویر نابینین ل نێزیک سەرهلدانەک ریفۆرمکرنەکا سەرتاسەریا بنەچاری دووماهیکێ بزهنیەتا ڤێ دەستهەلاتا نەخری ژی بینیت وخۆبۆ قۆناغا پشتی سەرهلدانا دووێ بەرهەڤبکەین.

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close