بژار موستەفا
یا رون وئاشکەرایە هەر رژێمەکێ وەکی ژیێ مروڤی قویانغێن خۆە یێن جدا جدا هەنە . دهێتە هەبوونێ ،گەلەک جار ژبەر ئەتموسفەرا هەیی،نەشیت خۆە راگریت هیژ زاروک ژناڤ دچیت .هەنە ژی بهێز دکەڤن ..دبنە گەنج ،خۆە دگونجینن دگەل وێ دورهێلا ئەو دناڤدا ،دبیتە زەلامەک خورت وچەلەنگ ،داوی بەرەڤ پیربونێ ڤەدچیت ..رۆی برۆی مرنێ دبیت . سیستەم ژی هەمان تشتە .. دەولەت نەتەوەیا زلهێزێن مێتنگەر بخۆەرا ئینای ،ژ ئەنجامێن وان شورەشێن ل ئەوروپا چێبوین بتایبەت شورەشا فرنسا ..ب ریا شەرێ ئێکێ یێ جیهانی ڤیان دەباسی وان مڵەتا بکەن یێن دبن سیبەرا ئیمپراتوریا ئوسمانیدا یا دشەریدا شکەستن ئینای ..هەر کەسی بارا خۆە تێدا دیت کورد نەبن ،بەشەک ژ شیعێن عیراقێ خۆە قوربانی وێ سیاسەتا شوڤینیست ددیتن یا سنیێن عیراقی برێڤە دبر ،بەرەڤ هەلوەشینێ ڤە دچوو . بەعثی و سەدام میناکا وێ ئێکێ بوون . بهێزبوونا رژێمی ئەو ئێک نیشاندا هەژمونا خۆە لسەر وەلاتێن عەرەبی خورتر لێکەت ،یا دی شورەشا ئیرانی بوو ، ترسا وێ ئێکێ هەبوو پێلێن وێ شورەشی دەرباسی عیراق وبەشەک ژ وەلاتێن عەرەبی ببن .. خەلکی ژی بخۆە بدەرفەت زانی ڤان دوو هێزا وەکی دوو دیکلا بەردەنە ستویێ ئێک دوو دا بێ هێز بکەن . کەفتنا ئیرانێ وەسا یا بساناهی نەبوو ،چونکی ئەو گەرماتیا شورەشێ وەل خەلکێ ئیرانی کربوو زوی زوی خۆە نەدەنە دەست .. بەلێ عیراق کرە کالە مێرەک بزەحمەت بوو خۆە لسەر لنگا بگریت ..بتایبەتی بارگرانیا دشەریدا بو چێبوی ..وەلاتێن وەکە سعودیێ و کوێتێ ژی گاز ب ئەرزانی دفروت ،کارتا پەترولێ دژی عێراقێ بکار دئینان . خۆە نەچار دیت بەرەڤ کویتێ بچیت ، ژلایەکی وەکە پارێزگەها ۱۹ ددا زانین دا مورالا خەلکێ عیراقێ خورتکەتەڤە ..ژلایێ دی وێ بارگرانیێ نەهێلیت .چو بوو دا ریها درێژ کەت سمبێل ژی دانانە سەر . ئەڤە نێچیرەکا خۆەش بوو بو زلهێزێن وەکی ئەمریکا و هەڤپەیمانێن وان ، هەم نەینوکێن وی ببرن ..هەم پێگەهێ خۆە لروژهەلا ناڤین خورتر لێکەن . ئەو بو روی بروی هێزێن عیراقێ بوون پشتی چویە دکوێتێ دا . ئەو ئێک بو ئەگەر رژێما عیراقێ بەری هەر وەلاتەکێ دی نیشانێن کالبونونا وی سیستەمی لدەڤ پەیدا ببن یێن دەولەتا نەتەوەیی ،تێک بهەژیت بەرەڤ لاوازبونیڤە بچیت . دەرفەت بو شیعێن عیراقی چیبوو رابنە سەر خۆە ، هەرچەندە بەرەیەک ئوپوزسیونی بکوردارا ژی هەبوو هەڤپارێن عیراقا داهاتی بن ..دەست پێبکەن دام و دەزگایێن رژێمێ رامالن ،رابونا وان ئیلهامەک بوو کورد ژی خەونێن خۆە یێن بسەدێ سالا بدەست ڤە بینن . دەستپێکێ ژ لایێ سوران دەست پێکر ،ژ ئەنجامێ هشیاریاوان بوو ،وەکی تەپەکا بەفرێ چەند گرێل دبوو مەزنتر لێ دهات . ئەو وێرەکی بو خەلکی پەیدا بوو .. خۆەلی پەلا بسەدێ سالا وەکی مروڤ هندەک پویشکی لسەردانیت هەوایەک لێدەت گەش ببیتەڤە ..وەسا ئەو هیڤی لدەڤ خلکی پەیدا بوون و گەشە کر ،دەست برامالینا دام و دەزگایێن رژێمێ کر . دەرفەت چیبوو روژا کوردا هەلات ،ئەو تاریستان بداوی هات . کورد رومەتا هزارێ سالا ل ئەردی نەهێلن . ئەڤ ئێکە هند یا جان بوو هند رحا براینیێ پێڤە بوو ،هندی دەستێ پارتیین بناڤ سیاسی ڤێرا نەگەهشتی …ئەو ناکوکی ململانێ یا خۆە ئینا ناڤا باژیرا ،شیرازێ جڤاکێ لبەریک بر ..راستە بناڤێ بەرەی کوردستانی بوو ،بەلی چ هاوسەنگی پێڤە دیار نەدکر ،هند خۆە هەڤکار ددیتن هندی چ ددەستا دا نەیی هەر زوی دەست دانا سەر ملک و مالێ گشتی یێ بناڤ دەولەتێ ..دەست ب مروڤ مروڤکانێ کر ..حزب حزبانێ ..گروپ گروپانی ..بارەگایێن پارتایەتی ..خالێن سنوری وەکە داهات ..هەر زوی ئەو گر و تین دهناڤین خەلکەکیدا ڤەمراند ،،یا تێرا هندی دکر خەونێن بسەدێ سالا بجیهـ بینین .
