رۆژه‌ڤكوردستانی

بلا نەورۆز ب واتا خوەیا کوردایەتی بمینیت

شەعبان مزوری

CONIFA on Twitter: "Happy #Newroz / #Новруз / #ЯранСувар / #نەورۆز to all  our #Kurdish, #Lezgian and #Ossetian followers! World peace can be achieved  When, in each person, The power of love

ئێڤاریا نەورۆزا ئەڤ سالە و پارسال وەک نەورۆزێن دی نەبویە ژبەر ئافاتا کورونا کو هەما بێژە زۆربەی چەمکێن ژیانێ ئیفلاج کرینە، لێ بو من سەرەرای دژواریا ڤێ ئافاتێ هیڤیەک چێ دبو کو نەورۆز بهەمی ئاوایەکی رەنگێ خوەیێ کوردایەتیێ رەسەن ڤەگەرینیت کو ئەوژی سیمبولا بەرخوەدانێ یە، وەک مەزلۆم دوغان دبێژیت بەرخوەدان ژیانە، براستی رامانەک پر جوان لناڤا دو پەیڤا جی گرتیە. ئەگەر ئەم تەماشەی خوە و دەوروبەرا خوە بکەین دێ بینین روژانە د ئاستێن جودا و برەنجێن جودا ئەم لبەر خوە ددەین ژبو ژیانا خوە خوەشتر کەین.

بو من نەورۆز سیمبولا بەرخوەدانێ یە و جورێن داخواز و مافان لدویف ژینگەها مروڤ تێدا دژیت تێنە گوهارتن. ئەم کورد تا روژا ئەڤروژی بو مە نەورۆز بەرخوەدانە، بەرخوەدان ئازادیە، ئازادی سەرخوەبونە، لەوما نەورۆز نە جەژنە، نەورۆز رۆژا داخوازکرنا مافانە، دژ دەرکەفتن ل بەرامبەر هەمی رەنگێن ستەمداریێ بێ جودایی، ئەڤەیە رەنگێ کوردایەتیا نەورۆزێ و ژ دەرڤەی ڤێ هەمی چالاکیێن تێن ئەنجامدان، داگیرکەرێن وەلاتێ مە دەست تێدا هەیە و تا رۆژا ئەڤرو بەردەوامە. ئەو بخور ئەم کورد نەورۆزێ وەک ئەفسانەکا بەرخوەدانا کەسەکێ سادە هەمبەر ستەمکارەکێ زۆردار و دڤێت ئەڤ تایبەتمەندیا کوردی پاراستی بیت.

ئەگەر ئەم تەماشەی پارچا باشور و رۆژئاڤا بکەین، ئەم دێ بینین پشتی نەتەوەپەرستێن عەرەب دەستهەلاتداری وەرگرتین لڤان پارچا هەمی پێکول کرن کو نەوروز رەنگێ خوەیێ کوردایەتی ژ دەست بدەت، جارنا دگوتن جەژنا بوهارێ یە، جارنا دگوتن جەژنا دارێ یە، لێ لدوماهیێ سەرتاسەری جیهانا عەرەبی کرنە جەژنا دایکێ، ل تورکی یا تا بەری چەند سالان نەورۆز قەدەغە بو، ژ نیشکەکێڤە ئەردوگان فاشیست گوت ئەڤە ژ کەڤندا جەژنا تورکیە و باپیرێن وی یێن ستەمکار ئەڤ کارە ئەنجامدایە.

نەتەوا تاجیک کو ئەڤرو وەلاتێ ئیرانێ پێشەنگیا وان دکەت، سالنامەژی نە هێلا وەک خوە بەلکو سالناما مشەختیا رۆژ دوروست کر ژبو خوە جوداکەن ژ سالناما عەرەبا یا مشەختیا هەیڤ. بڤی رەنگی تاجیکا تایبەتمەندیەک خوە دان واتا نەورۆزێ و دخوازن بدرێژیا مێژویێ کوردا ژ واتا تایبەتمەندیا نەورۆزا کوردایەتی بکێشنە سەر تێگەها خوە بو نەورۆزێ کو ئەوژی سەرسالە.

دبیت مروڤ برەوا نەزانیت هەولدانێن داگیرکەرا ژبو چەسپاندنا تێگەها خوە بو نەورۆزێ یانژی بیرەوەریەک دی دویر ژ نەورۆزێ لجهێ نەورۆزێ بو مە کوردا پەیدا کەن، لێ بو چی کورد دێ رێکخوەشکەر بیت؟

نەورۆز ب موخابنیڤە رژێما سەددام هوسەین شیا ژ رۆژەک بەرخوەدانێ بگهوریت بو رۆژەک سەما و سەیرانێ، لشوینا بەرز کرنا ماف و داخوازا، نەورۆز بو رۆژا پیشانگەها جلوبەرگ و خوارنا، یا ژ هەمیێ کومباختر بەشەک مەزن کوردێن خوێری هەنە کو براستی وەک رۆژا دەیکێ ناسدکەن و پیروزباهیا ل دەیکێن خوە دکەن وەک عەرەبا.

بکورتی و بکوردی نەورۆز نە سەما و سەیرانە، نە رۆژا دایکێ یە، نە جەژنا بوهارێ یە بەلکو تەنها و تەنها رۆژا بەرخوەدانێ یە، بژیت نەورۆز، بژیت بەرخوەدان.

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close