رۆژه‌ڤكوردستانینێرین

بوچی سەرهەلدان هاتەکرن ؟

بەیار ئامێدی

ب درێژیا مێژویا گەلێ کورد ل هەرچوار پارچەێن کوردستانێ وپارچەێن دن ژی گەلێ کورە شورش وخەبات کریە وب هزاران قوربانی داینە پێخەمە دەستکەفت وئارمانجێن خۆ ئو بگەهنە مافێن خوێن رەوا ل باشورێ گوردستانی ل هەرێما کوردستانێ زێدەتر ژ نیف چەرخی شورش دژی زولم ستەمێ بەردوام بوون ب سەدان گوند هاتنە سوتن ویرانکرنوکیمیا باران وقرکرن وژنافبرنا کوردان یا بەردوام بوو ول هەمی چیا ودول نهالان خوینا شەهیدا پێڤە سوربویە ، تاکو جریسکا سەرهەلدانێ گەش بوی وسەرهەلدانا گەلێ کورد دژی زولم وستەما بەعسیان ل بهارا سالا 1991 دەست پێکری ل وی دەمی خەلکێ هەرێما کوردستانێ ب سەدان هیڤی ئومید هەبونە ول وێ باوەریدابوون کو ئێدی زولم وستەم نەما وهەمی دێ گەهنە مافێن خو وژ خۆشیان دا رونک ل چاڤێن وان دبارین لێ پرسیار لڤیرە ئەوە بەرهەمێ سەرهەلدانێ وخوینا ب هزاران شەهیدان کێ خار؟ ئەرێ ئەو هەمی هیڤی و ئومێد وخەون بونە راستی ؟ مخابن پشتی بورینا 30 سالێن حکومرانیا لوکال ونافخو و پەیدابوونا دەلیڤەین گونجای بو خوشکرنا ژیانا ڤی خەلکێ ستەم لێکری وب دەستکەفتنا ب دەهان ژێدەرێن ئابوری وراگەهاندنا ئابورێ سەربەخو وفروتنا ب هزاران ژ بەرمیلێن پەترولێ روژانە و بازرگانیکرن و ڤەکرنا خالێن سنوری وپەیدابونا دهاتێ نافخویی تا ئەڤرو خەون وهیڤێن پرانیا خەلکێ ڤی وەلاتی هەرمان خەون دخراپترین رەوشا ئابوری دا دژین گەلەك ژوانا مینا کەسانێن پەنابەر ل ناڤا جەرگێ ۆەلاتێ خودا دژین هێشتا خانیەکێ بیسەربەر نینە سەرێ خو ببنە بن و تێڤە بژین 30 سال بورین هێشتا کارەبا مە نەبویە 24 دەمژمێر هێشتا ژمارەکا قوربانێن ئـەنڤالان کەس وکارێن شەهیدان وخەلکێ ڤی وەلاتی یێ خوزیا بو هیڤین خو رادهێلیت 30 ساڵ دەربازبون وهێشتا ئەم یێ ژبەر چەندین قەیرانان دنالین بەرهه مێ سەرهەلدانێ بو هندە کەسان دعا دایک وبابا بو بونە خودێن ڤی وەلاتی وێن بەریا سەرهەلدانێ دار دەستین رژێمێ بونە عاقل مەند وشیرەتکار و زاناێن وان وخو ل بەرچاڤێن کەس وکارێن شەهید وقوربانێن ڤی وەلاتی قارمان دزانن دەنە ناسکرن ومازایدا سەر کوردینیا وان دکەن 30 سال بورین هێشتا ئەم نەشیاینە جڤاکەێ مودرین و سەردەمانە ئاڤاکەین پشتی بورینا 30سالان هندەک ل ڤی وەلاتی خودانێن هەرتشتەکی نە ویێ دوهێ خەبات کری مینا بەندەیەکی ل بەر دەستێ وان کاردکەن ئەڤە راستیەکا تەعلە وهەرکەسەک ڤێ یەکێ دزانیت لێ پرسیار ئەوە سەرهەلدان بوچی هاتەکرن ؟ ئەڤەبون حەز وهیڤی وئومێدێن ڤی خەلکی؟ ئەرێ راستە پشتی وێ هەمێ خەپات وقوربانی دانێ خەلکێ مە یێ هەژی ڤێ ژیانێ یە؟ ئەگەر ژ نشکەکێ ڤە کەسەک ژ وان شەهیدێن قارەمان ێن گیانێ خو کریە قۆربانی راببیتەڤە ل ژیانێ دێ هەستێ وی چبیت؟

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close