رۆژه‌ڤكوردستانینێرین

ئەورۆپا زلەک لبنێ گوهێ ئەردۆغانی دا

محەمەد چەلکی

Erdogan, many Disagreements and bargains with the European Union! -  European Centre for Counterterrorism and Intelligence Studies

د ڤیدیۆ کۆنفراسا سەرۆک و رێبەرێن ئێکەتیا ئەورۆپی ل گەل ئەردۆغانی(١٨-٠٣-٢٠٢١) ل سەر پرسێن گرێدای ب ئەندامبوونا تورکیا د ئێکەتیا ئەورۆپی دا بۆ جارا ئێکێیە ئێکەتیا ئەورۆپی ڤەکری و دویری زمانێ دیبلۆماسیێ زلەیەکا ب ژان لبنێ گوهێ ئەردۆغانی دا و کپێن ژ ئەردۆغانی نەهات، هەلبەت ئەڤە جارا ئێکێیە ئێکەتیا ئەورۆپی هۆسا بێ هێرڤە و وێڤە مژارا کێشا کوردی و قەدەغەکرنا هەدەپێ ل گەل ئەردۆغانی ڤەکرن و گۆتێ: قەدەغەکرنا هەدەپێ و مافێن مرۆڤی و ئازادیا ڕادەربرینێ هێلێن سۆرن و ئەگەر هەتا ٢٥\٢٦-٣-٢٠٢١ رەوش باشتر لێنەهێت، هینگێ کارتا عمبارگۆیا ئابووری دێ بیتە تاکە رێک بۆ ڤەگەراندنا تورکیێ ل سەر رێکا دیمۆکراتی و بەرهەڤکرنا تورکیێ بۆ ئەندامبوونێ د ئێکەتیێ دا چونکو سیاسەتا ئەدۆغانی دویرە ژ پرەنسیبێن ئێکەتیا ئەورۆپی، زێدەباری پرسا ئاوارەیان و کێشا دگەل قوبرس و یونانێ و دەستێوەردانێن تورکیا دکێشێن سوریا، لیبیا و ناگورنۆ قەرابخاێ دا.

     ژ بلی ئێکەتیا ئەورۆپی بۆ کێشا قەدەغەکرنا هەدەپێ و پرسا دیمۆکراتیێ و ئازادیا راگەهاندنێ ئەمریکا ژی هۆشداری دانە ئەردۆغانی ژ خوە پرسا مۆشەکێن ئێس ٤٠٠ هێشتا و گەفێن ئەمریکا بۆ بەردەوامبوونا تورکیا د کڕینا وان مۆشەکان دا هێشتا زرنگێنا وان گەفان د گوهێن ئەردۆغانی دا زومێنە! هەر ژ ئەگەرێ وان گەفان ئابوورێ تورکیا بەرەف هەلوەشیان و دارۆخانێ بوویە و لیرێ تورکی پتر ژ نیڤا بوهایێ خوە ژ دەستدایە.

     پشتی ڤێ ڤیدیۆ کۆنفراسێ لیستا گەفێن عمبارگۆیا ل سەر تورکیا ژ قۆناغا هۆشداریێ بەرەف چەسپاندنێ دچیت و مەودایێ یاریکرنێ بۆ ئەردۆغانی نەهێلایە و جوزیف بورێلێ وەزیرێ دەرڤەیێ ئێکەتیا ئەورۆپی د وێ ڤیدیۆ کۆنفراسێ دا ڤەکری گۆتیە: هەتا ٢٥\٢٦-٠٣ دێ راپۆرتا خوە پێشکێشی سەرۆکێن ئێکەتێ کەم و ئەگەر پرسا قەدەغەکرنا هەدەپێ و دیمۆکراتی و ئازادیا ڕادەبرینێ چ گوهۆڕین ب سەردا نەهاتن، هینگێ پرسا چەسپاندنا عمبارگۆیا ئابووری و دەرگەهگرتنا ئەندامبوونێ د ئێکەتیا ئەورۆپی دا دێ کەڤیتە قۆناغا جێ بەجێ کرنێ دا.

     ئەڤ زلەها ئێکەتیا ئەورۆپی دانایە ئەردۆغانی و دگەل گەفێن ئەمریکا بۆ حوکمەتا ئەردۆغانی، ل نێزیک دێ ئەنجام دیار بن، ئاماژە تەڤ ژی بۆ هندێ دچن کو پاییزا ئەردۆغانی بەری بهار بهێت، دێ هێت و تەڤ زڕتێن وی یێن هەتا نوکە بەرداین و قەسێن کرێت ب هەروە ل سەر ڕکابەرێن خوە یێن سیاسی بەڵاڤە دکرن، دێ پەشێمانی و تەحەم پێ مینن و ل هەلبژارتنێن بهێت(٢٠٢٣) دێ بێی مخابنی ژ دەستهەڵاتێ دەرکەڤیت و دووبارە تورکیا علمانی و نێزیکی پرەنسیبێن ئێکەتیا ئەورۆپی و ناتۆیێ بیتەڤە!

١٨-٠٣-٢٠٢١

دهۆک

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close