فەرهاد عەلی حەمید
پشتی سەرداگرتنا هێزێن داعش بۆ ئاخا عیراق و سوریا، خیلافەتا ئیسلامی ل بەشەکێ ڤان وەلاتا ڕاگەهاندن، ئەوا بناڤێ (خلافة دولة اسلامية في عراق و شام) گەلەک ژ خەلکێ سڤیل بوونە قوربانیێن دەستێ ڤێ ڕژێما مرۆڤ کۆژ هێزێن پێشمەرگەهی و گەریلا داستانێن مەزن دبەرهنگاربوونا شەرێ دگەل داعش ل دەڤەرێن کوردی تومارکر، ئەڤ داستانە بۆنە ئەگەرێ خوڕتکرنا پێگەهێ کوردا ل هەمی جیهانێ؟ پشتی سەرکەفتنا هێزێن کوردی، سەرکردێن هەرێما کوردستانێ پێکۆلێن دروستکرنا دولەتا کوردی کرن، وەلاتێن جیهانێ ئەڤ چەندە ڕەتکر و گوت هێشتا دەمێ دروستکرنا دەولەتا کوردی نەهاتیە، هندی هاتن کو بشێن ڤان کەسا ڕازیکەن کو دەمێ ڕیفراندووم و دەولەتا کوردی نەهاتیە، مەسعود بارزانی گوهێ خوە نەدا چ کەس و چ لایەن و چ وەلاتا و گەف و هەرەشە ل هەمی جیهانێ کرن و گوت ئەم حسابێ بۆ کەسێ ناکەین، ئەڤ گوتنێن مەسعود بارزانی بۆنە ئەگەرێ کاڤلکرن و وێرانکرن و ژ دەستدانا پتر ٥١ % ژ ئاخا کوردستانێ، پێگەهێ کوردا هند لاواز کر ئەڤرۆکە دیزاینەرەکێ کورد نەشێت پیلەکێ پێنج سەد دینارێن عیراقی ب نەخشێ کوردستانێ دروستکەن ژبەر گەف و هێرشێن ترک و فارسا، ئەڤ ڕژێمە هەرۆژ ب هێجەتەکێ گەفا ل کوردا دکەن، هوکارێن گۆمانا دناخێ تاکێ کورد دا دروست دکەن ئەرێ بوچی چ سەرکردێن ڤێ هەرێمێ نەشێن خوە ل ڤان هێرشا بکەنە خودان و چ هەلویستا بەرامبەر بێرێزیێن ترک و فارسا وەربگرن و بوچی دگەل ئێش و ئازارێن گەل و نەتەوا خوە ناژین، ب هزاران جانگوریا گیانێ خوە یێ گوری ڤێ ئاخ و نەتەوێ کری، ئەڤرۆکە وەسا ب بسانەهی بکەڤیتە بن کەف و پیێت دۆژمنا، مخابن چ کەس و لایەن بێدەنگیێ ناشکێنن و دەستا ژ بەرژەوەندیێن خوە بەرنادەن بەرامبەر ڤێ بێرێزیا ب مللەتێ مە دهێتە کرن، دباوەرامەدا ئەو سەرکردێن بەرامبەر بێرێزیا دۆژمنی بێدەنگی و بێهەلویستی هەلبژارتی ئەوان کەسا ب چ ڕەنگا ماف نینە خوە ب خودانێن ئاخ و ئاڵا و کەرامەتا مللەتێ مە بزانن، تشتێ ئەم شانازیێ پێ دکەین مللەتێ مە یێ هشیاربووی، ئێدی چاڤدێریا هەر بویەرەکێ دکەن و هەلویستا بەرامبەر وەردگرن؟
