رۆژه‌ڤكوردستانینێرین

سه‌رهلدان ب دیتنه‌كا سه‌ربازی

شێرزاد نایف

بۆچی ب دیتنه‌كا سه‌ربازی؟ چونكو بیاڤێ‌ سه‌ربازی هاتیه‌ ئاڤاكرن ل سه‌ر بنه‌مایێ‌ سه‌ربۆرێ‌ و مفاوه‌رگرتن ژ دیرۆكێ‌ و ژ شاشیێن وێ‌، یێن مه‌ به‌ری یێن هه‌ڤال و دومنێن مه‌ ژی..! ژ هه‌می بیاڤێن دیتر بۆیه‌رێن مری زێندی دكه‌ته‌ڤه‌، و به‌ری هه‌میان ژی ڤێ‌ په‌یڤینێ‌ دسله‌مینیت” دیرۆك خۆ دوباره‌ دكه‌ته‌ڤه‌”.. ب دیتنا من ل شوونا شانازیبرن ب سه‌رهلدانێ‌ وه‌ك سه‌ركه‌فتنه‌كا ب له‌ز و بێسه‌ر و پاشی ره‌ڤینه‌ك و شكه‌ستنه‌ك و كاره‌ساته‌ك د ره‌هه‌ندێ‌ خۆ یێ‌ نێزیك دا، و پشتی هینگی سه‌ركه‌فتنه‌كا به‌رهه‌مدار، دبیت ئه‌ڤ سه‌ركه‌فتنه‌ نه‌ك یا سه‌ربازی بوو، چونكو ئه‌م نه‌شیایین وی ده‌ستكه‌فتی بۆ خۆ بپارێزین. مینا ته‌پایێ‌ وه‌ختێ‌ تو گۆله‌كێ‌ ل گۆلا به‌ڤلێ‌ خۆ تۆمار دكه‌ی، دڤێت وێ‌ گۆلێ‌ بپارێزی و نه‌هێلیی ئه‌و بكه‌ته‌ دوو گۆل و سێ‌ و پتر، له‌ورا دكارین ل قه‌له‌ك بده‌ین، كو ئه‌وسه‌ركه‌فتنا سه‌ربۆرا سه‌ربه‌خۆبوونا هه‌رێما كوردستانێ‌، نه‌ك ده‌ستكه‌فته‌كێ‌ عه‌سكه‌ری بوو.. ل گه‌ل رێزگرتنه‌كا مه‌زن بۆ وان قاره‌مانێن پێ‌ رابووین و خوینا خۆ كرینه‌ قوربان، و ب هه‌می زیره‌كی شه‌ڕ كری و … هتد. كو هه‌ستا وان بریندار بكه‌ین ب ڤێ‌ گۆتنا خۆ، به‌لێ‌ ب چاڤه‌كێ‌ ستراتیجی یێ‌ درێژ مه‌ودا، هه‌كه‌ قووناغێن سه‌رهلدان تێدا ده‌رباز بوویی، دابه‌ش بكه‌ین ب رێره‌وه‌كا سه‌ربازی، دێ‌ دیاربیت كو په‌نا بۆ دووماهی شاپه‌ر ژ شاپه‌ڕین شه‌ڕی هاتبوو برن كو ئه‌و ژی خۆڤه‌كێشانه‌! سه‌ركێشێن سه‌رهلدانێ‌ راسته‌ كه‌سێن زیره‌ك بوون، وه‌كو تاك لێ‌ وه‌كو كۆم و رێكخستن، سیمایه‌مێ‌ مللی ب خۆڤه‌ گرتبوو، واته‌ یا بێسه‌ر بوو! ل به‌رمبه‌ر له‌شكره‌كی هه‌ڤڕكیا هه‌می دونیایێ‌ دكر و بتنێ‌ ئه‌و چه‌ند رۆژه‌ك بوون ژ شه‌ركێ‌ كه‌نداڤی بدووماهی هاتی ب دۆراندی و شكه‌ستن، به‌لێ‌ به‌راوردی ل گه‌ر شه‌ڕڤانێن سه‌رهلدانێ‌، رووبه‌ره‌كێ‌ مه‌زن بوو، هه‌ما چه‌كێ‌ گران هه‌ر مه‌ نه‌بوو، تڤه‌نگێن سڤك بوون، چه‌كێن ناڤه‌ندی، چ شاره‌زا و بسۆرێن سه‌ربازی مه‌نه‌بوون، هه‌كه‌ میناكا دهۆكێ‌ بێژین كو ئه‌م ل وێرێ‌ بووین، دبیت ژ روتبا عه‌قیدی زێده‌تر ته‌مه‌ت تلبێن ده‌ستی هینگی مه‌ نه‌بن ل ڤێ‌ دهۆكێ‌!!. شه‌رێ‌ ده‌وله‌ته‌كا مه‌زن