رۆژه‌ڤكوردستانی

كەلتوركرنا نەورۆزێ

دەمهات نوری عەبدال

نەورۆز لە کوردستان – Knwe.org

پرانيا مللەتێن جيھانى و بتايبەت مللەتێن ڕۆژھەلاتا ناڤين، سەنگ و ھێز و مۆرلا خوە ژ كەلتورێن خوە وەردگرن ئانكو ڕەنگڤەدانا ديرۆكا كەلتورێن خوەنە كو ديرۆكا وان ژ بۆ ھزارەھا سالان ڤەدگەريت، ل ڤێرە بۆ مە ديرۆكا نەورۆزێ چ وەكى چيڤانوك چ ژى وەكى ديرۆك نە ديرۆكەكا ڕوھن و خوەيايە، و نەخوەيا بۆنا وێ ژى بديتنا مە نەگرنگە بەلكو يا گرنگ كانێ ئەم وەكى مللەتێ كورد چەند شياينە د كەلتوركرنا نەورۆزێ دا د زندى بين.! ھەلبەت چەژنا نەورۆز ژ ئاليێ مللەتێن ئارى ڤە دھێتەگێران، لەورا ژى ھەر مللەتەك ژ ڤان مللەتێن ئارى كو مللەتێ كورد ژى ئێكە ژ وان مللەتان، جەژنا نەورۆزێ ب ملكێ خوە زانييە، و د چارچوڤەيێ داب و نەريتێن گەلێ خوەدا ھێمايێن نەورۆزێ بخوە كرينە كەلتور. ھەلبەت مللەتێ كورد ژى ب درێژاھييا ديرۆكێ جەژنا نەورۆزێ ب جەژنا نەتەوەيى و جەژنا كەلتورێن ڕەسەنێن خوە زانييە، چەژنا نەورۆزێ ب جەژنا ئازادى و نەتەوييا مللەتێ كورد زانييە، لەورا ژى كوردان بەردەوام ھێز و مۆرالا خوە ژ ئاگرێ پيرۆزێ نەورۆزێ وەرگرتييە، و دھەمان دەمدا دوژمنێن كوردان ژى بەردەوام فۆبيا خوە ژ ھەلكەفتنێن نەورۆزكرنا كوردان ديتينە، ھەروەك چاوا كوردان پرانيا چەنگ و شورەش و سەرھلدانێن خوە ب مۆرالا نەورۆزان ئەنجامداينە، لەورا ژى ب ديتنا مە چەژنا نەورۆزێ جەژنەكە كو ژ ھەر چەژنەكا دى پيرۆزترە ژ بۆ مللەتێ كورد. ژ ملێ كەلتورى ڤە جەژنا نەورۆزێ جەژنا ب ھەڤگەھينا تەڤيا مللەتێ كورد، كوردان بەر ب ديرۆكا رەسەنا كەلتورێن تژى كوردەواريى و جاران ڤەدگەرينينن. ميناك، كورد سالانە بھەلكەفتنا جەژنا سەرسالا كوردى و برێكا ھەلكرنا ئاگرێ نەورۆزێ ل ھەرچار پارچێن كوردستانێ و ھەروەھا كوردێن ھەمى دونيايێ؛ چ ل ئێريڤان، چ ل ئەرمەنستان و روسيا و چ ژى كوردێن جوھى و ئێزدى و مەسيحى برێكا ئاھنگ و سەرسالا نەورۆزێ، ھەكە دەست مللێن ھەڤدو ژى ل گوڤەندان نە ھەژين، برێكا ميديا و تورێن جڤاكى تەڤلێ كەلتورێن خوە يێن رەسەنێن كوردى دبن، لەورا ژى نەورۆز دبيتە خالا ھەڤگەھين و سەرەكى ژ بۆ كوردان، و برێكا نەورۆزێ كورد سالانە تەڤلى رەسەناتيا كەلتورێن خوەيێن دێرينێن و تژى ژيانكرن دبن. بگرە؛ ل بەرخوەكرنا جل و بەرگێن كوردى ھەم ژ بۆ ژن و ھەم ژى مێران، تێكھەلبوونا ژن و لاوێن كوردان ب گێرانا گوڤەند و سەما و ديلانان كوردەوارى، كو دڤێ گەرم و گوريێ دا دلێ ھەر ئێك ژ مە، و ل بەر گەرماتيا ئاگرێ نەورۆزێ و دھلۆ زرنايا گوڤەندێن وێ تژى ڤيان و خوەشى و ژيانكرن دبيت. بديتنا مە، ياكو مە كوردان ھەردەم شانازيێ پێكرى نەورۆز بوويە، مە گوت نەورۆز چۆنكى يا مە وەكى مللەتێ كورد ژ نەيار و دوژمنێن مە جودا دكەت نەورۆزە، لەورا ژى دوژمێن مە كوردان خاستييە ناڤ و ناسناڤێن جودا جودا ل سەر نەورۆزێ بدانن. وەكى؛ جەژنا دايكێ، جەژنا دارێ ل ئيراق و سوريايێ، و تورك ب جەژنا دەسپێكا بوھارێ ددەتە دياركرن، بتەنێ داكو مە ل ئاراستكرن و مۆركا نەتەوى ب گوھرن. ژ نڤيسينا: دەمھات نوورى عەبدال 19/03/2021

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close