ماموستا موشیر سورچی
پەیمانی وارشۆ دروستبوو بۆ ڕوبەڕوبونەوەی پەیمانی ناتۆ ، ئەوکات ئیمپریالیزم جێهانێک بوو هاوشێوەی ماری دووسەرە سەرێکیان بەناوی کاپیتالیزم و سەرمایەداری لە ئەنجامی شۆرشی پیشەسازی و خواستی ولاتە پێشکەوتوە پیشەسازیەکان لەسەر کەرەسەی خاو بەتایبەتی پۆ پیشەسازی قورسەکان و بنیاتنانی ژێرخانی ولاتیان و دروستکردنەوەی سەرلەنوێ شارستانیەتە ڕوخاوەکانیان لە جەنگی جیهانی یەکەم و دوەم ، سەرەمارەکەی تریش بەناوی مرۆڤایەتی و یەکسانی و ڕێزگرتن لە مافی تاک و بەرگریکردن لە بەشخوراوان و بەناوی شۆرشی چینایەتی ، کەچی لەکۆتاییەکەی بۆمان دەرکەوت هەردوکیان سەری مارێکن . پەیمانی وارشۆ لە سالی ١٩٥٥ دامەزرا لە هەشت دەولەت پێک هاتبون وەک ( بلغاريا، وألبانيا، وهنغاريا، وتشيكوسلوفاكيا، وألمانيا الشرقية، وبولندا، ورومانيا، وە یەکێتی سۆڤیەت ) ، لە سالی ١٩٩١ لەگەل هەلوەشانەوەی یەکێتی سۆڤیەت ئیتر شتێک نەما بەناوی پەیمانی وارشۆ . پـــــەیمـــانـــی وارشۆی تـــازە : ئێستا پەیمانێکی تر دروست بوە لە نێوان چوار ولات هاوشێوەی وارشۆ بۆ ڕوبەڕوبونەوەی پەیمانی ناتۆو هەموو ئەو هاوپەیمانیانەی لە ڕۆژهەلاتی ناوەڕاست کە ئەمریکا سەرپەرشتی ئەکات ، ئەم چوار ولاتەش بریتین لە ( ڕوسیا و چین و کۆریای باکور و کۆماری ئیسلامی ئێران ) دەرگاش کراوەیە بۆ هەر ولاتێک بچێتە ناو ئەم هاوپەیمانیە . بەدروست بونی ئەم هاوپەیمانیە چوار قۆلیە ئێستا ئێران بەرامبەر ئەمریکاو هاوئاوازەکانی ئەمریکا وەک دوپشک کلکی لەسەر پشتە ، ئێران ئێستا بێ منەتی خۆی ڕاگەیاندوە لە ئەمریکا شەرە کەشتی لەگەل ئیسڕائیل ڕاگەیاندوە لە عیراق بە ئاشکرا داوای گوێچکە بڕینی مستەفا کازمی ئەکات ، لە ڕێگای میلیشیاکانیەوە بەچاوی خۆمان ئەبینیین گروپێکی میلیشیا بەناوی ربع اللە بەغدایان داگیر کردوە ، مستەفا کازمی دوانزە فەوجی لە سوپای عیراق تەنها لە ڕێگای فڕۆکەخانەی نێو دەولەتی بەغدا داناون ، هەتا مەلیک عبداللەی ئوردەن و عبدالفتاح سیسی میسر بەسەلامەتی بگەنە ناوچەی سەوز بۆ بەشداریان لە کۆبونەوەی لوتکەی عیراق بەلام باشبوو کۆبونەوەکە دواخرا بۆ کاتێکی نادیار . لە لایەکیتر سعودیە شەڕی دژی یەمەن ڕاگرت ، بەلام حوسیەکان نەک شەڕیان ڕانەگرتوە بەلکوو شەڕ تازە دەست پێ ئەکات ، هەمومان ئەزانیین شەری حوسیەکان دژی سعودیە شەڕی ئێرانە دژی سعودیە . سەرۆکی ئەمریکا هەستی بە مەترسی هاوپەیمانیە چوار قۆلیەکە کردوە بۆیە ناوی بۆتینی سەرۆکی ڕوسیای بە بکوژ هێنا ، ئێستا ئێران ڕێکەوتنی لەگەل ئەمریکا لاگرنگ نیە ، چونکە ڕێکەوتنێکی ٢٥ سالەی لەگەل چین ئیمزاکرد لە بوارەکانی ئابوری و سیاسی و دیبلۆماسی و سەربازی . ئـــایـــا دەسەلاتدارانی هەرێمی کوردستان بە تایبەتی وە پارچەکانی تری کوردستان بە گشتی ، ئەبێ هەلوێستیان لەم بارودۆخە چۆن ئەبێت ؟ بە بۆچونی من ئێمەی کورد هەتا کۆنگرەیەکی نەتەوەیی نەبەستین وە هەتا خاوەنی ئاسایشی نەتەوەیی ( الامن القومي ) خۆمان نەبین !!!! هەمیشە ئایندەیەکی ڕون و دیاریکراومان نابێت ، تەنها چاوەڕێی قەزاو قەدەر ئەکەین .