دكرن، چه‌نده‌كێ‌ یا بێ مۆرال بوو، به‌لێ‌ هێشتا سه‌دام كو سه‌رۆكێ‌ ده‌وله‌تا عیراقێ‌ بوو، یێ‌ ساخ بوو و فیدائیێن خۆ یێن هینگی هه‌بوون، باژارێ‌ بچویك بوو، عه‌مقه‌كا ستراتیژی نه‌بوو، زێره‌ڤانیكرن نه‌بوون، میحوه‌ر بیێ‌ به‌ردایی بوون، تایبه‌ت ب شه‌ڤ خه‌لكی گه‌له‌ك فۆبیایه‌كا مه‌زن هه‌بوو، جۆره‌كێ‌ ئاژاوێ‌ په‌یداببوو، ژ شه‌لاندنا سازیێن حكومی ب به‌هانا تۆله‌كرن ژ رژێما دكتاتۆر.. حزبێن مه‌ یێن كوردستانی پشتی ژ ده‌رڤه‌ هاتینه‌ خاكێ‌ وه‌لاتی بارا پر لایه‌نه‌كێ‌ جڤاكی و سیاسی ب خۆڤه‌ گرتبوو، ل جاتی هندێ‌ كو هێزێن رێكخستی د ئه‌ركێن رێكخستی دا بن، بۆ نموونه‌ ل هه‌مان رۆژا ئاگربارانكرنا تۆپا ل نیڤا باژێری، گۆتارا خودێ‌ ژێ‌ رازی مام جه‌لال تاله‌بانی بوو، واته‌ ل شوینا كو به‌رهه‌ڤیێن له‌شكری هاتبانه‌ كرن، خه‌لكێ‌ سڤیل كۆمدكرن و گۆتارێن مه‌ده‌نی و دیمۆكراسی دگۆتن، و ئێكسه‌ر بوو ره‌ڤه‌كا ته‌ڤایی و ئه‌و حزبێن مله‌تی شانازی پێ‌ دبرن، خه‌لكی دیتن یێن به‌ری وان بازدده‌ن ـ هنده‌ك نه‌ك هه‌می ــ هه‌ر چ نه‌با هه‌ما بۆ پاراستنا ناڤوده‌نگیا حزبا خۆ، چونكو خه‌لكی وه‌ك پیرۆز ددانان ئه‌ڤ حزبێن هه‌نێ‌، گه‌له‌ك مژوولی لایه‌نێن ئیداری ببوون. یا گرنگ ئه‌وه‌ مه‌ چو سه‌ربۆر وه‌رنگرتن ژ ڤێ‌ وه‌رچه‌رخانه‌یا دیرۆكی هه‌مان شاشی مه‌كر پشتی بۆرینا ده‌مه‌كێ‌ نه‌یێ‌ كورت ژ سالان، بۆ نموونه‌ ل شه‌ڕێ‌ رێكخراوا تیرۆرستی یا داعش ل ده‌سپێكێ‌ هه‌لنگڤتنێ مه‌زن ل سه‌ر مه‌ داهاتن و مه‌ ئه‌و به‌رهه‌ڤی و پلانێن ژ دل نه‌دانان بۆ هێرشه‌كا نه‌چاڤه‌رێكری!. حه‌تا نه‌دایه‌ گوهێن مه‌، مه‌ پیچه‌كێ‌ خۆ خورت نه‌كر.. دكارین بێژین كو سه‌رهلدانێن جه‌ماوه‌ری مینا (صه‌مام الامان) بوو و مه‌ ئه‌و لڤاند و ل سه‌ر سه‌رێ‌ مه‌ و مله‌تێ‌ مه‌ بوو له‌هیه‌كا دژوار سزایێ‌ وێ‌ ئه‌و كاره‌ساتا ره‌ڤینێ‌ بوو، دڤیابا مه‌ باشتر پاراست با، و هێشتا ژی چو ژێ‌ نه‌چوویه‌ ئه‌م دگارین ئه‌ڤرۆ مفای ژێ‌ وه‌ربگین.. و به‌س شاشێن سه‌ربازی یێن مه‌زن بكه‌ین، لێ‌ هه‌روه‌كو سه‌ركه‌فتێن مه‌ هه‌رده‌م د درێژاهیا دیرۆكێ‌ دا بانه‌ك و دو هه‌وابووینه‌، شكه‌ستنێن مه‌زن یێن ل دویڤ دا، له‌ورا دڤێـت ب هشیاری سه‌ره‌ده‌ریكرن بهێته‌ كرن..

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close