رۆژه‌ڤكوردستانینێرین

هاتنا پاپا ئەنجلینا ئینا بیرا مە

سەردار هێتوتی

پاپا ژ بۆ دعایان و ئەنجلینا جولی ژ بۆ هاریکاریا پەنابەر و ئاواران ل عیراق و کوردستانێ بوون، جولی بەری چەند ساڵا هاتبوو وێ مەرەم پێ هاریکاریا خەلکێ خیڤەتگەها واتە ئاوارە و پەنابەران بوو، وێ دخاست ڕەوشا وان ژ لایێ ئابووری و ساخلەمی و پەروەردەهیێ ڤە باشتر لێبهێت، ناڤهاتی بالیوزا ئاشتیێ یە و چ جارا دگەل شەڕی و خرابکاریێ نینە. پاپا ژی خودانێ مەزنترین ناڤ ژ ڤاتیکانێ بەرەڤ عیراقێ ڤە هات، وی ژی مەرەم پێ نەهێلانا شەڕی و دژواریێ و نەدادیێ بوو، هەر چەندە ناڤبری پتر ژ بەر وێ هژمارا کێم یا فەلەیان ل عیراق و کوردستانێ هاتبوو لێ خۆدان پەیامەکا روون یا مرۆڤاهیێ ژی بوو. ل ڤێرە ئەگەر ڤان هەر دوو سەردانان دانینە بەر چاڤ، دیار دبیت یا ئەڤ هەر دوو بەرێزە د بێ ئاگەهن ژ عیراق و کوردستانێ یان ژی ئەو بخۆ خۆدان بەرژەوەندن و لەوا یێن هاتینە ڤان خرابەتان. ئەنجلینا جولی دەما هاتی نەشیا ئاوارە و پەنابەرا بینیت چونکی بەرپرسان ڕێک نەدایێ ب تنێ دا کو وێنەکی دگەل بەژنا وێ بگرن و دیارە پشتی زڤری ژی کوژمەکێ پارە ل پاش خۆ هێلا بوو لێ چ جارا ژ ڕاستیا خەرجکرنا وان پارا نەزڤری کو دیار دبیت هەرکو پشتی هاتی زانی عیراق وەڵاتێ شەران و کوردستان ناڤەندا ئافرینەرا قەیرانانە. پاپا ژی دیارە ژ بیر کریە دەنگێ دعایێن وی ناگەهیتە ئەسمانان چونکی ل ئەسمانێ عیراق و کوردستانێ دەمەکە خۆدێ نەمایە ژ بەر بێ رەحمیا مڕۆڤان یێ بارکری، ل عیراق نەڤیێن پێخەمبەران یێن کوشتی و ل کوردستانێ ژی برا یێ برا لسەر پارە دکوژیت.

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close