ئبراهیم سپینداری
پشتی ڕوخانا ڕژێما صەددام حوسێن و فرەھەژمونیا نێڤدەولەتی، نەمازە ئەمریکا، ل عیراقێ و دەڤەرێ، میدیا جیھانی، بدەنگەکێ نزم، ئاماژە ب نیازا پاپای بو سەرەدانا عراقێ دکر، لێ پشتی دەمەکێ درێژ، پاپای ئەو بەر ل گومێ دا و دەڤەر راستی چەند پرسیارێن جودا ، ھندەک جارا، ھەڤدژ کر. چونکو پاپا سومبولەکا ئاینی و سیاسی ەو ھزری و کلتوری و مێژویی، یا گشت وەلاتێن روژئاڤا و تەڤایا مەسیحیێن جیھانێیە، لەوما ، بەری ئەنجام بھێنە زانین، بنھشێ میدیایا، نە یا زانستی و ئازاد، ل جیھانا اسلامی، نە مازە ل عراقێ، سەردێرێن گران و ھێژا بو پێگوتنا سەرەدانا پاپای ڕێزکرن، ژ وان سەردێرا« سەرەدانا پاپای، یا مێژووی» بوو. ئەگەر ئەم سەدەما سیاسی و ئابوری، یا پاپای، وەک سەروک دەولەت، بدەینە ئالیەکی، وەک سومبولەکا ئاینی مێزەبکەین، گەلو چما پاپای ، د ڤێ رەوشێدا ، سەرا عیراقێدا و دگەل سومبولێن ئاینی یێن شیعی و سەرکردێن عراقی ، و کوردستانی روینشت؟ ئەرێ ئەڤە وێ ڕاستیێ دگەھینیت، کو مەسیحیەت و شیعاتی ژھەڤدچن و شیعاتی رێچکەیەکە پتر سونناتیێ، نێزی ئەقلی و زێکولاریزمێیە، لەوما دگەل سومبولێن ئاینی، یێن سوننی نر روینشت؟ ئەگەر وەسابیت، چما سەرا ئیرانێ نەدا. یانژی ئەڤە نامەیا ئاشتیێیە، ژ ئالیێ روژئاڤاڤە ، ب ڕێیا پاپای، بو عراقێ، ئاراستەی ئیرانێ ھاتیە کرن؟ئەگەر ئەڤە پێکولەکا ئاشتیخازانەبیت و خازتەکا وێ ژھەڤنێزیکبوونا کلتور و ئاینا و تەناھیا جیھانێ و پێکڤەژیانێبت، پا چما، د رێیا خوەدا، سەرا سعودیێ و قاھیرە و ئەزھەرێ نەدا؟ ئایا بو رێزگرتن و نڤێژکرنا ، ل سەر گیانێ گوری وبریندارێن و تراجیدیا و سەرھاتیێن بسەر گەلێن پاپا ل عراقێیە؟ ئەرێ پاپای پرسگرێکێن عراقیا، یا کوردی دگەلدا، ئانی زمان و فشارەک بو چارەسەرکرنا رەوشا گەلێ عراقێ ، د دەستێن ڤێ دەستەکا دز و گەندەلدا، بکارئانی؟ ئایا پولا پاپاھەلگر ب پەژراندنا پاپای و تورکاھاتە چێکرن، یان ، وەک ریفراندومێ، شاشیەکبوو ل ئالیێ ھندەک سەرێن ھەرێمێڤە و دێ بەرامبەرێ وێ شاشیێ دەین؟ئایا شاشیبوو، یان پێنگاڤەکبوو د رێیا خەباتا نەتەوەییدا .ئایا ڤێ پولێ، بو پاپای پشتراستنەکر، کو ئەو ب شاشی د ئەردوگانی گەھشتیە؟ ئایا دروستە وەلاتەکێ مسلمان پولەکێ چێکەت سومبولا مەسیحیەتێ بھەلگریت؟ دێ ئەڤ پولە دلخوشیا فەلەیان، ل بەرامبەر توڕەییا مسلمانا ئینیت؟ دێ ئەنجامێن سیاسی یێن باش بدویڤدا ھێن؟ دێ روژئاڤا دلوڤانیێ کەت و پرسگرێکا مە ب سیاسی بناسیت؟ گەلو، ھندە سالە پێلاڤئالیستنا جویا بو مە چ پێڤەھاتیە؟ ئەڤەژی پێلاڤئالیستن نەبوو . ھەرێ ئەڤە سیاسەتە ؟. ئەگەر سەرەدانا پاپای یا مێژوویبیت، دەبێت ڤێ پولێ بپارێزیت . ب بوچوونا من، سەرەدانا پاپای سێ ئامانج ھەبون، کاری ئێکا بتەنێ بشکێنیت. – سەرەدانا وی دلخوشیبوو، بو مەسیحیێن عراقێ ، لێ دیسا وان ناپارێزیت، بەلکو دێ ھێرسا ئاینی بەرھەمئینیت -ھەلبەت دێ بەرەیێ رادیکالیزما اسلامی دژی حکومەتا فیدرال و کوردستانێ خورتکەت. – بەلکو پاپای پڕ ل سەر مێژویا عراقێ بگشتی، بابلی و جویاتیێ ب تایبەتی خاندبیت، ئاماجەکا گەشتوگوزاریژیبت، ب ڤێ رامانێ، ئامانجەکا خوە شکاند. – چونکو پاپای چ ئارێشە چارەسەرنەکرن، لەوما،ھاتنا وی خزمەتا پێکڤەژیانێ نەکر. ئەگەر ھەلگرتنا نەخشەیێ کوردستانێ، یێ پاپاھەلگر، (پولا پاپا ھەلگر) ژ ئالیێ فاشستێن ترکڤە، ل پەرلەمانێ خوەدا، ڕامانەک ھەبیت، زخاندن و ستویرکرنا ھێرسا جیھانا اسلامیە دژی گەلێ کورد. پولا مە گەلەک یا ھاڤیبوو، وەک ریفراندومێ، بەرەکبوو ب سەرێ مە کەفت . پێلاڤئالیستن فاکتەرەکێ سیاشی نینە و خزمەتێ ناکەت. تەنێ ئێکگرتنا مە و سیاسەتەکا ریئالیست و نەرم ، دێ مە بەرەب پێش بەت. ئەو پێشوازیکرن یا جوانبوو، لێ مە ب وێ پولێ ، بێ بەرامبەر، خوە ژ پاپای پاپاتر زانی .
