ئازاد بارانی
ئەم دکارین ببێژین کو نەوروز جەژنەکا هەڤبەشە دهێت گێران دناڤا گەلەک مللەتان دا ئەڤەژی ئاماژەکا جوان لپشت خۆ هەلدگریت. ئەم نا خوازین بۆ دیرۆکا نەوروزێ ڤەگەرین وەک ڕاستی و ئەفسانە دهەمان دەمدا ناخازین بشێوەکێ گشتی لسەر وان مللەتان بڕاوەستین یێن کو جەژنا نەوروزێ دگێڕن، یا مە دڤێت ئاماژێ پێ بدەین چما نەوروز پەیامەکە ژ مللەتی کوردان بو دەرودورا خوە. هەروەسا چەوا نەوروز نیشانا ناخەکێ پری ڤیانە . هەرکەس و هەر دیرۆک ناس و ڤەکۆلەرێن دیرۆکی لگورەی خواندن و شیکارا خۆ نەوروزێ دبینن کو گەلەک جوداهی دناڤا واندا دهێت دیتن، لێ یا کو هەمیان دخالەکێ دا کوم دکەت کو نەوروز دنها دا دەڕبرینا دل خۆشیا تەڤاهیا چنێن کومەلگەهێ یە بۆ رۆژا زاڵبونا دادیێ لسەر ستەمێ دهەمان دەمدا ڕامانا باوەریا کومەلگەهێ یە بهەڤرا ژیان کرنێ بتایبەت دناڤا کومەلگەهێ کوردی دا دەما کو ژ چار چوڤێ چار دیوارێن ب ستارە دەردکەڤن بۆ خوەزایێ بێ چارچوڤه دچن هەریەک ب ڕەنگو ڕوویێ خۆ یێ جودا ژ یێ دی. هەمی ب وان دیمەنێن جودا و رەنگاو رەنگ شاد دبن و بهەڤراژی دکەفن کەیف و شادی دیلانا کوردی. ئێدی سنورێن چار دیوارا دشکێن و هەر یەک بخۆ و ژبۆ بەرژەوەندیێن خۆ تا رادەیەکی هەمی وەکو یەک دهێن دیتن. خالا ڤان هەمیان کوم دکەت ئەوە کو هەمی ژ بۆ ڕۆژا ئازادیێ دەرکەتینە دەڕبڕینێ ژ ناخێ خۆیێ تژی ڤیان ژبۆ پێکڤە ژیانێ دکەت.میناکا هەری ساخ ژی دیتنا مللەتێن جودانە هەر دناڤا خەلکی دا وەک عەرب و ترک و کورد. ڕەگەزێن جودا و ڕەنگێن جودا. لداویێ ئەڤە ئەو ئەگەرن یێن بۆ مە خۆیا دکەن مللەتێ کورد هەلگرێ پێکڤە ژیان و لێبورینێ یە د ناخێ خۆدا هەر د کەڤن دا و هەیا نها.
